¹ Ava Falisayi na vamo ava simbi vahinza ukufuma ku Yerusalemu vahavungana nukumulivilila wuyo. ³ Vahavenya vamo ava sundikwa vakwe umukate nukusita kugeza munyove zye zyali nyazu, zye, vatagezile. ² ( Ava Falisayi navonti ava Yuda batahalyanga peka peka nanti vageza munyove zyavo, pashifukwa vahalandataga ulwiho lwava songo. Lwe ⁴ ava Falisayi vavwela kufuma kuvuzilo uva kukazizya, vatahalyanga peka peka vageze avenesho, she vahalemaga ivintu ivyinji vye vahaposhelaga, inza ngati, ivyakozezya ivikombe, Insonta, ivya kufuma ku kopa, pe nivitengo vye vahihalilaga papo lwe vakulya.) ⁵ Ava Falisayi nava simbi vahamuvuzilizya uYesu, ''Shoni she ava sundikwa vaho vatakulandata namwe amiho gava songo gaveleye, loli vakulya umukate lwe vatagezile munyove?'' ⁶ Pe ahati kuvavo, ''Uyesaya ahakuvwa ishete kwimwe mwe vashifumbo. Ngati mwe zyasimbilye, 'Avantu ava vakhunchindiha ine nage malomo gavo, loli amoyo gavo gali ukutali nine. ⁷ Imputo zye zitali nashimo zye vakumpa ine,vakumanyisya inkomelezyo izya vantu ngati vimanyilo vwavo.' ^{8 10} Muzilesile inkomelezyo zya Mulungu pe mukulema luvilo amiho ga vantu.'' ⁹ Pe wope ahayanga kuvavo, 'Shinza shoni she mungahana indajilo zya Mulungu nukusunga amiho ginyu! Umose ahati, 'Mushindishe ubaba nu mama; pe, 'Uno we akuyanga uvuvivi uvwa baba nu mama wakwe mwemumonye alifwa.' ¹¹ Loli imwe mukuti, ''Inga umuntu akuyanga kwa baba nu mama, ''Nape vangavavwa imwe muha poshele ukufuma kuli ine Kolobani''' ( lye likuti mupeliwe kwa Mulungu), ¹² Ishi imwe mutahamwitishile uwene ukuvomba nashimo kwa baba nu mama wakwe. ¹³ Mukupanga amazyi ga Mulungu gamwalwe ukuya na miho ginyu ge mugalemile vwinji vwe viyanine navwe mukuvomba'' ¹⁴ Ahitizya impuga sona pe ahati kuvavo, ''Nivwisye ine, mwevonti imwe, pe mwivwisye. ¹⁵ Navimo ivwa kunzi vita kumuhandamaniaumuntu lwe vikwinjila mukasi mumwakwe loli vye vikufuma kunzi vyevikunanga umuntu.'' ¹⁶ Uno we ali namakutwi agakwivwila, we ayivwa. ¹⁷ Ishi lwe uYesu ayepa pampuga nu kwinjila munyumba, ava sundikwa vakwe vahamuvuzilizya ukuyanana niviholanio. ¹⁸ Uyesu ahati, ''Imwe mushili vulo pakuzimanyinsyania? Ka imwe mutakwenya ukuti vwonti vwe vikwinjila mu muntu vwe vikufuma kunzi vye vitangamuhandamania wuyo, ¹⁹ shifukwa vitakuvala mukasi mumoyo wakwe,loli vikuvala mulyanda lyakwe pe havili vikufuma nukuvala kwa zyenje?'' Muhayanjile hanaha uYesu ahafumusya ukuti ivyakulya vyonti vyinza. ²⁰ Ahati, ''Nkandi zye zikufuma mukasi mu muntu zye zikumuhandamania wuyo. ²¹ She muli wuyo umuntu, ukufuma mukasi mumoyo, mwe zikufuma insivo imbivi, numwamalaya, nuvwiva, nuvugozi, ²² nuluvembu, nimpapilo, nuvuvivi, nilenga, nuvuluvu, nahafwishi, numusamu, amadinko, nuvuwelewele. ²³ zyonti imbivi zinizi zye zikufuma mukasi, zye zingamuhandamania umuntu.'' ²⁴ Pe ahanyamuha nukuvala mushigava isha Tili nisha Sidoni. Mwe ahinjila munyumba, atahanzaga nawumo azimanye kwe ali, loli ataha vwamaga. ²⁵ Umwaluvilo we amali nu mwana umulindu uwa mpepo inkandamanu ahivwa izya wuyo pe ahanyamuha nukugwa muntende muvinama vyakwe. ²⁶ Uwene umwantanda ali Mu-Giliki, afumile muluho lwaVasilofoyinike. Ahamulava wuyo ukuti apilile impepo inkandamanu ukufuma mumwana wakwe umulindu. ²⁷ Ahayanga kuli wuyo, ''Muvalyesye tasi avana valye. She tehinza ukusenda umukate wa vana nukusumbila utuvwa.'' ²⁸ Pe ahamula ahati kuli wuyo, ''zyanalyoli, Mwene, tope utuvwa tukusevaga utuvuluvusya twe tukugwa pa meza ya vana.'' ²⁹ Ahayanga kuwuyo, ''Shifukwa pakuti wayanga zinizi, we musatushe pakujenda. Impepo inkandamanu zyafuma mumwana waho umulindu. ³⁰ Pe ahagaluha kunyumba yakwe nukumwaga umwana wakwe alambalaye pashitala, nimpepo inkandamanu zifumile. ³¹ Pe havili ahepa mushigavo sha Tili, ahajenda iyamu Sidoni iya pa sumbi wa Galilaya mpaka mushigava sha mu Dekapoli. ³² Pe vahamuleta kukwakwe ukutwi we ali havili wu bubu nukumulava wuyo ukuti avishe inyove yakwe pawuyo. ³³ Ahamusenda wula paluvazu ukufuma pampuga kukwilu, ahamuviha inyove mumakutwi, pe ahaswila amati nukumupalamansya palulimi lwakwe. ³⁴ Pe ahenya kumwanya, ahalwilwita, nukuyanga kuwuyo, ''Efifata,'' Lwe likuti, ''Yiguha!'' ³⁵ Aponye amakutwi gakwe gahiguha, nululimi lwakwe lwe lwapinyiwe luhasatuha, nukwanda ukuyanga ishete. ³⁶ UYesu ahavalamula venevo ukuti vatahavuzye nanti wumo wumo. Lye avalamuye venevo, pe vahonjezya ukuzikumusya . Ukuva vulwani kuli wuyo. ³⁷ Pe vahasukumila nkani, vahati, ''anonolizizye zyonti ishete. Avakutwi akuvapelela ukwivwa na vashinunu ukuyanga.