¹ Ilelo lwwe gashaye amasiku gavili ukwinza pa luseshelo lwa pasa wa mukate we ate viluzizyo. Pe avaputi avapiti na vasimbi vahasivilila mwe vangamwivila pakumulema uYesu kumugoga. ² Vahayanga, ''Patave paluseshelo ulwa pasa ukuti umuvwalanga kutave kuvantu.'' ³ Lwe uYesu ali mu-Betaniya ya bSimoni, uwa mambombo , pe ahalyanga pa meza, pahinza umwantanda alemile insupa ya alabasita yali ya mutengo nkani, ge gali gapamwanya. pe ahabazula insupa nukumupungulila amafuta pitwe. ⁴ Loli vamo vahahalala. Pe vahayanjizanya, ''Vahayanga palivavo, ''vahati: shoni she akunanganya amafuta vunuvo? ⁵ shenga vakazyaga amafuta ganaga pengandi vakavile amadinali, gegalusizye nu 300 uvwinji, zye vangavagavila avapina, ''pe vahamususya nkani uwene. ⁶ Uwene uYesu ahayanga, ''Muleshe weka, Shoni she mukumutamya? Avonvile ishintu ishinza kuline. ⁷ She avapina muli navo shima, shonti ishinza shukwanza ukuvomba kukwavo unga vomba, nkandi ine ntakuva mumwinyu umu shima. ⁸ Avomvile she aganile. Ampahazizye amafuta mumavili aga kusyilila. ⁹ Nalyoli nkuyanga kulimwe, konti kwe ivangeli likuvala ukukumusilwa munsi yonti, nazye umwantanda avomvbile ziliva zyakumukumbushila wuyo.'' ¹⁰ Uuda Isikalyoti, woka muvala 12, ahavala kumuputi ukuti avalemeshe wuyo kulivavo. ¹¹ Lwe avaputi avapiti vivuye zinizi, vahaseshela nu kulapa ukumpa impiya wuyo. Ahandaukwenyelezya pe angamwajila nukuvalemeha avene. ¹² Pisiku itanzi lya makate amasita viluzizyo, lwe vakufinjila ahang'onzi ha pasa, avasundikwa vakwe vahayanga kuwuyo, ''kwekwi kukwanza tuvale tusenganye ishakulya, ukuti ulye ishakulya pasa?'' ¹³ Ahatuma vavili muvasundikwa nu kuyanga kuvavo, ''valaji munkaya, nu mwanavuli anyamuye insonta yaminzi mulihomana nawo. Mulandate. ¹⁴ Mwonti mwayinjila munyumba, muhalandate. muhayanje nawo umuhola nyumba, umusambilizi atili, ''Vulikwi uvuzilo vwavajeni kwe imbendye ishakulya sha pasa na vasundikwa vane?'' ¹⁵ Ali valanjizya ishipindas ishipiti isha pamwanya sheshisenganizilwe vyonti mumo. Ukutusenganizya iswe kula.'' ¹⁶ Avasundikwa vahepa vahavala munkaya. Vahavwaga vyonti vwe avavuzizye avene, vahasengania isha kulwasha pasa. ¹⁷ Lwe vafisile ahamazuva, ahinza navo 12. ¹⁸ Ilelo lwe vihaye pansi pameza pe vahalyanga, uYesu ahati, ''Nalyoli nkuvavuzya ine ukuti, wakulya poka nine walinanilila ine.'' ¹⁹ Pe vonti vaswimililwas nkani, pe woka na woka ahayanga ku kwakwe, ''Nalyoli tenene?'' ²⁰ Uyesu ahavamula nukuyanga kuvavo, ''woka muvala 12, we ayinza atuma poka nine mushivo shoka. ²¹ Umwana wamuntu alijenda inza she lisimvile kuli wuyo. Nkandi yemwee ku muntu we akumwanilila umwana wa muntu! shamile ahinza kusita kuoapule iwe.'' ²² Ilelo lwe vakulya, uYesu ahasenda umukate, ahamulota, pe ahamensula wenewo. Ahavapa ahati, ''Munyatule ishi. Uno we muvili