¹ Manye mubombe imbombo sinu inyisa pabwelu ukuti abandu bababone linga mukubomba bunobuno tase mupokere umufwalo kwa Tata uwa kumwanya. ² Linga ukumupa umupotwe, manyewifumusyeghe ukuyana namo bakubombera abamyasi munyumba syakwiputiramo namumaliketi, bakubomba bunubuno ukuti abandu babatufyughe. Nalorilori ingubabula ukuti, bapokelite u mufwalo wawo umwakwanila. ³ Lori waghe ukumupa umupotwe, manye uyitikisye inyobe yako isyomi kusimanya syo inyobe indilo yikubomba ⁴ ukuti ifyabupe fyako fipeghiwe mwa chisisi. Po uchala yo akuketa ifya chisisi akwisa pakubapa amalipiro. ⁵ ''Linga kwiputa, manye mube ngati abamyasi, bobighanite ukwima munyumba isyakwiputiramo namungomano sya mumusebo ukuti babonekaghe kubandu. Nalorilori ingubabula inguti, bapokelire nganila umufwalo wabo. ⁶ Lori uwe, linga ukwiputa wingile kuchipinda chako, wighalire kumulyango wipute kwa Tata wako, we mufifamu. Po utata wako yo akuketa kubufifamu akwisa pakupa umufwalo. ⁷ Linga mukwiputa, manye munyokesyenyokesye mwalwemwale fyo mukwiputa ngati bakusi, pakuti bakwinong`ona ukuti inyiputo syabo sikwifwika chifukwa chakuti sili namasyu amingi. ⁸ Polero, mutakabe ngati bobabo, pakuti Utata winu ifimenye kale ifindu fyo mukulonda bomutasumite. ⁹ Polero mwipute ngati ubu: 'Tata witu wakumwanya, ingamu yako iyikemo yichindikiwaghe. ¹⁰ Ichitangala chako chise. Imwighane bwako bubombiwe pa chisu ngati moghukubomberiwa kumwanya. ¹¹ Utupe ichakurya chitu chabwira nabwira. ¹² Utuhobokere imbibi syitu, isamotukuhobokera bobakutunangira. ¹³ Manye utweghere mungero, lori utupoke kwa Setano.' ¹⁴ Pakuti para mukuhobokera abandu imbibi syabo, Utata winyu wakumwanya numwe akwisa ukubahobokera . ¹⁵ Lori para mutahobokera imbibi syabo, Utata winyu tese abahobokere numwe imbibi syinyu. ¹⁶ Pala ukwiputa ukulya ichakulya manye ubonesye icheni chako ukukalala samumo wakupangila abandu bapanja, ifyeni fyabo fikuboneka fyakusulumaniagha ukuti abandu bamanye ukuti bakwikuputa kwambula ukulya . Naloli ngubasimikisya ukuti bapokelite ichabupi chabo. ¹⁷ loli umwe pala mukwiputa kwambula ukulya mupake amafuta nukusukusula ku kumaso ¹⁸ ukuti abandu manye bamanye ukuti umwe mutalya ichakulya loli mwene yo Tata uwa chisinsi nu Tata yo akuketa ifyachisinsi weyo akwisa pakupa ifyabupi. ¹⁹ Manye musenguleghe ichuma chinu pachinsu cha opansi pano, pali ingamwa nichuku fyofikomania, nabifi bope bakwiba. ²⁰ Mumalo ghake musenguleghe kumwanya kuko nachimo ingamwa ichuku nabifi bope nabamo abakukomania nukwiba nabamo ²¹ . kuko ichuma chako chili koko numoyo wako ghuli. ²² Iliso yo nyale yamubili witu. Popala iliso lili akisa, bo umubili ghosi wisyuli nubweru. ²³ Loli pala iliso lyako libibi, po umubili wako ghosi wiswile ni chisi chene. Po nandi ubweru bobuli mwako buli nichisi., ka bo ichisi chili bulibuli ! ²⁴ Atalipo nayuno yo akubombela abanyafyale babili , po yumo akwisa ukubengiwa nukumughana yumo, pamo ukumumilila yumo nukumusyokela yumo, mutabaghile ukumubombela ukyala pamupene nukubombela ichuma. ²⁵ Po apa ngubabula umwe, manye mupasyeghe nisyabumi bwinu ni isyakuti tigalyeki pamo tingang'weki pamo isyakuyana numubili ukuti tingafwaleki. ka ubumi tebwakulondiwa ukinda ichakulya, sona umubili ukukinda ichakulya? ²⁶ keta ifiyuni ifyakumwanya. Fitakubyala sona fitakwinula nukubika ku ndamba, loli m ubTata uwakumwanya akufilyesya. Ka umwe temwe bakulondiwa ngani ukukinda ifiyuni? ^{27 28 29} Umwe mo mubelile nukwiyaya kwinu weweni yuyo amene ukoongelesyapo ubutali bwa bumi bwake? choni pomukwiyaya nifyakufwala? inong'ona ubulenge bwa mungolongo, mumo bukukulila. Fitakubomba sona butakuluka imyenda . Loli apa nguyugha ku umwe, ukuti wepe u Solomoni umalafyale mubukabi bwake atakafwalagha ngati mumo mukufwalila umwe. ³⁰ Pala Chala akafwikagha isote ilyamungolongo, lyolikwaghiwa umusughu naningero pala akataghagha mukati mumoto ,pongali ngali abafwika kalinga umwe mwebandu balwitiko ulunandi? ³¹ Manye mupasyeghe nukuyugha; titukalyeki? pamo titukang'weki? pamo myenda yiki yotitukafwale? ³² Fyosi fifyo abapanja bakulondalonda umwene uTata uwakumwanya afimenye fisyo bakulonda. ³³ Londa tasi ubunyafyale bwakumwanya nubwanaloli, pofyosi fyomukulonda tisemupeghiwe. ³⁴ manye twiyayaghe pamo tutangwanikaghe nifyaningerop pakuti ifya ningero fikwitangwanisya fyene. isiku lyosi likukwana nindamyo syake.