¹ UYesu akafuma miuchalichi nukubuka kusila yake. Abamanyili bake bakisa kukwake pakumulangbisya ibusengi bwa chalichi. ² Loli umwene akabamula kati ku babo, ''mutakuketa fyosi ifi? Naloli ngubabula umwe , na.limomibwe lilyo tiselikasyale pamwanya pinine lyotelikamenyuke.'' ³ Mo ikile pachighamaba cha Olive, abamanyili bakisa kukwake nukuyugha kukwake, '' tubule uswe po ifi tifikabombiweghe?'' chibonesyelo fiki fifyo fikuyukulangisya isya kwisa kwako nu bumalilo bwa finja nutubalilo. ⁴ UYesu akamula nukuyugha kubabo akati, '' Chanjela manye yumo akabasobesye. ⁵ Bingi tibakisile mungamu yangu. Tibakayughe ukuti, Nene neKrisiti; tibakasobesye abandu abingi. ⁶ Timukapulikeghe ingondo iyabulwenutupango twabulwe. keta ukuti mutakutamiwa, pakuti fyosi ifi fibaghile fibombiwe; loli ubumaliro bukali ukwisa. ⁷ Ichisu chikwisa pakung'amukilanagha nichisu ichinine , ubunyafyale nubunyafyale ubunine. ⁸ Kwisa pakuba isala nutuseng'enda mumabuyo ghakulekanalekana . Loli fyosi ifi bo bwandilo bwakupapiwa kwakubaba. ⁹ Po fyosi ifi fikwisa pakutwingisa ukufika mukutamiwa sona nanubufwe. Tisemukabengiwe nabandu bosi chifukwa changamu yangu. ¹⁰ Bingu tisebatamiwe sona nukufwimana nukubengana uyu na uyu. ¹¹ Abasololi babumyasi abingi tibakise nukubasobesya mwebingi ngani. ¹² Chifukwa chakwambula ukukonga indaghilo, sona ulughano kubandu abingi lukwisa kufumamo. ¹³ Loli yuyo aye apilila ukufika pa bumalilo weyo akuyupokiwa. ¹⁴ Amasyu amisa agha bunyafyale bwakumwanya tighakalumbiliwe ichisu chosi chapansi ukuba bukamboni pamundu wesi . Po ubumalilo buya oakwisagha. ¹⁵ Po apa linga mukusiketa imbibi isi fyayughiwe nu Daniyeli umusololi, imilile pamalo amikemo''( muleke yuyo akubelenga asyaghanieghe), ¹⁶ Baleke bobali mu Yudeya bakindile kufighamba, ¹⁷ muleke yuyo alipakasonje kanyumba manye akike pansi pakwegha chimo munyumba yake, ¹⁸ sona muleke yuyo alikumughunda manye anyokele munyuma pakwegha umwenda wake. ¹⁹ Loli soka kubabo wali nabana sona nakubabao bakongesya abana abana abanandi mumasiku agho! ²⁰ iputa ukuti ukunyamuka kwinu manye ise kubombiwe pakabaliro ka lupepo pamo pa pisiku lya Sabata. ²¹ Pakuti kakwisa kuba kabaliro kakutamiwa ngani kako katabombiwe lumo ukufuma kokubwandilo bwa chisu nukufika akabaliro aka, kako tekakabombiwe lumo. ²² Pene papo pala amasiku ghala ghatumuliwa, naghumo umubili ghugho ghukuya pakupona. Loli pa chifukwa cha bandu aba basaliwe ;o amasiku ghala ghakuya kutumuliwa. ²³ Po apa pala yumo akuyugha ku kwinu ukuti; keta, apa popo pali ukrisiti! pamo, Pala pali ukrisiti! manye mukasubalilaghe ifi. ²⁴ pakuti aba kilisitu abingi nabasololi bayukwisa nukulangisya ifimanyikwilo ifikulu nifiswigho ifikulu, ukuti babasobesye, palachachitiko, bene abasaliwa. ²⁵ Keta, kababula kale umwe. ²⁶ Po ulu palabakuyugha kukwinyu,' keta, ali ku ngolongo; manhye mubuke ku ngolongo. Pamo , 'keta, ali kusoso(chipinda) munyumba; manye mwitikisye ifi. ²⁷ pakuti akalawi kafula kamwekusya ukufuma ko isuba likufumila sona kakumwekusya kosi ukufika kuko isuba