¹ Pisiku lilalila uYesu akafuma munyumba nukwikala pansi pambali pa nyanja. ² Ichilndilo ichikulu ngani chibungana nukumusyungulila, po akakwera mubwato nukwikala mumo abene abandu bosi nubwingi bakimilila pabwima pamusesenga. ³ Po uYesu akayugha ifindufyingi ngani mufyili kukwabo.Akati , '' umulime akabuka nukupes imbeyu, ⁴ Bo akupesa imbeyu simo sikawa mumbali musila nifuni fikisa nukuseba. ⁵ Imbeyu simo sikawila pansi pamabwe, ghoghataba nilongwi illyakukwanila, nalubilolubilo imbeyu sila sikamela nukumila chifukwa ilyongwi litakabapo ilya kukwanila. ⁶ Loli bo isuba lyakwela, sikababuka chifukwa sitaba nimisisi yamaka, posikumila. ⁷ . Imbeyu simo sikawila pakati pamyifwa , imifwa yikakula nukusifyululusya . ⁸ Imbeyu simo sikawila pakati pilongwi ilyisa nukemela nukwela iseke simo sikela 100 simo 60 simo 30. ⁹ Yo alimakutu , leka apulike. ¹⁰ Abamanyili bakisa nukuti kwa Yesu, ''choni cho ukuyugha mufyili ku chiludilo?'' ¹¹ u Yesu akamula ukti kukwabo, '' Mupeghiwe ulusako lwa kusyaghania isyachisisi isyachotangala chakumwanya, loli kubala sitapeghiwe. ¹² Po kuwesi yo alinafyo akwisa ukupeghiwa ifyingi, po akwisa kuba nifyakukwana. Loli wesi yo atenako,nakamo alinako kakwisa ukutisiwako kukwake. ¹³ Chochifukwa nguyugha kukwabo mufili; napo bakuketa batakuketesya; sona napo bakupulika batakupulikisya. ¹⁴ Ku umwe ubusoli bwa Yesaya bwa kwanilisiwe, akayugha akati; ukupulika ko mukupulika loli mutakusyaghana, ukuketa komuketa loli mutakusibona . ¹⁵ Chifukwa indumbula syabandu sikafu, sona amakutu ghabo ghali namapuli pakupulika namaso ghabo ghope ghighaliliwe ukuti manye baketeghe namaso ghabo pamo nukuti bapulike nakutu loli manye basyaghanie mundumbula syabo, po babaghile wang'anamuke sona ponguya pakubaposya bosi; ¹⁶ Basayia babo amaso ghabo ghakuketa; sona nababo amakutu ghabo ghakupulika. ¹⁷ Naloli ukuti abasololi abingi na bandu abingi ababwanaloli bakunyonywa ukuketa fimo fyomuketa loli batakuketa nafimo. Bakunyenywa ukupulika ifindu fyomukupulika loli batakupulika nasimo. ¹⁸ Pulikisya ngani ku chifwanikisyo cha mundu umulime yo akabyala imbeyu syake. ¹⁹ Palayumo akupulika amasyu ghachitangala chakumwanya loli atakusyaghania isi, po umubibi yula akwisa nukwiba imbeyu yiyo yibyaliwe mundumbula.Iyi yombeyu yiyo yibyaliwe mumbali mumusewo. ²⁰ Imbeyu Yiyo yikabyaliwa pamabwe we mundu yuyo akupulika amasyu sona nukughapokela amasyu nuluhobofu, ²¹ loli ghatakuba nimisisi nayimo mumwake sona ghatakwikala akabaliro akatali. Pala ukufwimiwa nindamyo syafika chifukwa cha masyu amisa ghacChala mwalubilo akuwa pansi. ²² Imbeyu syo sikawa mukati mumifwa wemundu yuyo akupulika amasyu loli chifukwa chakubombiwa fyamuchisu nukusimbuliwa kwabukabi bwamuchisu fifyo fikukomania ilisyu lya Chala sona likupotwa ukupa iseke. ²³ Imbeyu syo sikabyaliwa pilyongwi ilisa we mundu yuyo akupulika amasyu nukughaghania akisa. we uyu akupal iseke sona nukupapa iseke nyingi yumo akapereka iseke 100,umunine 60 sona umunine 30 ukupulilapo pasisyo akabyala.'' ^{24 25 26} UYesu akapereka sona ichifwanikisyo ichinine kubandu . Akati, Ichitangalala cha chakumwanya chili ngati mundu yuyo akapesa imbeyu syake mwilyongwi ilisya ilya mumughunda wake. Loli mo abandu baghonkte , umulwani yula akisa nukubyala mumo wabyete kale imbeyu nukubwela. Mo imbeyu Yila yamela nukupereka ichakulya, nisote lyope likabamo lyope ²⁷ po abambombo bake bala bakisa nukuyugha kukwake bakati, '' bwana utabyalite imbeyu inyisa mumughunda? pofikwenda buli ukuti isote lyaghiwe ²⁸ ?Po akayugha kukwabo akati, umulwani weyo isile abomba fififi; po ubambombo bakayugha kukwake, ukulonda uswe ukuti tubuke iye ufumye? ²⁹ umwene po akababula akati, Awe. Chifukwa pala mukwipa tise mwipile poka namalesi. ³⁰ Fileke fyosi fikulile poka mupake ise twinule.Pakabalilo kakwinula po tingayughe kubobakwinula, '' ichabwandilo