^{1 2 3} Po aba Falisayi bamo nabamanya ndaghilo bamo bakisa kwa Yesu ukufuma ku Yerusalemu. bakati, '' Choni abamanyili bako bakunanga indaghilo syabasongo? pakuti batakusukusula munyobe palambakulya ichakiulya.'' akabamula nukuyugha nabo, '' Choni po mukunanga indaghilo sya Chala chifukwa cha ndaghilo sinu? ⁴ Uchala akati , 'umuchindike utatawako numayi wako; sona yuyo akuyugha ububibi kwa tata wake nakwa mayi wake naloli akuya pakufwa. ⁵ Loli mutingi , wesi yuyo akuyugha uku wise na kwa ng'ina, chilichosi cho wapeghiwa ubaghile upokele ukufuma kwa une ichi chabupi cha chala,'' ⁶ po umundu uyo atabaghile ukughindika uwise ; musila ngati iyimukulipela ilisyu lya chala ukuba lyambula pindu chifukwa cha ndaghilo sinu sisyo mukupinya nukukonga. ⁷ Mwebakilisitu babumyasi umwe! ka uYesya akasololapo ukuyana numwe po akayugha ukuti, ⁸ Abandu aba banjindikite une pamulomo loli indumblan syabo sili kubutali nune. ⁹ Bakwiputa fyabumyasi chifukwa bakumanyisya ngati ndondomeko ya ndaghilo sya bandu,'''' ¹⁰ Po abitisya abandu bosi ukuti bise kukwake nukuyugha kubabo, '' pulika sona mupulikisye- ¹¹ Nachimo chicho chikwingwila mumulomo wamundu fikumunyasya, mumalo ghake chicho chikufuma mumulomo wake, fyofyo fikumunyasya umundu . ¹² Po abamanyili ba yesu ba kisa nukuygha kwa yesu , '' ukumanya ukiuti a ba farisayi batakahoboka bo bapulika amasyu agha?'' ¹³ UYesu akamula nukuyugha ukuti, ''Ichibyaliwa chosi chicho chitabyaliwe nu Tata wakumwanya chibaghile chinyukuliwe. ¹⁴ Baleke bene, bakulongosiwa nabafwamaso.Ka pala umundu yo afwile amaso angamulongosya umunine umufwa maso bosi batangawila muchibwina,'' ¹⁵ Pitala akamwamula nukuyugha kwa Yesu, '' longosola akisa ichili ichi kwa uswe ,'' ¹⁶ uYesu akati, ukali nulu utakupulikisya? ¹⁷ Utakuketa ukuti fifyo fikukwingila pamulomo wamundu fikwenda fikuya mulufukwe sona fikufuma kusi ngati matusi? ¹⁸ Loli ifindu fifyo fikufuma mumulomo fikufuma mundumbula yamundu.Fyofyo fikumunyasya umundu. ¹⁹ Mukati mu ndumbula yamundu mukufuma ifindu ifingi leka fimo ngati ifi inyinong'ono imbibi, ukukoma, ubuhile ifinyenywa ubwifi ubwakaboni bwabumyasi namahelu. ²⁰ Ifi fyofifyo fikumunyasya umundu . Loli ukulya kwambula ukusukusula kutakumunyasya umundu kutakumunyasya umundu.'' ²¹ Ukufuma pala uYesu akafumako nukubaleka nukubuka ku kaya ka Yayile na Sidoni. ²² Umama yumo akafuma uwakukaya ka ku Kenani akisa , akakolela ngani nukuyugha kwa Yesu,' '' Mbelela ichisa une, Malafyale , mwana wa Daviti! umwana wangu atamiwe nimbepo inyali.'' ²³ Loli uYesu atakamulapo nisyu nalimo. Abamanyili bakebakiosa nukumusuma umwene bakati, mubwese umamma uyo, chifukwa ukutusuma uswe.'' ²⁴ Loli umwene uYesu akamula nukuyugha ukuti , ''ndakatuma kumundu wesi loli ku mbelele yiyo yisobelite munyumba ya Isilayeli,'' ²⁵ Loli Umama akisa nukufughamo pansi, nukuyugha ukuti , '' Malafyale, nyafweko une,'' ²⁶ Akamwamula nukuyugha kukwake, chitachisa pakwegha ichakulya chabana nukutaghila utubwa utunandi.'' ²⁷ Akayugha kwa Yesu , '' inga. malafyale , loli tope utumbwa utunandi tukulya utubulubusya totwawa pansi ukufuma pa mesa lilyo akulyelapo bwana,'' ²⁸ Po uYesu akamula nukuyugha kwa mama yula, ''Mama, ichikulu ngani lwitiko lwako; leka fibombiwe kukwako isamumo ukulondela uwe.'' Umwana wako apola ukufuma pakabalilo kalakala. ²⁹ UYesu akafumapo paalo ghala nukubuka kunyanja inguku yaku Galileya. akisa akwela akaghamba akaya ikala kulakula. ³⁰ Abandu abingi bakisa kukwake. Bakamwisila nabandu bambula kuketa nabambula kupulika abambula kuyugha nababine bambungosyakukindanakindana bakisa nabo mufinama mwaYesu kuti abaposye. ³¹ Abandu abingi bakaswigha ngani mobakwaghe uYesu ababumbulusya abambula akuyugha banda pakuyugha , abalemale bapolite bakwenda abafwamaso bakuketa.Abandu bakamukwesya uchala wa Isilayeli. ³² UYesu akabitisya bosi abamanyili bake kukwake nukuyugha nabo ukuti, ''Ichisa chikungola kubandu aba bikala nune panu amasiku matatu .loi batanichakulya. ndakulonda ukuti mbabwese kukwabo kwambula ukuti batalile nachimo , bangawa musila,'' ³³ Abamanyili bakayugha kukwake bakati ,ku kwake, Tungafyagha kwighi ifibama ifyakukwanila pamalo apa pumile leka ifyakuti fikwane abandu? ³⁴ U Yesu akayugha ku babo .Mukulonda ifibama filingi? Bakati , seveni, sona nutuswi tunandi bubu.'' ³⁵ PO Yesu akababula abandu ukuti bikale pansi . ³⁶ Akegha ifibama seveni niswi bo afiputila ,akafimenyulania nukwanda ukubapa abamanyili bake. Abamanyibili bake bakabapa abandu. ³⁷ Abandu bosi bakalya sona bakikuta. Po bakabungani fyosi fyo fikasyala ifyakukwana ifimenyumenyu ifitundu seveni. ³⁸ Abandu bobakalya bakakwana 4000 kwamnula ukuongania nabamayi sona naba mama. ³⁹ Po uYesu akababwesya abandu bosi kukwabo umwene akakwela mubwato nukubuka ku kaya ka Magadani.