1 U Yesu akitisya abamanyili bosi twelovu pamumpene sona akabapa amaka gha kufumya imbepo inyali, ikuposya imbungo sya mitundu yosi sona namabubine ghosi. 2 Ingamu isya bamanyili twelovu bala sikaba isi, Simoni (yuyo wakatingi peteli), sona nu Andrew umuzuna wake, Yakobe mwana wa Zebediya, sona nu Yohani umuzuna wake, 3 Filipi, sona nu Batoloeyu, Tomasi,sona nu matayi umusongeska misokho, Yakobe mwana wa Alifeyu, sona nu Tadeyasi, 4 Simoni uwaku Kanani, Jadasi sikarioti, yuyo akamwendera u yesu kumbari. 5 Abamanyili twelovu aba u Yesu akabatuma. Akabalinganiya sona akati, ''manye muye kobakwikala abandu babu, sona mutakingire mu chikaya chaba Samaliya. 6 Mumalo mwake mubuke ku ng`osi syosikasobela isya munyumba yabanya Izilayeli, 7 sona para mukubuka, muyemulumbilire sona ukuti, 'Ubunyafyale ubwa ku mwanya bwafika.' 8 Kaposye ababine, kasusye abafwe, kaswepesye aba bungo inyali sona kafumye imbepo imbibi. mwapokera pabu, muye mubape 9 pabu.Manye munyamure yimo indalama ya golide, siliva, napo angaba ukopa munyanbi syinyu. 10 manye munyamule pa ulendo bwinu ichikwama, napo ghungaba mukanjo uwapambali, ichilato, ni ngomo yope hagha, chifukwa umubomba mbombo abaghire ukopokera ichakurya chake. 11 Para mwingira muchikaya chimo, muyemulonde umundu uwakwenelera mulamula, sona muyemwikale nawe mupaka mufumemo muchikaya icho. 12 Linga mukwingira munyumba, mulamukaghe inyumba yiyo. 13 Para inyumba yakwenelera, umutende winu wube papapo. Lori para yitakwenera, umutende ghunyokere kwa umwe. 14 Bosibo batakuya ukubapokera napo kungaba ukuleka ukupulikiskako amasyu ghinu, pomukufumamo mnyumba pamo mu chikaya, mukakung`undenge ilufumbi mufinama fyinyu. 15 Naloliloli ngubabula ukuti pisiku lyakulangiwa kwa chisu cha Sodomu na Gomora lisukuba lisapo ikukinda ilya chikaya chilachila. 16 Keta, ingubatuma ngati ng`osi pakati paba simbumbi, polero muyemuchebenge ngati njoka sona muyemufwasange ngati ngunda. 17 Muyemuchebenge na bandu! Baya ukubabika kugulu lya basongo sona baya ukubachapula mnyumba sya kwiputiramo. 18 Baya ukubabika pamaso ghaba songo ba chisu na bamafyale chifukwa cha une, ngati bukamboni ku babo sona nakubandu ba kusi. 19 20 Pobaya ukubabika, manyemuye mupaskange ukuti mwayapakuyugha bulibuli pamo ukuti mukuya ukuyughati, ichakuyugha chikwisa ukupeghiwa ku kwinyu pakabaliro kako. Mutakwisa ukuyugha mwemwe, loli Umbepo uwa Tata weyo ikwisa ukuyugha mumwinu. 21 Umundu akwisa ukubika umukamu wake kubufwe, sona utata akwisa ukupanga bububo ku mwana wake. Abana bakwisa ukunyamukiranaga aba papi babo sona bakwisa ukupangiska ukuti bakomiwe. 22 Mukwisa ukubengiwa nabandu chifukwa cha ngamu yangu. Loli uwakusisipisya mpaka kubumaliro, akwisa ukupokiwa. 23 Para bakubanyasya mu chikaya chomulimo, kindila kucha papipi, naloliloli nguyugha numwe, Umwana wa Mundu akwisa ukwisa bomutapulusanisye mufikaya fyosi ifya Isilayeli. 24 Uwakumanyira utakuba lumo wesongo ukupota umumanyisi wake, napo wambobo atakuba pamwanaya pa bwana wake. 25 Chakumwenelera umumanyili ukwisa ukuba ngati mumanyisi wake, sona uwambombo ukuba ngati bwana wake. Para umwenecho wa nyumba bakuti we Bezebule, poghangaba bulibuli amazina agha kupiwa kuba munyumba yake 26 27 Pomanye moghopange, chifukwa nachimo chochivwamite techise chiboneke, sona nachimo chochififiwe techise chimanyikwe. Fyongubabura ku chisi, muyughange kubweru ngani,sona fyonguteketera, muye mulumbilirange pamwanya sya nyumba. 28 Manye moghopange bala bobakukoma umubiri lori bakupotwa ukukoma umoyo. Mumalo mwake, moghope yuyo akukoma fyosi, umoyo sona numubiri mu gehena. 29 Utuyuni tubiri batakughuliskanga paka tambala? Lori nakoka katangawa pasi Utata atakumanya. 30 Napo ching`wiri chakumutu winyu, chope chiberengiwe. 31 Manye moghopange. Mwebapamwanya nkhani ukupota ituyuni. 32 Polero yuyo akunitika pamaso gha bandu, nune bubo ngwisa pakumwitika pamaso gha Tata wangu kumwanya. 33 Lori yuyo akungana pamaso gha bandu, nune bubo ngwisa pakumukana pamaso gha Tata wangu kumwanya. 34 ''manye mwinong`onaghe ukuti ngisa pakubika ulughindiko pa chisu.Ndakisa ukubika ulughindiko, lori umupeni. 35 Ngisa pakubika ukubengana pakati pa tata numwana wake umunyamata, sona umulindu numama wake,sona umulasagha numayifyala wake. 36 Abalughu bamundu bakwisa ukuba munyumba yiyo akufumamo. 37 Yuyo aghanite nkhani utata napo angawa wemama wake ukupota une, umundu uyo atabaghire ukuba wangu. Yuyo aghanite nkhani umwana wake ukupota une, umundu uyo atabaghire ukuba wangu. 38 Yuyo atakunyamula imbinjika yake nukukonga une, atabaghire ukuba wangu. Yuyo abwagha ubumi bwake akwisa ukubutagha. 39 Lori yuyo abutagha akwisa pakubwagha. 40 Yuyo apokelera umwe apokelera nene, sona yuyo apokelera une apokelera sona yuyo akanthuma une. 41 Yuyo apokelera umukunguruka chifukwa chakuti mukunguruka akwisa ukupokera ichabupi cha mukunguruka, sona yuyo apokera umundu wa bwanalori chifukwa chakuti mundu wa bwanalori akwisa ukupokera ichabupi icha munndu wa bwanalori. 42 Wesiyo ikupa itunandi itu napo abe wekomechi wa misi amatalare chifukwa chakuti mumanyili bangu, nalorilori inguyugha kwa umwe, yuyuyo ataya utagha ichabupi chake