¹ Bo u Yesu akikagha ukufuma ku maghamba, ichibukutila cha bandu chikamukonga. ² Loli umundu yumo uwa mbungu ya maketa akisa kwa Yesu nukumufughamila akati, ''Malafyale pala ukulonda ungambosya''. ³ U Yesu akati, ''ingwitikisya upole''. Pakabalilo akapinda akapola kumbungo yila. ⁴ U Yesu akati ku mundu yula, uketesye ukuti utakuyugha nakumo kumundu. Bukagha mu sila yako,uye wilangisye ku ba puti sona uye ubike ichabupi, ngati mo u Moses akayughila ukuti cho chibe chimanyikwilo kubandu. ⁵ Po bakati aba mubona ukuya mu Kaperenamu, usongo wa ba siksli akisa ku kwake, akasuma. ⁶ Akati, Malafyale, uwa mbombo wangu naghonite pasi kunyumba mubine ngani. ⁷ U Yesu akuyugha ku kwake akati, ''ingwisa sona akwisa pakupola.'' ⁸ U songo wa basilikali akamubula akati, ''Malafyale, indabaghile ukuti wise wingile na munyumba yangu. Uyughe amasyu ghene ukuti uwambombo apole. ⁹ Une nune ne mundu yuyo ingasaliwa pasi pabasongo sona indi nabasilikali pasi pangu. Inguyughagha ku yumuywene ingati 'Bukagha,' osna akubukagha sona kuyungi ingati 'Sakuno,' sona akwisagha, sona kubambombo ingati ''Bomba ichi,''' sonabakubomba. ¹⁰ Po u Yesu akati apulika isi, akaswigha, sona akayugha kubo bakamukongagha akati, ''Naloli inguyugha kukwinu nguti, ndamwaghitepo yumo yo ali nulwitiko ngati ulu muno mu Silayale. ¹¹ Ingubabula ukuti abandu abingi baya ukufuma kubufimila isuba na kubwingililo isuba tibakikale pa tebulo lyoka nu Abulahamu, Yisake, na Yakobe mubunyafyele bwa kumwanya. ¹² Loli abana ba mubu nyafyale bwa kumwanya baya ukuponesiwa panja kokuli ichisi, kokobakwisa ukuya pa kulilagha nu kusya amino. ¹³ U Yesu akati kwa songo wa basilikali, ''Bukagha! ngati mowasubalila, fikaye fibombiwe mukulondera.'' Uwambombo akapola pakabalilo kalakala. ¹⁴ Mo u Yesu akati ingila mu nyumaba ya Peteli, akamubona ung`inafyala wa peteli aghonite pasi abinite u maleliya. ¹⁵ U Yesu akamukora pa mnyobe, sona u maleliya akafumamo mumwake. Umwanakasi yula akanyamuka nu kwanda ukumubombera. ¹⁶ Bo ichapanamasuba chikati chafika, abandu abingi bakisa kwa Yesu nabandu bo bakaba nimbepo inyali. Akafumyanga imbepo sila nilisyu sona bosi bakapola bobakaba babine. ¹⁷ Musila iyi akakwanilisya pa fifyo akayugha u Yesaya, umupulofeti, gho ghakuti, ''Akanyamula amabubine ghitu sona akatisyapo ni mbungo situ.'' ¹⁸ Po u Yesu akati aketa ichibukutila cha bandu chochamusyungulira, akababula ukuti baloboke inyanaja ya Galileya baye kusila ilingi. ¹⁹ Umumanyi ndaghilo yumo akisa nukugha nu Yesu akati, ;;Munyasi itingukongaghe kosi kokuya.'' ²⁰ U Yesu akayugha ku kwake, aba kambwe bali nifibwina, ni fiyuni ifya mumwanya fyope fili ni fifumbo, loli umwana wa Mundu atanapamo apakughoneka umutu wake.'' ²¹ Yumo mwabamanyili bake akayugha kwa Yesu akati, ''Malafayle, nyitikisye ukuti inje isile tasi utata wangu.'' ²² Loli u Yesu akamubula akati, ''Ngonga une, sona leka abafwe basile wabafwe abanyabo.'' ²³ Po u Yesu akati ingila mu bwato, abamanyili bake bakamukonga mulamula. ²⁴ Keta, Ichimbepo ichikulu chikanyamuka pa nyanja,sona bope ubwato bukanda ukutwiba na mayigha.Loli u Yesu kaba aghonite. ²⁵ Abamanyili bake bakisa ku kwake nukumunyamusya, baghati, ''Tupoke, Malafyale, tukufwa.'' ²⁶ U Yesu akati kukwabo, ''choni cho mukoghopa, mweba lwitiko ulunandi? Po akanyamuka nukuyikalipira imbepo ni nyanja. Apa fyosi fikaleka kukababu mya. ²⁷ Po abandu bakaswigha sona bakati, ''Ka mundu yuki yuyu, yo imbepo ni nyanja fikumupulikira?'' ²⁸ Yesu akati afika kwisila ilingi sona ku chisu cha Gadara, akakumana na bandu babiri bobakaba nimbepo imbibi. Bakabafumilanga ku mapumba sona bakaba bakali, nabandu bope batakendaghako. ²⁹ Keta, bakakuta sona bakati, ''Tupanaga nuwe nichoni, Mwana wa Chala? Wisa kuno pakutunyasya poyitafikite itayimu yoyimikiwe?'' ³⁰ Kulakula kukaba ulutimo lwa ngulube inyingi, syosikaba papipibu nabo. ³¹ Imbepo imbibi sila sikamusumagha Uyesu sona sikatingi, ''para ukutwefyamo muno, ututume mu ngulube.'' ³² U Yesu akati, ''Bukagha!'' Imbepo sila sikabuka sona sikayasyingira mu ngulube, sona keta, ingulube syosi sikananda ukukinda nukughulumuka ichighamaba, sikingila mu nyanja sona nukufwila mulamula mu misi. ³³ Bosi bokalisyanga ingulube sila bakakinda sona bakaya bingira mu chikaya, sona bakayugha fyosi, nganingani fyofikabombiba ku bandu bala bobakaba nimbepo inyali. ³⁴ Keta, ichikaya chosi chikafuma pakuya ukukumana nu Yesu, bakamusuma ukuti afumemo muchikaya chabo.