¹ Pakisa ukufwana ukuti bo uyesu amalisya amasyu ghosi agha , akati kubafundiwa bake , ² '' Mukumanya ukuti pala pakinda amasiku mabili ichakulya chapalubilo chikwisa umwana wamundu akuya pakubikiwa ukuti akomeliwe,'' ³ Po abaputi abasongo naba songo babandu bakabungana pamupene munyumba yamuputi usongo yo akitisiwanga ingamu ya Kayafa. ⁴ Bakayughisania ukuti bamukole nu Yesu mwakumubendela nukukoma. ⁵ Chifukwa bakati , '' pakabaliro kachakulya hagha,'' ukuti manye kube ukwambana kubengeko mubandu bala ⁶ U lu bo uYesu ali Betenaniya munyiumba ya Simoni uwa mbungho ya maketa, ⁷ Bo eghamile patebulo umukolo yumo akisa kukwake akaba nisupa lya mafupa agha mutengu wapamwanya ngani akakusya pamutu wake . ⁸ Loli abamanyili bake bobasiketa isi, bakakala nukuti chochifukwa chiki ichakutagha ngati ulu? ⁹ Ifi fikaba fyakughulisiwa nindalama inyingi sona nukubapa abapina.'' ¹⁰ Loli uYesu akati simanya isi , akababula akati , '' choni po mukumutamya umama uyu ? chifukwa ambomnba ichindu ichisa ngani kwa une. ¹¹ Bwile mukuwa nabipina loli kutakuya pakuba nune bwila. ¹² Chifukw a po akusyagha amfuta gha pamubili wangu , abmba ichi chifukwa cha kusiliwa kwangu. ¹³ Naloli ngubabusya , kosi ko amasyu ,agha ghakulumbililiwa muchisu chosi , chochi umukolo uyu abomba chikuya pakuyughiwanga ukuba chikumbusikisyo chake''. ¹⁴ Palapala muyumuywene mubala twelvu (12) , yo akitisiwanga ingamu ya Judasi Kaliyoti , akaya kunbaputi basongo ¹⁵ akati, '' mukulonda mumbeki une ukuti mbape uyu umwe? Bakamupimila umwene indalama sya siliva 30. ¹⁶ Ukufuma pakabalilo kalakala akalonda ulusako lwakuti umupereke umwene ku kukwabo. ¹⁷ Pisiku ilyabwandilo ilya ichibama abamanyili bakisa kwa Yesu bakati, ukulonda uswe tuyetukuyanikisye kwighi ichakulya chabumaliro? ¹⁸ Akati buka kukaya kumundu yumo sona iyemuyughde kwake ukuti umumanyisi weyo ayugha, '' akabaliro kali panyobe Pamo akabaliro kangu kapalamila. Ngwisa pakusunga ichakulya chabumaliro ku nyumba kwako naba fundiwa bangu. ¹⁹ Abafundiwa bakabomba mgati isamo ju yesu akababulila abene, sona bakayania ichakulya chabumalilo. ²⁰ Bo ilyanamasuba lwafika , akikala pansi nukulya nabafundiwa bakd 12. ²¹ Bobali pakulya , akababula akati bwanalori ngubabula umwe ukuti yumo mwa umwe akuya pakumbika mubalughu.'' ²² Bakaba nichitima ngani , sona wesi akanda pakumubusikisya umwene , naloli tenene, Malafyale.?'' ²³ U Yesu akamula akati mqwene yuyo atwibika inyobe yake pamune niyangu mwidishi weyo akuya pakumbika mubulughu une . ²⁴ Umwana wamundu pakubuka ngati samumo silembeliwe ukufwana nisyake . Loli soka / mukosi kumundu yuyo umwana wamundu akuya pakutamiliwa. chali chisa umundu uyo ngali atakapapiwanga.'' ²⁵ Yudasi yo akuya pakumubika mubulughu akati , ''ningaba nene, mumanyisi?'' akayugha kukwake, , wayugha wewe wemwene,'' ²⁶ Bobali pakulya , uyesu akegha ichibama aka chiputila nukuchimenyulania, akabapa abamanyili bake sona akati, Egha , Lyanga, Ughu ghomubili wangu,'' ²⁷ Akegha akakapu