¹ Pakabalilo kala uYesu akabuka pisiku lya Sabata ukwendela mumighunda ya yambeyu, Abamanyili bake isala yikababa nukwanda ukuyaba utumitu twa mbeyu sila nukulya, ² Loli mo aba falisayi babaketa , bakati kwa Yesu, ''keta abamanyili bako bakubomba fyofitakulondiwa ukubomba pasabata.'' ³ Loli umwene uYesu akuyugha kukwabo , ''mutabelengitelumo fyo u Devidi akabomba bo isala yamubaba nabanalume bo akaba nabo? ⁴ Akabuka munyumba ya Chala nukulya ichibama pamo ifisyesye ichamusughu, chochikawa mwiko kukuwake ukuti alye nabo akabanabo loli abaputi bene. ⁵ Mutabelingite lumo mundaghilo ukuti pisiku lya Sabata abaputi nu chalichi momobakunyasya isiku lya sabata loli batakuba ninongwa nayimo. ⁶ Po loli nguyugha ukuti weweni yuyo mukulupo nichalichi ichi apa. ⁷ Pala mukamanyagha iching'anamulo agha ghikuti; ingulonda ichisa amakemo hagha; pongali mukuyugha abandu babo bataninongwa nayimo. ⁸ Pakuti umwana wa mundu weyo we Malafyale wa Sabata. ⁹ Po u Yesu akanyuka nukubuka ku nyumba yakwiputilamo. ¹⁰ Mukabamo umundu yumo yuyo inyobe yake yikafwa imbali yimo. Po abafalisayi bakamulalusya uYesu ukuti, '' ka sikwitikisiwa ukuposya pa Sabata ?'' cholinga chakuti bande pakulongana ukuti ukutula inongwa. ¹¹ UYesu akayugha nabo , mundu yuki yuyo mwali nawe kula umwe, weweni , yuyo pala ali nimbelele yoka sona pala yawila muchibwina pa Sabata, atangayifyumyamo muchibwina? ¹² ka imbelele yoyikulondiwa ngani ukukinda ukupota umundu! chisa ukubomba inyisa pasabata.'' ¹³ po u Yesu akayugha ku mwanalume yula akati, '' gholosya inyobe yako,'' umwanalume yula akagholosya nukunyokela mumo yikabela ubwisa yikisa yayana niyinine mumo yibelire. ¹⁴ Loli aba Farisayi bakafuma kusi nukuyighisyana isyakuti bamukome. Bakanda ukulonda isila syamumo bangamukomela. ¹⁵ Mo uyesu asyaghana isi akisa afumapo pamalo pala. Abandu abingi bakanda ukumukonga umwene sona akabaposya bosi ababine . ¹⁶ Akababula ukuti manye bakamubule yumo, ¹⁷ ukuti mumo simalikisyeghe sisyo sikayughiwa kale ukwendela mwa Yesaya umusoli, ¹⁸ ''Keta, umubombi wangu yuyo musalite; umughanite, yuyo umuyo wangu ghukuhoboka nawe. Nguya pakuwika umbepo mumwake nukwanda pakufumusya umbwanaloli ku baYuda. ²⁰ Umwene atisa kulwapo numundu yumo ,sona atakuywegha lumo numundu sona temukapulike lumo ilisyu lyake likukolela mwalwe mungolongo pamo mumisebo pamo musila . ¹⁹ Atakwisa papyola lumo ulutete lulo lukonyokite; umoto ghugho ghulotelite atakwisa pakusimisyapo ukufika papo umbwanaloli bwa maka aghabupoti (aghabuponjoli) ²¹ sona mungamu yake momumo aba Yuda bakwisa pakumbwagha ubusuliliwa,'' ²² Po yumo uwambula kuketa nuwambula ku kuyugha, uwambepo inyali bakisa nabo kwa Yesu ukuti abaposye. Akabaposya bosi , nukuti uwambukuta akanda ukuketa uchinunu wepe akanda ukuyugha . ²³ Ibumba lyosi lyabandu bakaswigha ukuyugha ukuti ,'' Ka umwanalume uyu angaba mwana wa Davidi?'' ²⁴ Loli mo abaFarisayi bapulika ichiswigho ichi , bakati,'' umundu uyu atakufumya bubu imbepo imbibi isi pene papo ali nu Belezebule, usongo wa mbepo inyali. ²⁵ Umwene uyesu akamanya inyinong'ono syabo akayugha kukwabo akati , ''Ubunyafyale bosi bugabanikite pabwene nukwipela ukuya chisam ,sona akaya kosi pamo inyumba pala yagawanika kuyinine yitakwimilila sona ukuwa nyumba. ²⁶ Wepe usetenomlinga akumufumya setano , kokuti akugawanikana mwene. Po buli ubunyafyale bwake bungima buli? ²⁷ pala ngufumyan imbepo inyali pakubombesya u Belezebule, po weni yuyo abana binu abanalumewana