1 Yesu akati amaliska ukulaghira abamanyili bake 12, akafumapo pa malo ghala ukuya pakumanyiska sona nukulumbilira mufikaya ifyingi. 2 Yohane akati apulika mu gadi syo akupanaga Ukirisitu, akatuma abamanyili bake nubuthenga kwa Yesu 3 sona ubwakuti, ''Ngimba wewe wetiwise, pamo tulindilire uyungi?'' 4 Yesu akabamula sona akati, ''Bukagha muye muyughe kwa Yohane fyo mwaketa nukupulika. 5 Bobatakuketa bakwanda ukuketa, abalemare bakwenda, aba maketa abakuswefyiwa, aba mapuli bakwanda ukupulika, abafwe bakusyuka, bali nubumi, sona ubuthenga ubwisa bukulumbiliriwa ku bapotwe. 6 Walusako wesiyo atakukalara nune.'' 7 8 Abandu wala mobakubuka, Yesu akanda pakuyugha ku chilundilo isya Yohane, ''Momukuya mu chipalamaba mukaketaghaki- ulutete lukuneng`ena nimbepo? Lori mukaketaghakimo- umundu afwalite imyenda imyisa? Nalori, bobakufwala imyenda imyisa bakwikala munyumba sya mafumu. 9 Lori mukaya pakuketakiko- umukunguluka? Inga, une ngubabuska sona ukila pa mukunguluka. 10 Weyo isyake sikalemberiwa ukuti, 'Keta, ngutuma indumi yangu pamaso ghako, weyo ayapakuyaniya isila mundasi mwako.' 11 Nalorilori ngubabuska, pabandu bobakupiwa ku mwanakasi nayumo angaba wapamwanya ngani ukupota Uyohane uwa Losyo. Lori uwa budindo ubunandi mubunyafyale bwakumwanya wapamwanaya nkhani ukupota yuyo. 12 Ukufuma mu masiku gha Yohane uwa Losyo mupaka pano, ubunyafyale bwa kumwanya bukutamiwa nifiwawa, sona mwebandu ba fiwawa egha pamaka. 13 Ukayana ninjimi syosi nindaghilo sikachimagha mupaka Uyohane akafika; 14 Linga mukulonda amasyu agha, Eliya weyo aya pakwisa. 15 Yuyo alinamakutu agha kupulika, muleke apulike. 16 Ningafwaniska nichoni mwebandu ba kabaliro aka? Mukuyana na bana bobakwangala pa mariketi, bobakwikara nukwanda ukwitisyana 17 sona nukuti, 'tukabalisyilagha amalonje lori mutakimbagha. Tukalilanga lori umwe amasosi ghatakafumapo nukufuma'. 18 Yohane atakisa pakurya ichibama napo ukung`wa ichilungo lori bakuti, Ali nimbepo inyali.' 19 Umwana wa Mundu akisa, akaryanga sona akang`wanga lori bakuti , 'Keta, umundu wa buryo sona weching`wera ngani, wemubwezi wa basongesya umusongo sona nabatula nongwa!' Lori amahara ghakumanyikwa nimbombo syake.'' 20 Uyesu papapo akanda ukubaking`indisya abandu ba muchikaya cho akapangamo ngani ifya kubombiwa ifya maka, chifukwa indumbula syabo sitakaleka imbibi. 21 ''Uli nisoka uwe, Korazini! Uli nisoka uwe, Betesida! Kuwe ukuti ifyakubombiwa fya maka fyofikabombiwa ku kwinu fibombiwe ku Tire nu Sidoni, imbe abandu bakaleka ibutula nongwa kale mobafwalite ifisaka nukwikupulira ilyoto. 22 Lori palisiku lya bulongi, ukulongiwa kwa Tire nu Sidoni tikwese kube kwisapo. 23 Uwe, Kaperenaumu, ukwinong`ona ukuti tiwise ukwesyiwe ukuya kumwanya? Nasiku, ukuya pakubikiwa pasi pa chisu. Ifyakubombiwa fya maka fyo fyabombiwe ku kwinu fibombiwenge mu Sodomu, imbe aliko numusughu. 24 Lori ngubabula chikwisa ukuba chipepe ku chisu cha Sodomu pisiku lya bulongi ukupota umwe.'' 25 Pakabaliro kala Uyesu akayugha ukuti, ''Ngukughindika Tata, Chala wa kumwanya na pasi, ukafifa ifindu ifi kubamahala nabakucheba, sona ukavumbula kutwana utunandi. 26 Inga, Tata, ukachiketa chakuhobosya pa ndasi yako. 27 Ifindu fyosi fikaba fya kusubaliriwa nune ukufuma kwa Tata, sona nayumo yuyo amumenye Umwana lori Utata; sona nayumo amumenye Utata lori Umwana sona nawesi yuyo Umwana angasala ukuti amuvumbulire. 28 29 30 Sagha kukwangu, mwebosi mwe mwalita nu katundu umung`wamu, sona ngwisa ukubapa umutusye. Nyamura uyoko wangu sona mumanyiraghe kwa une, papo nemundu wakwiyiska nu kwipepula mu moyo wangu, sona timwise mwaghe ukutusya kwa myoyo yinu. Chifukwa chakuti uyoko wangu mupepe sona ukatundu mupepuke.''