nukupalisya , sona akabapa akati, ng'wanga mwebosi umwe. ²⁸ Pa Chifukwa ili lyolibanda lyalwitikano lyolikupunguliwe bubandu abingi chifukwa cha luhobokelo lwa mbibi. ²⁹ Loli nguyugha ku kumwe , indakuya pakung'wa sona numwe uluseke lwa mafilu(vayini) mupaka isiku lilyo nguya pakung'wa ifipya numwe kuchighamba chamisyunguti.'' ³⁰ Bobimba ulwimbo bakabuka kuchighamba chamisyunguti. ³¹ UYesu akababusya akati , Mwebosi umwe ubusiku ubu mukuya pakufulala mundumbula syinu chifukwa cha une, pakuti sikalembiwa , ''Inguyapakumukuba umulisyayi po imbelele sikuya,pakunyambana; ³² Loli pala nasyuka inguya pakuba mundasi mumwinu pakwingwila mu Galileya. ³³ u pitala akamubusya akati , pope linga ifi fingawa pansi chifukwa cha uwe, lloli une tengawe lumo,'' ³⁴ UYesu akayugha kukwake akati , ''Nalolri ngukubula uwe ukuti , ubusiku ubu bo umukolwe akali atalilite ukuya pakungana katatatu ,'' ³⁵ UPitala akamubusya akati , napo ningafwa nuwe ndakuya pakukana. Abamanyili abanine bakayugha bope ngati ulu . ³⁶ Po uyesu akabuka nabo kubuyo b o bukwitikisiwa ukuti Getsemani sona akababusya abamanyili bake akati, ikala tansi panu panu une ngubuka kula pakwiputa ,'' ³⁷ U Yesu akamwegha upitala nabana babilili aba Aba Zebediya pamupene nawe sona bakanda pakusulumania nukutamiwa . ³⁸ Palapala akababusya abene akati, umoyo wangu ghukusulumania ngani nisya bufwe. Mube panupanu sona miube maso nune,'' ³⁹ UYesu akenda akabulendo kanandi akawisya icheni chake pansi nukwiputa , akati Tata wangu pala chakwitikisiwa, itikisya ukapu uyu apulusanie papakwangu . Loli ubwighane bwangu hagha loli isamo wighanile ⁴⁰ .''Akisa kubamanyili bake akaghe bapitile utulo akamubusya upitala akati, ''choni mutangaba nune maso pakabaliro kanandi ? ⁴¹ Banga maso sona iputagha ukuti manye mwingile mungelo. umbepo naloli akulonda , loli umubili ghutanamaka,'' ⁴² Akabuka akabalilo akabubili nukwiputa , Akati, Tata wangu , pala isi sitangapulusania pene papo nang'wa ifi, ubwighane bwako bubombiwe ,'' ⁴³ Akisa sona akabagha bapitile utulo chifukwa amaso ghabo ghakang'wama. ⁴⁴ Akabaleka sona akabuka sona pakwiputa akabutatu, nukuyugha amasyu ghanmughene ghalaghala. ⁴⁵ Po uYesu akabuka kubamanyili bake nukuyugha ukuti , ''mukali mupitile utulo nulu mukutusya? Keta akabaliro kapalamila , sona umwana wa mundu akuya pakubikiwa munyobe syaba lughu. ⁴⁶ Nyamuka isatubukeghe , keta yoyapakumbika une alipappipi.'' ⁴⁷ Bo akali akuyigha Yumuywene mubanine bala 12 akisa. ichibukutila ichikulu chikisa nawe ukufumila kubaputi abasongo nabandu absongo bakisa nabapanga ninyondo. ⁴⁸ Ulu umundu yuyo akaya pakumubika uYesu mubalaghu abapa ichimanyilo , akati, '' yuyo ngumu fyomba weyuyo. mumukole. ⁴⁹ Nalubilo akisa kwa Yesu nukuti, '' ngukulamuka, mumanyisi!'' sona nukufyomba umwene . ⁵⁰ UYesu akati kukwake , '' mumanyani wangu bomba ngati mowisila pakubomba''po bakisa nukumukola inyobe sona nukumukola ⁵¹ Keta yumo mubamo bobaka nu Yesu bakagholosya inyobe yake akafumya umupanga