wane. ²³ Ahasenda ishikombe, ahasalifya, shope ahavapa, vonti vahang'wela poka. ²⁴ Ahavavuzya ahati, ''Aga ge mavanda gane galufingwi ganaga, ge manda, gega kuvitishila avinji. ²⁵ Nalyoli nkuvavuzya ine nukuti, ntalivuyizya havili ukung'wela ilya nsanga zya mampensya ili ukufiha pisiku lila lye nding'wela ipya mushinamwene isha Mulungu.'' ²⁶ Pe vahimba ilwimbo lwa mwibuku, pe vahavala pigamba. ²⁷ Pu uYesu ahavavuzya ahati, ''Mwenti muligwa, she lisimvilwe lyeli kuti, 'Ndimuhoma umudimi ilelo pi ng'onzi zilisata.' ²⁸ Nkandi lwe nzyusile, pe ndivalongolela ukuvala mu Galilayi.'' ²⁹ Pu peteli ahati, ''Nashe vonti vanga shimbila, loli ine ntalitela.'' ³⁰ Uyesu ahavavuzya ahati, ''Nalyoli nkukuvuzya ine ukuti ilelo-mwemuno vwe vusiku vunuvu-lwe inkanda ishili nukuvilishila havili uli nkana ine hatatu.'' ³¹ Pe u peteli ahayanga, ''Nashe twavala ukufwa poka, ntali kuhana ine. ''Vonti vahalanjizya shali shoka. ³² pahinza pavuzilo vwe vuhitwaga Getisemani, pe uYesu aqhayanga kuvasundikwa vakwe, ''Mutendame panapa pe nkuvala pakuputa.'' ³³ Ahasenda ava Peteli, nu yakovo, nu Yohani poka nawo ahayimba pumoyo wakwe uhelela. ³⁴ Ahati kuvavo, ''Pu moyo wane wizuye nishitima ukufishila ukufwa muhasyale apa vuve aminso.'' ³⁵ Uwene ahapitilila hansi, pe uYesu ahati nanti zikwitishiziwa ahavalilo aha. ³⁶ Ahati, ''Abba, we Tata, vyonti vipepe niwe. Yefya ishinkombe ishi kuline. Kutave kwanza kwane, loli ukwaho.'' ³⁷ Ahagaluha ahaga vasyupiliye, Ahayanga kwa Peteli, ''Simoni, ugonile? Upositwe pakuva aminsopahavalilizyo hoka. ³⁸ Uve aminso kwekuti utahagwile mundingo. Uwene umupepo ayitisile, loli umuvili we mutonsu.'' ³⁹ Ahavuyizya havili ukuputa, pe ahavozya amazwi galigoka. ⁴⁰ Lwe ayinza havili, ahaga vasyupiliye, she aminso gavo gang'wamile. Vatamanyile she vanga yanga kukwakwe. ⁴¹ Ahinza ilya vutatu nukuyanga kuvavo, ''Mushili mukasite nukutuzya? Zyakwana! ahavalilo hafiha. Yenya! umwana wa muntu akutwalya mjunyovde zya vatalamalandu. ⁴² Nyamushi, tujende. Yenya, woka we akuntwala ine apalamiye.'' ⁴³ Lwe ashili akuyanga, Yuda, uwa vamo 12 ahafiha, impuga impiti yali nawo. Valemile avapanga ni ndugu, vafumile kuvashiputo avapiti, nava avasimbi, navasongo. ⁴⁴ Uwene we ahavalemehaga ahavavuzya nishimanyilo, ahati, ''Uno wenga nkumufipa wewuyo. We muhamulemaje mumwigalile.'' ⁴⁵ Lwe u Yuda afisile, mwaluvilo ahashimbilila kwa Yesu ahati, "Mumanyisi, '' pe ahamufipa. ⁴⁶ Pe vahagolosya inyove, vahamulema. ⁴⁷ Loli woka muli vavo we ali kupipi ahakula ishapanga shakwe ahapupa umuzya wava shiputo umupiti ikutwi nukulidumula. ⁴⁸ Uyesu ahavavuzya ahati, ''Mwinzile kukwane, ukundema fwe mwiva umupiti, navapanga nindugu pakundema ine? ⁴⁹ Lwe nali nimwe shima nukuvamanyisya mu tempeli, mutahandema. Loli zinizi zihavombwa ukuti amasimbo