mwipe isote lyosi sona mulipinye mungose nukupemba, loli amalesi ghomubunganike nukughasuka muchitembe.'''' ³¹ po uyesu akayugha sona ichili ichinine kubabo. akati, '' ubunyafyale bwakumwanya buli ngati luseke lwa masitadi lulo umundu akubyala muchighunda. ³² Imbeyu isi nalori kanandi pambeyu syosi. Loli pala lwamela polukula nukulusya nafyo fili fikumela fyene mumighunda. Po chikukula chikuba ngati likomo, nukuti ufiyuni fyakumwanya fikutelaghamo mufisamba,'' ³³ uyesu akababula sona ichili ichingi akati, ubunyafyale bwakumwanya buli ngati we yisiti yuyo umwanakasi akwegha nukongania nu bufu imbepepe sitatu mupaka [papo po bosi bukusasa,'' ³⁴ Fyosi ifi uYesu akayugha kwibumba lyabandu mufili.Sona atakayugha nachimo chambula chili. ³⁵ Fyosi ifi fikaba mulubatiko nukuyana mumo akayughila ukwendela mubasololi fibaghile fikwanilisiwe nubwanaloli bo ayugha , '' tingighule umulomo wangu mufili. Tingayughe ifindu ifingi fyo fyafisiwe ukufuma popabwandilo bwa chisu. ³⁶ po uyesu akisa afumapo pibumba lyabandu nukuyapakwingila munyumba. Abamanyili bake bakisa kukwake nukuyugha ukuti, ''Longosola ku uswe ichili cha lisote lyamumughunda.'' ³⁷ uYesu akamula sona akati, '' yuyo akabyala imbeyu inyisa weyo mwana wamundu, ³⁸ Umughunda chochisu; sona imbeyu inyisa, bobana bakuchitangala chakumwanya. isote bobana ba mulwani , ³⁹ sona umulwana yo akabyala we Setano. ukwinula bobumalilo bwa kabalilo sona abandu bakwinula bala boba ngelo. ⁴⁰ Po apa, ngati isote tilikabunganikiwe nukulyocha numoto, momo tifikabele pakabaliro kabumalilo . ⁴¹ umwana wamundu akuyukutuma abangelo bake , nukubunganika fyosi ifya unyafyale bwake bwakumwanya nafyosi fyo fyapangisyagha imbibi sona nababo bapangagha imbibi. ⁴² Tibakaye babataghe kumoto umwingi uwam bula ku sima kuko ,kuliko ukulila nukusyeketula amino. ⁴³ Po bosi abandu abisa pamo abagholofu tibakabalaghe ngati lisuba kuchitangalala cha kumwanya kwa Tata wabo. Wesi yuyo ali namakutu leka apulike mwene. ⁴⁴ Ubunyafyale bwakumwanya buli ngati musungichuma yofyamite kumughunda. pala umundu umwagha nukumufisa sona nulusekelo lwake akubuka , nukughlisya fyosi ifyake fyo alinafyo sona nukughula umughunda. ⁴⁵ sona ubunyafyale bwakumwanya buli ngati mundu yuyo akughulsya akulonda inyambo inyisa. ⁴⁶ Bo ayagha inyambo inyisa ngani akabuka nukuyapakughulisya fyosi ifyake fyo akabanafyo nukugula inyambo ⁴⁷ Sona ubunyafyale bwakumwanya buli ngati chilepa ichakukkolela iswi chicho bakuponia munyanja ingulu nukubungania ifindu fyamutundu wakupambana. ⁴⁸ Pala kifilepa , umukolaswi yula akughusila kwisila . Po bakwikala pansi nukusala inyisa nukubika muchitundu, loli ifibibi fyosi wakutagha kubutali. ⁴⁹ momo tisikabele nakabalilo kabumaliro. Aabangelo tibakise bapaghlanie ababibi ku bisa. ⁵⁰ Tibakabataghile kumoto kuko kuli ukulila nukusyeketula amino. ⁵¹ Mwapulikisya fyosi ifi nayugha? po abamanyili bake bakayugha kukwake, ''Inga, ⁵² po uYesu akayugha kubabo , '' Wesi umulembi yuyo aba mumanyili ku bunyafyale bwa kumwanya ali ngati mundu yuyo mwenecho wa nyumba yuyo akufumya ifindu ifyakale nifipya ukufuma kuko {akusengula} kunyambi yake. ⁵³ Mo uyesu amalisya ukuyugha mufili ngati ifi, akafumako kumalo ghala. ⁵⁴ Po uYesu akingila mukaya kake nukwanda ukumanyisya munyumba syakwipulamo. Pobandu bakanda ukuswigha ngani nukuyugha ukuti , '' ka umundu uyu akughaghakwighi amahala sona nifiswigho ifi? ⁵⁵ Ka temwana wa mundu yuyo akapalagha amatabw? teweyo ung'ina akwitisiwa ukuti Maliya? Bangaba abamukulu bake bo aba , Jemusi, Yosefe, Simoni and Yudasi? ⁵⁶ Ka abayemba bake tebobo tukaba nabo? Akaghagha kwighi ifindu ifi? ⁵⁷ Po bosi bakamusyokela umwene, uyesu akayugha kubabo, '' umusoli atakupotwa lumo ulwimiko loli bene aba nabamuchisu chabo naba pachikaya chabo.'' ⁵⁸ Atakapangapo nafimo ifiswigho chifukwa cha mwiko yabo.