wake nukumucheka uwambombo wamuputi usongo, sona akamukenda ikutu lyake likaputuka. ⁵² UYesu akamubusya akati bika u mpanga uyo pamalo ghake , chifukwa bosi bobakwegha amapanga bakuya pakusimila nimipanga yabo. ⁵³ Mukwinong'ona ukuti ndangamwitisya utata wangu sona angandumila ifilundilo fyabangelo ifyakupululila pa 12. ⁵⁴ Loli po amasyu ghangakwanisiliwa bulibuli, ukuti ifi fibombiwe?'' ⁵⁵ Pakabalilo kalakala UYesu akayugha kuchilundilo akati, '' mwisa ninyondo nimipanga mwisa pakungola une ngati nemwifi?Isiku lyosi nikala ingubamanyisya nuchalichi, loli mutakangolagha. ⁵⁶ Loli syosi isi syabombiwa ukuti amasimbo gha basololi ghakwanisilisiwe,'' Ukufuma pala abamanyili bosi bakamuleka bakakinda. ⁵⁷ Bosi bobamukola u Yesu bakabjuka nawe ka Kayafa umuputi usongo kom abasongo naba simbi wakakomanangha pamupene. ⁵⁸ Loli upitala akamukonga ukufuma pabutali ukuya pabuyo bwanongwa . Akingila mukati nukwikala pansi nabakuketelela pamo abalonda ukuti bakete mumo tifibele. ⁵⁹ Po abaputi abaongo nababandu bosi bakalondagha ififukwa fyabumyasi ifyakulimbana ukuti bamukome. ⁶⁰ Batakachagha nichifukwa nachimo., nalinga mabukaboni amingi aghabumyasi ghakwisa mundasi , munyuma mwake babili bakisa mundasi ⁶¹ nukuyugha, '' umundu uyu akuyugha akuti mbaghile ukupongola ichalichi lya Chala sona nuku limarnga sona pamasiku matatu. ⁶² Uputi usongo akimilila ukuti kukwake, '' uta nilyakwamula? choni chicho bakusimikisya wakulimbana nuwe? ⁶³ Loli imwe uYesu akawa myee, Umuputi usongo akati, '' ngulamula mwa chala umumi, tubusye kali we kilisiti, umwana wa chala'' ⁶⁴ UYesu akamwamula , akati mowayughila wemwene. loli ngubusya uwe , ukufuma ulu ukuya pakuketa umwana wamundu ikile kunyobe indylo yamaka, nukwisa mumamabingu ghakumwanya'' ⁶⁵ Palapala umuputi usongo akanyepula imyenda yake nukuti, ayugha amahelu ! choni tukali tukulonda ubukaboni? Keta, ulu mwapulika amahelu. ⁶⁶ Mukwinong'onaki? Bakamula bakati , enile ubufwe ⁶⁷ Bakamufwinila amati kumaso nukumukuba umwene, sona bakamukubila ninyobe syabo. ⁶⁸ nukuyugha ukuti , sololanga ku uswe, ka we Kristu. po weweni yo akukoma? ⁶⁹ PO u Pitala akikala panja papo bakalongela inongwa po uwa mbombo umjulindu akiosa kukmwake njukuti, nuwebu wali pamupene nu Yesu Uwamu Galileya. ⁷⁰ loli umwene akakana pandasi pabosi nukuti ndakumanya cho akakuyugha ' ⁷¹ ' Bo afuma panja kubwingililo bwa lupaso umjnuine jumulindu juwambombo akamukeyta jukuba bula bosi bobakaba palapala akati, umundu uyu wepe ali nu Yesu uwa M u Nazareti.'' ⁷² Akakana nukulapa, indamumenye umjundu uyu!'' ⁷³ Bokakinda akabalilo kanandi bosi bobakima palapala bakisa bakati kwa pitala, syamomumo nuwe wali pamupene sona weyumo mubala, chifukwa akayughile kako kakusimikisya.'' ⁷⁴ Palapala u Pitala akanda ukwighuna nukulapa, indamumenye umundu uyu'' Nalinga umukolwe akakokolika. ⁷⁵ U Pitala akakumbuka amasyu gho u Yesu akayugha akati , Bo umukolwe atalilite tukangane katatu,'' palapala akafuma panja nu kulkila ngani.