bakuya pakufumikisyagha? pachifukwa ichi tibakabe balongi binu. ²⁸ Loli pala ningafumya imbepo inyali numbepo wa Chala, po ubunyafyale bwa Chala bukwisa papako uwe. ²⁹ Ka umundu angingila buli munyumba ya mundu uwa maka nu kwiba ukatundu nifyuma fyake kwambula ukumupinya tasi? po akwisa ukwiba fyosi munyumba yake. ³⁰ Yuyo atali nune weyo akulimbana nune ,sona yuyo atakuba poka nune akunyambanika. ^{31 32} Pongubabula ukuti yosi imbibi nu kunyoza abandu bakwisa ukuhobokeliwa loli pala wanyoza umbepo mwikemo te ukahobokeliwe. Yuyo angayugha amasyu ghamo aghambula ukukolelana nu mwana wa mundu ukuya pakuhobokeliwa nawe. Loli yuyo akuyugha mwakumunyoza umbepo mwikemo tese ahobokeliwe napanu pachisu nakundasi kukabalilo aka naka mundasi. ³³ Panga ikomo ukuti libe akisa niseke inyisa, pamo panga ikomo ukuti libe libibi nukuti iseke syope sibe mbibi pakuti ikomo likumanyikwa niseke nsyake. ³⁴ Mweluko lwa njoka umwe, pakuti muli babibi, mubaghile muyughe bulibuli ifindu ifisa? umundu akuyugha fifyo isusisye mundumbula yake. ³⁵ Umundu umwisa wepe akusunga mundumbula yake inyisa syene syosyo akusifumya , wepe sona umutula nongwa akusunga ifinyali mundumbula fyofyo wepe akufumya. ³⁶ ngubabula umwe ukuti pisiku lyabulongero abandu tibakayughe amasyu ghakulekanalekana. ³⁷ pamasyu ghinu timukise mwelusiwe sona pa amasyu ghinu timukalongiwe.'' ³⁸ Po abasimbi bamo naba Falisayi bakamwamula unYesu sona bakati, '' Manyisi, twalondagha ukuti tukete ifimanyikilo fimo ukufuma kukwako'' ³⁹ Loli akabamula nukuyugha kukwabo, ''Ababibi nabahule pamo abatulanongwa ba abakabaliro aka bakulonda ifimanyikilo. Loli Patalipo ichimanyikilo fyotifikise kukwinu fyene ichimanyikilo fya musoli u Yona. ⁴⁰ Pakuti u Yonah akikala amasiku matatu ghamusi sona amasiku matatu agha busiku mulufukwe lwa swi ingulu, po ulu umwana wa mundu ali namasiku mabili agha musanya sona nagha busiku mundumbula iya muchisu chapansi ⁴¹ Po abandu bamu Ninive tibakime pabulongelo nigulilo yabandu . pobakisa bapinduka pabulumbili bwa Yona nukuketa, yumo umukulu ngani ukulusya u Yona aliko. ⁴² Wepe uMalafyale uwa chanakasi wakubwingilro bwa lisuba ti akise banyamukile mumwanya nukulongiwa nabandu abangulilo iyi sona bope tibakalongiwe bosi. Akafuma kubumaliro bwa chisu chapansi pakupulika amahala gha solomoni, nukuketa yumo yuyo mukulu ukukindapo pa Solomoni uyu. ⁴³ Mo imbepo imbibi yila yafuma mumundu yula, yikapulusania papo pataba amisi naghamo nukulonda amalo aghakjuti yitusye loli yitakaghagha amalo. ⁴⁴ Po yikati , tinyokele munyumba yangu mi ifumite' boyanyokela, yikaghe ukuti inyumba yila yipyeliwe sona yili akisa. ⁴⁵ Po yikabuka sona nukwegha imbepo sona osinine seveni nukulusya yila , posyosi sila sikisa nukwikala mumwake. Ubumalilo bwa mundu yula b ukaba bubibi ngani ukulusya mumu akabela pabwandilo. Tisikabe ngati mbibi sya ngulilo iyakabaliro aka. ⁴⁶ Mo UYesu akali akuyugha kwibumba lyabandu, pulika , amayi wake sona nabakulu bake wimilile panja ,bakulonda ukuyugha nuwe. Yumo akayugha kukwake, '' ⁴⁷ keta abamayi wako naba kamu bako wimilile kunsi, bakulonda ukuyugha nuwe,'' ⁴⁸ UYesu akamula sona akati ku yuyo yo akamubulagha umwene,' ''weweni yuyo we mayi wangu sona bobaweni babo boba mubamukulu wangu? '' ⁴⁹ Po akagholosya inyobe yake kubamanyili bake nukuyugha , Keta, uyu we mayi wangu sona nabakulu wang! ⁵⁰ PO wesi yuyo akubomba ubwighane bwa Tata yuyo alikumwanya, umundu uyo weyo mukulu wangu ,muyemba sona we Mayi.''