¹ Mo amasiku ghapululilapo siki (6) u UYesu akamwegha u Pitala Yakobe nu Yohani uwamwabo wake bakakwela kwighamba bosi. ² Akabonekele kabo kakachenja ifyeni fyabo fikabala ngati lisuba sona yope imikanjo yabo yikabalagha ngati bwelu. ³ Mo bali bapalala bakamubonekela u Mose nu Eliya bakayugha nabo ⁴ upeteli akayugha nu Yesu akati, ''' Malafyale, chikaba chisa linga tungaba panupanu, linga ukulonga tusenge ifitembe fitatu chimuchene chinu sona ichinine cha Mose sona ichinine cha Eliya. ⁵ Mo akali akuyugha , ibingu likabighalilabosi, po po amasyu ghakafuma mwibingu ghakati uyu we mwana wangu umughaniwa yo ngumoghela nawe, mumupulikileghe. ⁶ Mo abamanyili nake bapulika ifi bakawisya ifyeni fyabopansi sona bakanubogha. ⁷ UYesu akisa sona akabakola ninyobe bosi akati , '' Nyamuka manye moghopeghe.'' ⁸ Po bakaketa kumwanya loli batakamubona nayumo loli mwene uyesu yo akaboneka. ⁹ po bakendagha wakwika ichighamba uyesu akabalamuka akati manye muye muyughaghe kuyumo yumo ichiswigho ichi mupaka umwana wamundu asyuke ku bufwe. ¹⁰ Abamanhyili bake bakamjulalusya bakati, ''choni chicho abamanyi ndaghilo bakuyugha bakuti u Eliya weyo akwandila ukwisa .? ¹¹ UYesu akamula akati u Eliya akwisa naloli weyo akwisa pakuyania ifindu fyosi. ¹² Loli ngukubula ukuti u Eliya isile kale ,loli batakusyaghania. loli abamanyili bakapulikisya. mumalaop mwake bakabomnagha mumo abene bakalondelagha. ¹³ Loli abamanyili bakapulikisya ukuti akayugha kukwabo ifya Yohani uwalosyo. ¹⁴ Bakati bafika pa chilundilo cha bandu umundu yumo akisa kukwake , umundu yumo akisa kukwake, akafughama pansi mufinama akati, ¹⁵ ''Malafyale mumupelele ichisa umwana wangu uyu pakuti ali nakasilisi sona . ¹⁶ Ingisa nawe kubamanyili bako loli batakamuposya umwene.'' ¹⁷ UYesu akamula akati , ''bandu bambula lwitiko mwebakabalilo aka, ka tinikale numwe mupaka lighi? ka timbilile numwe mupa ukufika kabalilo kaki? sanawe kunoku kwangu.'' ¹⁸ UYesu akayikemele im bepo imbibi hyila poyikafumamo mumulumyana yula sona akapola pakabalilo kalakala. ¹⁹ Abamanyili bakisa kwa Yesu bakenda kumbali bakati, choni cho tukupotwe pakuyufumya imbepo imbibi? ²⁰ UYesu akabamula akati, ''chifukwa chakuti u lwitiko lunandi. Nubwanaloli ngubabula inguti linga muli nulwitiko ulunandi ngati luseke lwa masitadi mungati chighamba fumapo pabuyo ubu buka pala, chikuya pakwenda nuku pakusama sona nachimo cho chiya kubachakukanisiwa kukwinu.'' ²¹ Umutundu wambeoo inyali iyi yitakufumamlo yene, loli nukwiputa nukusala ifyakulya ²² Mo bikiole mu Galileya , u Yesu akati kubamanyili bake , '' umwana wamundu tikaswikiwe munyobe syabandu ²³ ,sona tibakise bamukome, sona pisiku lyabubili takise asyuke. '' Po abamanyili bakisa bakisa basyumugulila imitu. ²⁴ Po bakati bafika mukaperenamumu ,, po abandu bobakasenyagha i ndalama sisyo abandu bakasopagha mu chalichi , bakisa kwa Pitala bakati , '' ka umumanyisi winu atakubika indalama ya Chala?. ²⁵ UPitala akati, '' Akubika'' Po u Pitala akati ingila munyumba , juYesu akayugha nawe akati, '' ukwinong'onaki Simoni? ukufuma kubana babo pamo kubandu abangi? ²⁶ Ukufuma kubangi.'' UPitala akamula '' abana babuke,'' uyesu ²⁷ akayugha.Tuleke pakupangisya abandu abasongesya songo ukuti bilumbusyeghe mundumbula ukuba ngati batulanongwa, Bukagha kunyanja egha indobani iyakusapila iswi iye usapule iswi yabwandilo yoyawila uye uyighule umulomo, tuye ukaghe akandalama uye weghe nukubika kubakusongesya imisongo iya mune nuwe.''