1 ''Po ichitangala chakumwanya tichikaghelesiwe nabalindu 10 bobakegha inyali syabo ukuti baye bakomane nusibwinga. 2 Bamu 5 bakaba bapunganu abanine 5 bakaba bamahala. 3 Bo abapungau abalindu banyamwire inyale syabo, batakapayamura naghamu amafuta. 4 Lori abamahala abalindu bala bakanyamula isupa sya mafuta ninyale syabo. 5 Bo usibwinga achedwa pakufika, bosi utulo tukabakola po bakaghona. 6 Lori pabusiku pakati poponga kukapulikikwa ukukolera, 'Keta,usibwinga! Fuma kusi mukomane nawe.' 7 Bosi abaliindu bakanyamuka nukukosya inyale syabo. 8 Abapunganu bakati kubamahala, ' Tuyabileko amafuta ghamu chifukwa inyale syitu syanda ukusima. 9 ''Po abamahala bakamula bakati, ghata ghakuti ghangatukwana utwe numwe, mumalo mwake buka kwabo bakughulisya ukuti muye mwighulire mwebene.' 10 Bo bakuya pakughula, usibwinga akisa, bosi bo bakitendekesya bakabuka nawe kobakimba ubukwati, bakapingako kumulyango bobingila. 11 ''Panyuma pake abalindu abanine bala bakisa bakati, 'Malafyale,malafyale, twighulireko.' 12 Lori akamula akati, naloli inguti kukwinyinu, indabamenye umwe.' 13 Mubange maso, pakuti mutalimenye isiku pamu akabaliro. 14 ''Pakuti chikuyanabu numundu yuyo akalonda ukuya ku chisu ichingi. Akabitisya ababomba mbombo bake nukubalekera ichuma chake. 15 Ku yumo mubabo akamupa indalama syakukwana amatalenti ghatatu na mabiri, uyungi akamupa amatalenti mabiri, sona kuyumo akamupa italenti lyoka. Wesi akapeghiwa amatalenti ukuyana namo abaghilire, Po umundu yula akanyamuka ubulendo bwake. 16 Parapara yuyo akapokera amatalenti ghatatu na mabiri akanyamuka nupanaga nagho amalonda nukukabirapo amatalenti aghanine ghatatu na mabiri. 17 Buno buno sona, yuyo akapokera amatalenti mabiri akakabirapo aghanyabo ghabiri. 18 Lori uwambombo yula akapokera italenti lyoka akafumapo, akakumba akabwina, sona nukufifa indalama ya bwana wake. 19 Bopakinda akabaliro akatali ubwana wabambombo aba akabwerako nukubabusikisya ukuti balinganiye mobabombera. 20 Uwambombo yuyo akapokera amatalenti ghatatu na mabiri akisa nawo nukongerapo amatalenti ghatatu na mabiri aghangi. Yuyo akati, 'Bwana, ukamba amatalenti ghatatu na mabiri. Keta, nakabirapo amatalenti ghatatu na mabiri aghangi.' 21 Ubwana wake akati kukwake, 'Wapanga akisa, wewambombo umwisa sona wemusubaliwa! Wali musubaliwa pa findu ifinandi. Tise ingubike ukuba wesongo pafindu ifyingi. Ingila mulusekero lwa bwana wako.' 22 ''Umubombi yuyo akapokera amatalenti mabiri akisa akati, 'Bwana, ukamba amatalenti mabiri. Keta, nakabirapo amatalenti mabiri amanine.' 23 ''Ubwana wake akati kukwake. 'wapanga akisa, wewambombo umwisa sona usubaliwe! Wali musubaliwa pa findu ifinandi. Tise ngubike ukuba wesongo pa findu ifyingi. Ingila mulusekero lwa bwana wako.' 24 ''Umubombi yo akapokera italenti lyoka akisa nukuti, 'Bwana, isimenye ukuti wemundu wekukongesya lukulu findu. Ukwinula napo utakalima, sona kwinula napo utakapesapo. 