likwingilila,momumo sikwisukubela nukwisa kwa mwana wamundu. ²⁸ Posi popali ichinyamana chochifwile pofyepe ifya mwebe fikubungana palapala. ²⁹ Loli nalubilo pala ukutamiwa kwakindapo mumasiku ghala isuba likwisa kuba nichisi umusi ghutakwisa pakuba nubwelu, indondwi sikwisa kufumako kumabingu, amaka ghakumwanya ghakwisa pakwisa payunganika. ³⁰ Po ifimanyikwilo fyakwisa kwa mwana wa mundu kwisa pakuboneka mumabingu uluko losi lwabandu pachisu chapansi bakwisa pakusulumania nukulila. Tise bakamukete umwana wamundu mo akwisa ukufuma kumabingu namaka sona nubukulu bwake ubukulu ngani. ³¹ Takise atume abangelo bake nichosongo ichikulu ngani changabwite sona bakwisa pakubabunganika bosi abasaliwa bake ukufuma kufya meya folo, ukufuma kuchoka kubumaliro bwa kumwanya ukufika kubunine. ³² Mumanyile ichimanyilo ukufu,ma kwikomo lya mukuyu, Pala utusamba twake twapululukite amani inga ghatunga aghangi pomumanye ukuti ichisiku chapalamila. ³³ Po apa numwe linga muketa fyosi ifi po mumanye ukuti alipapipi ukwisa, ali pamulyango ³⁴ Nalori ngubabula umwe ukuti ingulilo iyi teyimale ukufika papo fyosi ifi fyabombiwa. ³⁵ Kumwanya na pansi fikuyukumala, loli amasyu ghangu teghakamale lumo. ³⁶ Ukuyana isyalisiku nakabaliro nayumo yo asimenye bope nabangelo bakumwanya,wepe umwana atasimenye mwene yo Tata. ³⁷ Ngamumo mumasiku gha Nawa mosikabela,momumo ukwisa kwa mwana kuyukubela. ³⁸ Pakuti mumasiku ghala mo ukwisula kwa misi kukali ukubombiwa abandu bakalyanga nukung'wa, ukweghiwa nukweghana ukufika isiku lilyo u Nowa akingilanga mu ngalaba, ³⁹ Ssona batakamanya nachimo ukufika papo amisi ghakisa ghisula nukubegha bosi nukubuka nabo--po momo sikuyukubele nukwisa kwa mwana wa mundu. ⁴⁰ Po abandu babili bakuyukuba kumughunda yumo akuyukweghiwagha yumo akusyala. ⁴¹ Abandu babili bakuyukusyagha palwala lumulwene weka akuyukweghiwa yumo akusyala. ⁴² Po apa nguti muchenjera ngani, pakuti mutakumanya isiku lyo u Malafyale akwisila. ⁴³ Loli mumanye isi, ukuti pala umwene wanyumba akamanya akabaliro kako umwifi tisile, ngali akalindilila sona ngali atakitisya ukuti inyumba yake yipanguliwe nukwingilamo. ⁴⁴ Po apa ngubabula ukuti mube maso, pakuti umwana wamundu angisa akabaliro kosi kako uwe utakinong'onelagha. ⁴⁵ ''Po weweni yuyo walwitiko sona mubombi wamahala yo umalafyale wake , ukuti amwike panyumba yake,ukuti abapenge abandu ifindu pala akabaliro kakwana? ⁴⁶ Musayiwa umubombi yuyo umalafyale takamwaghe akubomba sisyo akamulaghila. ⁴⁷ Nalori ngubabula umwe ukuti uMalafyale akwisa pakumwika pakuchilindilila ichuma chake chosi. ⁴⁸ Loli pala umubomba mbombo yula akuyugha mundumbula yake akuti, '' uMalafyale wangu achedwa; ⁴⁹ nukwanda ukukuba abambombo abanine, sona nukulya nukung'wa nabaching'wela, ⁵⁰ po u mwenecho wa bambombo ayukwisa pisiku lyo ababomba mbombo batinong'onelagha sona nakabaliro kako abene batakamenye. ⁵¹ Po umwenecho uyukwisa nukukendania umwene muma pisi sona nukumupa amalo ghagho baliko abandu abambula ukwiputa mubwanaloli kuko kuli ukulila nukusyeketula amino.