gakwanilisiwe. ⁵⁰ ''Vonti vevali nu Yesu vahamuleha nukushimbila. ⁵¹ Umulumendo azyaye inkanzu yeyikunying'inyila hehapinya we wa mulandite uYesu. Lwe avanavuli vamulemile uwene. ⁵² Uwene ahavaleshela inkanzu yeyikunying'inyila nukushimbila ishitali. ⁵³ Pe vahamutwala uYesu kuwashiputo umupiti, she kwe vavungine avashiputo avapiti, navasongo, navasimbi. ⁵⁴ Shinishi Peteli ahamulandata umwene pa hantambwi,pa vutali pa vuzilo vwa valonzi ulwa vaputi avapiti. Vahihala pavalindilili ve ali kupipi ku moto we vahotaga. ⁵⁵ Shinishi avaputi avapiti ninyumba ya vulongozi vwa va Yuda vwonti vahalondolaga ulusimishizyo ulwa kumuvushila uYesu kwekuti vamutwale kuvufwee. nkandi avene vatahaga nashimo. ⁵⁶ Pe avinji vahatwala insimishizyo izyilenga, ukumuvushila umwene, loli insimishizyo zitahitushiziwa. ⁵⁷ Avamwavo vahimilila nu kuleta insimishizyo izyilenga! izya kumuvushila wuyo; vahati, ⁵⁸ ''Tuhamwivwa ukuti, ndi mongola itempeli lye vahagomba ninyove, pamasiku gatatu ndizenga ilyamwavo lye litagomvilwe ninyove.'' ⁵⁹ Pope she insimishizyo zyavo zitahitishiziwa. ⁶⁰ Ava puti avapiti vahimilila pakasi pavo nukumuvuzilizya, ''Ute ni lyamulo? Shoni she avantu ava vakusimishizya izya kukuvushila iwe?'' ⁶¹ Loli apumile atahamulanashimo. havili ava puti avapiti vahamuvuzilizya vahati, ''ungavanga we chilisiti, umwana wa mulotwa wula? ⁶² Uyesu ahati, ''Ine nene; pe muliyenya umwana wa muntu pe akwihala kunyove iya ndilo iyamaha nape akwinza nama vingu aga kumwanya.'' ⁶³ Uwashiputo umupiti ahazepula inkanzu yakwe nu kuti, ''Ka tushili tukwanza uvwakamboni? ⁶⁴ Mwivuye umusamu. Umudumuzi vwinyu vukuti shoni?'' Vonti vahamusula nukuva wa vamo we ahondeye imfwa. ⁶⁵ Vamo vahanda ukumuswilila amati nu kumugwinchila kuminso nukumuhoma nukuyanga kukwakwe, ''Kuvwa!'' Ava avapiti vahamusenda nukumuhoma wenewo. ⁶⁶ Pe u Peteli amali muntende muluvungano lwe vahalonjelaga, woka umulindu uwambombo wa muputi umupiti ahinza kuwuyo. ⁶⁷ Ahamwenya u Peteli akota umoto, pe ahamwenyelezya papipi nu kuyanga ukuti, ''Niwe vulo wamile numu Nazareni, u Yesu? ⁶⁸ Loli uwene ahahana shenesho, nukuyanga ukuti, ''Ntakumanya nukwivwisya kuzye ukuyanga.'' Pe ahavala pa mulyango walupaso. Pe umukolwe ahavilishila. ⁶⁹ Pope umulindo wambombo ahamwenya nukwanda ukuyanga havili kuvala vevimiliye pala, ''Umuntu uno wavamo vala!'' ⁷⁰ pe ahahana havili. Pa havalilo hansi vonti ve vimiliye palanye vahayanga kwa Peteli, ''Nalyoli we wavamo vala, pakuti niwenye we mu-Galilayi.'' ⁷¹ Pe ahanda weka ukuyiviha muntipo nu kulava ivilapo, ''Ntakumumanya umuntu we mukumuyanga.'' ⁷² Mwaluvilo umukolwe ahavilishila ilya vuvili. Pe u Peteli ahakumbuha amazyi ge u Yesu ahayanga ku kwakwe: ''Lwe inkolwe yishili ukuvilishila havili, ulinkana ine hatatu,'' pe ahagwa pansi nu kulila.