25 Ingoghopa, ingabuka nukuyifisa italenti yako mwilongwi. Keta, wegha fyo fyako.' 26 Lori ubwana ake akamwamula akati kukwake, 'we mubombi umubibi sona ulimukata, ukasimanya ukuti ngubegha pondabyalite sona ngwinura po ndapisitepo. 27 Polero ngepo ukabika indalama yangu kubakusunga indalama, sona pakwisa kwasa kwangu ngenapokerapo indalama yapamwanya. 28 Po lero mupoke italenti nukumupa uwambombo yuyo alimatalenti teni. 29 Pakuti wesi yuyo alinafyo, ifingi akwisa kupeghiwa-ukukilikisya ngani. Lori wesi yo atenakamo, napo nako alinako kakwisa ukupokiwa. 30 Mutaghile umubombi yo atenipindu muchisi cha kusi ngani, kokwaya ukuba ukulira sona nukusya amino.' 31 ''Para Umwana wa Mundu akwisa mubuchindamu bwake sona poka nabangelo wake, po tise ikale pa mpando wake ubuchindamu. 32 Pandasi yake pakwisa ukubungana ifisu fyosi fyapasi, sona akwisa ukupaghulanya abandu ukufuma kubanine, isamo umulisyayi akupaghuliragha ng`osi ukufuma kumbusi. 33 Umwene tise abike ing`osi kunyobe ya ndilo, lori imbusi sikwisa ukuba kusyomi yake. 34 Po Umalafyale takati kubobikile kukano akalyelo, 'Sakuno, mwemwasayiwa nu Tata wangu, mupyane ichitangala chochiyanisiwe chinyu ukufuma pa lwalo lwa chisu. 35 Pakuti nali nisala mwambile une ichakurya; Ingaba ninyota sona mukamba ichakung`wera; Ingaba nemulendo lori mukambokelera; 36 Ingabangule lori mukafwika une; Ingaba mubine lori mukasungilira akisa ; Ingaba mujere lori mukisa kukwangu. 37 ''Po abagholofu tibakamule nukuti, 'Malafyale, tukakubona lighi ukuti uli nisala nukuti tukulisye uwe? Pamu inyota nukuti tukupe ichakung`wera? 38 Lighi lyo tukakuketa we mulendo nukukupokelera? pamu po ukaba ngule nukuti tufwike imyenda uwe? 39 Lighi lyo ukabina pamu nuba mujere nukuti twise pakuketa?' 40 ''Po Umalafyale akwisa ukwamula nukuti kukwabo, 'Nalori inguyugha kukwinyu, fyomukabombera abanandi mwabanyangu aba, mukambombera nene.' 41 Potakati kubosi bo bali kukakono kake akasyomi, 'Mufumilepo pano, mwebakughuniwa, ingila mumuliro wabwilenabwile gho ghuyanisiwe kwa Satana nabangelo bake; 42 chifukwa isala yikangola, lori mutakamba chimo ichakurya; Inyota yikangola, lori mutakamba ichakung`wera; 43 Ingaba nemulendo, lori mutakambokelera; ngaba ngule, lori mutafwika imyenda; ngabina sona ngaba mujere, lori mutakasaghirako isya une. 44 ''Po tibakamule nukuti, Malafyale, tukakuketa lighi uli nisala, pamu inyota, pamu ukuti we mulendo, pamu ukuti ulingule, pamu ukuti we mubine, pamu mugadi nukuti manye tukwafwe uwe?' 45 ''Po takabamule nukuti, 'Nalori inguyugha kwinyu, ku fifyo mutakabombera abandi mwa aba, mutakambangiragha nene.' 46 Aba bakwisa ukwingira mukufundiwa kwa bwile na bwile, Lori abagholofu kubumi bwa bwile na bwile.''