¹ Une ne likomo naloli, sona uTata wane we mulimi. ² Akufumyamo mumwane ulusamba lonsi lo lutakwela ichikomwa, loli akupalanthila ulusamba lonsi lo lukwela ichikomwa umwakuti lwize lwele ivikomwa ivinji. ³ Muswepu kale chifukwa cha makani gho nanena kukwinu. ⁴ Mube mumwane, sona une mu mwinu. Ngati mo ulusamba lutangelela ichikomwa pa lwene nanthi lutakuba ku chikomo, mo chingabela numwe nanthi mutakuba mu mwane. ⁵ Une ne likomo, umwe mwe nsamba. Yo akwikala mumwane nune mumwachwe, akwela ivikomwa ivinji chifukwa mutangabomba nachimo kwakusita une. ⁶ Nanthi yo atemumwane, wakutayiwa ngati lusamba nu kumila, sona bakubunganika poka insamba nzila nukuzitayila pa moto, sona nukupya. ⁷ Nanthi uli mumwane, sona na mazwi ghane ghali mumwako, ulalusye chonsi cho ukulonda, chizukukbombwa ku kwinu. ⁸ U Tata wane akuchindikiwa mu ichi, ichakuti mukupapa ivikomwa ivinji sona nu kumanyikwa ukuti mwe bamanyili bane. ⁹ Ngati mo u Tata anganile une , momo nune mbaghanile umwe. Mwikale mu lughano lwane. ¹⁰ Nanthi mukusunga inkhomelezyo zyane, muzukwikala mu lughano lwane, ngati mo nsungile inkhomelezyo zya Tata nukwikala mu lughano lwache. ¹¹ Nanena ivinthu ivi kukwinu ukuti ubughobosu bwane bube mu mwinu sona ukuti ubughobosu bwinu bube bwakufikapo. ¹² Ulu lolo lunkhomelezyo lwane, ukuti mughananenge ngati mo une mbaghanile umwe. ¹³ Nayumo yo ali nulughano ulukulu ukupota ulu---ulwakubika ubumi bwache pansi chifukwa cha banyabo ¹⁴ Mwebakamu bane nanthi mukubomba ivinthu vyo nkubabuzya umwe. ¹⁵ Nthakubitizya sona bambombo, pakuti uwa mbombo atakumanya vyo ubwana wache akubomba. Nabitizya ukuti bamanyani pakuti vyonsi vyo nkhivwa kwa Tata nababuzya. ¹⁶ Te mwemwe mukansala une, loli une ne nkabasala nukubimika ukuti mubuke muye mwele ivikomwa, sona ivikomwa vinu ivyo vibaghile ukubukilila. Ivi vili ngati ulu mwakuti chonsi cho kuya pakulalusya kwa Tata mwizina lyane, akuzukubapa. ¹⁷ Ivinthi ivi nkubalamulila umwe, umwakuti mughanane wekw nu yunji. ¹⁸ Nanthi ichisu chikubabenga umwe, mumanye ukuti chikanda tasi chambenga une bo chitababengite umwe. ¹⁹ Nanthi mukabanga mwe ba chisu, ngali ichisu chibaghanite mwe bache. Loli chifukwa chakuti te mwe bachisu sona chifukwa nkabasala umwe ukufuma mu chisu, polelo leka ichisu chibabenge umwe. ²⁰ Kumbuka amazwi gho nkababuzya umwe, 'Uwa mbombo te we songo ukulusya ubwana wache.' Nanthi bakamvwima une, numwe inthi babavwime.' nanthi bakasunga amazwi ghane, bazukusunga na ghinu. ²¹ Bazukubomba vyonsi ivinthu ivi kukwinu chifukwa chi zina lyane, pakuti batamumenye umwene yo akanthuma une. ²² Pakuti nanthi nthakizanga nukunena kukwabo ngali bataba nu bubibi, loli bate ni chakunena nachimo pa mbibi zyabo. ²³ Yo ambengite une amubengite sona nu Tata wane. ²⁴ Pakuti nanthi nthakabomba imbombo nazimo izyakuti nayumo uyunji yo abombite ku kwabo, nge bate nukunanga, loli ulu balingite sona babengite twebonsi une nu Tata wane. ²⁵ Loli chili ukuti izwi lifisiwe lyo lisimbiwe mu ndaghilo zyabo, 'Babengite ivisita vifukwa.' ²⁶ Nanthi umuhobosu iza--yo une nkuzumutuma kukwinu ukufuma kwa Tata,yo,we Muzimu uwa bwanaloli, yo akufuma kwa Tata--akuzukumbikila une ubukaboni. ²⁷ Numwe mubaghile pakumbikila ubukaboni, chifukwa mwali nune ukufuma po pa bwandilo.