¹ Uyesu lwe akujenda ukufuma kwitempeli, woka muva sundikwa vakwe ahayanga ku wuyo, ''Musambilizi, yenya amavwe gakusukumizya ninyumba zikusukumizya!'' ² Ahayanga ku wuyo, ''Ukwenya inyumba impiti izi? Nalimo ivwe litalileshela pivwe ilyamwavo isita kugwa pansi.'' ³ Lwe ayihaye pigamba lya mavula lwe akwenyania nutempeli, Peteri, nu Yakovo, nu Yohani, nu Andireya pe vahamulalusya wuyo kukwilu, ⁴ ''Utuvuzye, isiku lye ivintu vinivi vilivombwa? Shili kwi she shiliva shimanyilo ukuti vyonti vinivi vyavala kuvombwa?'' ⁵ Uyesu ahanda ukuyanga kuvavo, '' Musheve nawumo atavasovezye. ⁶ Vinji valiyinzila mwizina lyane nukuyanga, 'Nene ne wuyo; Havili valisovezya vevinji. ⁷ Inga mukwivwa nuvulugu nimpekesela ya vulugu, pe mutahapasye; ivintu vinivi vihondeye ukuvombwa, lole uvumalilo vushili. ⁸ She insi yoka yili nyamushilana niyamwavo, nuvumwene vwoka nuvumwene vwamwavo. Kuliva ivizumanzi mumalo ge minji, inzala. zyonti zinizi vwandkilo vwa kupapiwa kwa kuvava. ⁹ ''Muyenyelezye . she valivatwala imwe pamalonjelwi, mulihomwa mumasinagogi. Mulivikwa nakuvapiti nakuvamwene wamulandu wane, pakuti shive shisimishizyo kuvavo. ¹⁰ Lole ivangeli lye lifumukwe tasi munsi zyonti. ¹¹ Apenenye penga vakuvakunga nukuvalonjelela nukuvigalila mutahinze mupasyaje kulizye muliyangaga. Muhavalilizyo hala, vye muliyanga vilipelwa kwimwe; she mutaliyanga, mwemwe, aliyanga umupepo jumufinjile. ¹² Uwamwavo alimutwala uwamwavo kumfwa, wope uyise numwana wakwe. avana valiyiminkanaga navapapi vavo kuvatwala kumfwa. ¹³ Mulivengwa numuntu wonti kwamulandu wizina lyane. Lole uno we akujimbilila mpaka pavumalilo, umuntu wula we alipokwa. ¹⁴ '''Lwe muvazile kwenya pavufinjile vapagulinie vimisile zye zili umwiho pamalo pe zitahondeye kwimilila, ''Valeshe vonti vevali mu-Yudeya vashimbilile mumagamba, ¹⁵ uno wenga ali panyumba pamwanya we afishe nukwinjila kusenda vimo munyumba yakwe, ¹⁶ nuno wenga ali pamugunda wakwe we atagalusile mwisinda ukusenda inkanzu yakwe. ¹⁷ Muhosi kuvala vevali navana mulwanda namwe mukonsya avana mumasiku ago! ¹⁸ Muputaje kuti zitahinze zivombiwe mulupepo. ¹⁹ Mugegala galiyima masiku ga ntamyo impiti, gegataliyana ukufuma muvwandilo mwe uMulungu mwe apeleye insi, ukufiha ishi, awe, zitalivoneha havili. ²⁰ Peka pe umwene afupizya amasiku, nawumo atalipokwa. Pamulandu wavasevwa vakwe ve ahavaseva alidumula amasiku. ²¹ Inga wumo akuyanga kwiwe, 'Yenya, uChiloisiti uno uku! 'Yenya , ali kula!' mutahinze musuvile. ²² Shepe valivoneha ava Chilisiti abva luma ilenga navakuvwi avaluma ilenga valivoneha nukupela amafindango amayele agakuhopela, inga zingitishiziwa navasevwa vulo. ²³ Musheve! Navavuzya zyonti izi lwe ahavalilo hatafisiie. ²⁴ Lwe vafumile ukuyimba uvupotwe vwa masiku ago, 'Pe nizuva liliyilupa, numwezialileha ukulama, ²⁵ Zyope ninzota ziligwa kufuma kumwanya, gope amaha gegali ku mwanya galiyingana.' ²⁶ Pe valimwenya umwana wamuntu pe akwinza mumavingo lwe akwinza namaha aminji nuvuputi. ²⁷ Pe alituma avahavizya vakwe bve valivunganiha avasavulwa vakwe valifuma navo mumpepo 4, kufuma kumpelela yansi ukufiha kumpelela yamwanya. ²⁸ Sambilila ishimanyisho kufuma kukwinyu sita kuhava lwe ahasamba hakuva hateta havili hakufumya amatundu, pe mukumanya ukuti ishisiku shipalamiye. ²⁹ Vwe vunuvo, havili, lwe muzivwenyi zyonti zinizi zikuvobwa, muhamanyaje muhamanyaje ali papipi, pa vilyango. ³⁰ Nalyoli nkuyanga kwimwe, inkulile ino te yihajende vwe zinizi zita vonesile. ³¹ Kumwanya napansi palijenda, loli izwi lyane telihajende nalumo. ³² Kukwafwania nisiku lila nahavalilo hala, nawumo we amanyile, navahavizya vulo kumwanya, nape mwana, we Tata weka. ³³ ''Shenjela! Damuha, mulandu mutamanyile ahavalilizyo. ³⁴ Shilingati muntu wenga ali pavulendo akulehaga inyumba yakwe nukuviha ava vovwi kwenyelezya inyumba, wonti nimbombo yakwe, ahamulajizya musunga shilyango ukuti adamule. ³⁵ Mwemumo mudamulaje she mutamanyile mwe akwinzila umuhola nyumba; hangava havalilo hanamazuva, pakasi pavusiku, pe inkolwe zikuvilishila, pamo pa nzanchi. ³⁶ Pala anginza umwakwivushizya, utahaleshe akwaje usyupiliye. ³⁷ Izyene zye nkuvavuzya zye nkuvavuzya ali wonti: mudamule!''