¹ Abafalisayi naba Sadukayi bakisa pakumughela uyesu pakumulalusya umwne ukuti abalangisye ichisimikisyo chimo ichakufumila ku mabing. ² Loli akabamula nukuyugha kubabo ukuti, palalyakwana ilyanamasuba, mukuyugha ukuti, kuli akisa, pakuti amabingu makesamu; ³ Pala popangelo , mukuyugha ukuti ifula nayimo papo amabingu kumwanya ghakesamite ifula yitangawa.; menye ukulingania ngani isyakabonekele ka mabingu ghakumwanya loli mutangalingania isya fisimikisyo fya tubaliro. ⁴ Abene abandu abangulilo iyi ababibi bobo bakulonda ichisimikisyo loli chisimikisyo nachimo chicho mukwisa pakupeghiwa kukwinu chene ichisimikisyo cha Yona,'' Po uYesu akabaleka bosi akabuka. ⁵ Mo abamanyili bafika kwisila ilingi lila , bakisa balufya ichibama pakwegha. ⁶ UYesu akayugha kubabo akati, ''mukete, mwandeghe umukesye wa bafalisayi naba Saadukayi, ⁷ po abamanyili bakisa binong'ona bene palapala nukiuyugha,'' chifukwa xhakuti tuteghite ichibama.'' ⁸ Umwene uyesu akasyaghania syosi isi, '' mwebandu balwitiko ulunandi, choni po mukwinong'ona mwebene nukuyugha isi isyakuti ukuti tuteghite ichibama. ⁹ mukali nulu mutakusyania sona mutakumbuka ifibama fila fayifi fifo abandu fayifi sabusani(5000) bakalya , mukabunganika aba basiket balinga? ¹⁰ pamo ifibama fila seveni ukukwana abandu bala folo sabusani(4000), mukegha ababasiketi balinga bomukabwela nabo? ¹¹ Silibulibuli po umwe mutakupulikisya ukuti ndakayughagha numwe ukuyana nisya chibama? loli apa pomwande mwande muchenjere nu nkese waba falisayi naba sadukayi,'' ¹² po bakisa bamanya ukuti atakababulagha bobabo ukuti bachenjere nisya mukese wa chibama loli ukuti bachenjere nisya fimanyisho fyabasalisayi naba sadukayi. ¹³ Mo uYesu afika mukaya ka Kesaliya , Filipu, akabalusya abamanyili bake, akayugha , '' abandu bakuti choni isyakuyana numwana wamundu?'' ¹⁴ Bakayugha ukuti bamo bikuti Yohani walosyo,bamo bakuti we Eliya abanine bakuti we musoli u Yeremiya pamo basoli abangi,'' ¹⁵ Akayugha kubabo akati umwe mukuti une neweni? ¹⁶ Akamula u Simoni Pitala akayugha akati, ''we krisitu mwana wa Chala wa bumi.'' ¹⁷ UYesu akamula nukuyugha kukwake akati, ulimusayiwa uwe we Simoni Bar Jonaa, pakuti isya mubili nibanda sitafumbuliwe kwa uwe loli kwa tata mwene wakumwanya. ¹⁸ Inguyugha sona ku uwe , ukuti uwe ,we Pitala, sona pibwe ili nguya pakusengapo ichalichi. Umulyango wa ku busyuka ghope ghutangalimbana napo apo. ¹⁹ Tingabape amaki gha chitangala cha kumwanya. Chili chosi cho timukapinyeghe pachinsu chapans chiyukupinyiwa nakumwanya sona chosi cho muyemwasatula panu pachisu chapansi chikuyukwabuliwa nakumwanya. ²⁰ Po uyesu akabalaghila abamanyili bake ukuti manye mukababule ukuti ne Krisitu. ²¹ Ukufuma pakabalilo kala uyesu akanda ukubabula abamanyili bake ukuti babukaghe ku Yerusalemu, nukutamiwa mufindu ifingi leka munyobe sya basongo ba chalichi nabaputi abasongosongo nabasimbi takakomiwe nukufwa sona akuyukusyuka kubufwe nukuba nubumi bo amasiku ghjakindapo matatu. ²² po upitala akamwegha nukuya nawe pambali nukumususula mumwene, akayugha akati , '' ngulonda ukuti isi sibene pabutali , Malafyale ; nati isi manye sikabombiwe kukwako,'' ²³ Loli uyesu akisa asyutuka nukuyugha kwa Pitala, '' fumako kunyuma, kwangu Satana! uwe we chiphinjo ichikulu ngani kwangu, pakuti utakupwelela iofindu fya Chala, loli fyene fyofyabandu.'' ²⁴ Po uyesu akayugha kubamanyili bake akati, pala yumo akulonda ukungonga une ikane mwene, anyamule ichipinjika sona angonge une. ²⁵ powesi yuyo akulonda ukubupoka ubumi bwake yo akwisa ukubutagha , loli yuyo mwene akubutagha ubumi bwake chifukwa cha une akwisa pakubwagha. ²⁶ po chikumupindulilaki umundu pala angachikaba ichisu chosi chapansi loli ubutaghe ubumi bwake ? Ka chochoni cho umundu angapereka ichakuti asindanie nubumi bwake? ²⁷ umwana wamundu ayukwisa mubukulu bwa wise wake naba ngelo bake. po akuyakumulipila umundu wesi ukuyana namumo abombelagha. ²⁸ Naloli ngubabula umwe nguti, bamo panupanu bimilire tese babuketepo ubufwe mpaka wise bakete tasi umwana wamundu mo akwisa mubunyafyale bwake.