¹ U Yesu akingila mubwato, akaloboka nukwingila mukaya kake. ² Keta bakisa nawe kukwake umundu yo akumilila umubuli aghonite pamachila. Bo akaketa ulwitiko lwabo, u Yesu akayugha ku mundu yo wakumila umubili, ''mulumyana,' kibagha imbibi syako syahobokeliwa'' ³ Keta bamo abamanya kalata bakayughisania benebene, '' umundu uyu ukumutuka uchala'' ⁴ U Yesu akamanya inyinong'ona syabo akayugha akati, ''choni po mukwinong'ona imbibi mumyoyo yinu? ⁵ chochilikwi cho chipepeko, nukuyugha, ukuti imbibi syinu,syahobokeliwa; pamo nguti , ''nyamuka wendeghe? ⁶ Loli nukuti mumanye ukuti umwana wamundu ali namazaza pachisu ghakuhobokelaimbibi..,Akayugha kumundu umubine, egha amachila ghako nukubuka ku nyumba yako.'' ⁷ Po umundu akanyamuka nukubuka kunyumba yake. ⁸ Bo abandu baketa ichi bakaba bakaba nubogha nukumukwesya uchala, yo abapile amazaza ngati ghagha. ⁹ Mo u Yesu apulusania ukufuma pala akamuketa umundu yumo yobakamwitsyanga ukuti Matayi ikile po bakusongesya isongo pa katenti, Akayugha ku kwake, '' Ngongagha une,'' akanyamuka nukumukonga. ¹⁰ Mo u Yesu ikala pansi anda pakuly mukati munyumba , keta , abasongesya songo nababombambibi bisile bakulya nawepamupene poka naba manyili bake, '' ¹¹ Bo aba Falisayi baketa ifi, bakayugha kubamanyili bake, ''Choni umumanyisi winu akulya nabandu bobakusongesya isongo sona nababombambibi? ¹² Mo u Yesu apulika ifi, akayugha , ''abandu bobali akisa pamubili tabobakulonda udokotala loli ababine. ¹³ po mubaghile mubuke iye mumanyile chochikung'amula; injighanite ichisa loli ukwikemesya hagha; Pakuti ndakisa pakwitisya ukuti abaswepu mundumbula wapinduke loli ababombambibi( abandu bobakubomba imbibi).'' ¹⁴ Po abamanyili ba Yohani bakisa kukwake nukuti, ''choni po uswe naba Falisayi tukufunga loli abamanyili bako hagha? ¹⁵ u Yesu akayugha ku kwabo akati, ''Ka abana bobali nubukwati bangaba nichitima bo unabwinga alinabo? Loli isiku likwisa lyo unabwinga akwisa ukwepukapo papabo popala tise bande pakufunga. ¹⁶ Nayumo umundu yo akwegha ichigamba ichipya nukubika pamwenda uwakukulupa, pakuti ichigamba ichikupapabuka nukufumapo pa mwenda ,sona pochikuyanyepuka kabibi ngani . ¹⁷ Atalipo naumo umundu yuyo akawika ubwala ubupya mukati mutunyambi utwamakwela totukulupite. pala babomba, ichakusi chila bochikukupunda, po ubwalwa bula bukupuka, sona chope ichakukila chope chiya pakomanika. mumalo mwake, wakubika ubwala ubupya mu chakubikila (ichinyambi) ichisa sona fyosi pofikusungika akisa.'' ¹⁸ Bo uYesu akugha ifindu ifi ku kwabo, keta, umundu usongo akisa nukufughama pansi kukwake. Akayugha, '' umwana wangu afwa losulu, powise umubikeko inyobe papake, nukuti abe nubumi.'' ¹⁹ Po uYesu akanyamuka nukumukongesya sona nabamanyili bake bakabomba ngati bubo. ²⁰ Keta umukolo yumo akabina imbungo yakufuma ibanda ifinja 12 akisa kwa Yesu nukumupalamasya umusekekesya gha akafwala kumbalali . ²¹ po Loli akayugha mwene, '' pala nandi ningakolabu umwenda wake, nguya pakupola.'' ²² Loli uYesu akang'anamuka nukumuketa umukola yula nukuyugha, '' mulindu. kibagha; ulwitiko lwako lwakupangisya ukuti uwe akisa'' Sona wepe umukolo yugha akapola pakabalilo kalakala. ²³ Mo u Yesu ikingila munyumba ya Songosongo yula akaketa abakulisya amalongi sona nichilundilo ichikulu bakupwata ichongo. ²⁴ Akati fuma kunsi , pakuti umulindu atafwile, loli apitile utulo; Loli bakamusekela umwakumusamula uYesu. ²⁵ Mo ichilundilo chabandu chabingiwa kunsi, akingila kuchipinda nukumukola inyobe , po umulindu yula akanyamuka. ²⁶ Amasyu agha ghakamanyikwa mukaya kosi. ^{27 28} Mo u Yesu afumamo mula, abandu bamo abafwamaso bakamukongagha. Bakanda ukukolela ngani nukuyugha, '' Tupeleleko ichisa uswe , mwana wa Daviti! Mo u Yesu ingila munyumba, abafwamaso bala bakisa kukwake. UYesu akayugha ku kwabo, ''mukwitika ukuti ningabomba isi? Abene bakati kukwake, '' inga Malafyale.'' ²⁹ Po uYesu akabapalamasya amaso ghabo nukuti, ''leka sibombiwe kukwinu ukuyana nulwitiko lwinu. Po amaso ghabo ghakighuka. ³⁰ Po uYesu akabasoka ngani ukuti manye mukababuleghe abandu ifi . ³¹ ''Loli abandu babili bala bakabuka nu kufumusya kubandu akaya kosi na kufyosi fyo fikabombiwa. ³² Bo abandu bala babila babputila babuka, keta , umundu yumo yo atakayugha akaba nimbepo inyali/ imbibi bakisa nawe kwa Yesu. ³³ Bo imbepo imbibi syafumamo umundu uchinunu yula akayugha. Ichibukuytila chabandu chikaswigha nukuyugha, '' ifi fitabonekite lumo muno mu Isilayeli!'' ³⁴ Loli abafalisayi bakayugha bakatingi, '' nubulamulilo bwa mbepo inyali, akufumya imbepo imbiwi,'' ³⁵ UYesu akenda mumalo ghakupambanapambana nakutwaya . akendelela pakumanyisya munyumba syabo isya kwiputilamo ukulumbilila amasyu agha bunyafyale nukuposya syosi indwala nimbungo syakulekanalekana. ³⁶ Mo aketa ubwingi bwa bandu, akabapelela ichisa,chifukwa bakatamiwa nukusulumania .Bakaba ngati ng'osi syo sitanuwakulisya. ³⁷ Akati kubamanhyili bake ,'' ukwinula kwingi, loli ababombi bobanandi. ³⁸ Po apa Mwalubilo mwiputa kwa Malafyale uwa nyinulo(mufunjo) ukuti atume ababombambombo pakwinula.''