¹ Akaba we melekizedeki uyu, umwene wa salemu, umuputi wa Chala wa ku mwanya nkhani, ya akakumana nu abulahamu ukunyokako ko bakukomelako aba Mwene sona akamusaya. ² Kukaba ko kukwache ko u Abulahamuakabika icha teni cha chonsi, Pabwandilo iching'anamulo chi zina lyachechikang'anamulanga '' mwene wa bugholosu.'' po sona we '',Mwene wa salemu,'' kokuti, Mwene wa mtende,'' ³ Ali musita Tata, musita Mayi , musita banyenya, sona ate nubwandilo bwamasiku pamo ubumalilo bwabumi. Mumalo mwache, akakolana nu mwana wa Chala, chikwa akaba muputi wa bwile. ⁴ linga mo umuthu uyu abelile ubukulu yo usekulu u Abulahamu akamupanga icha teni cha vinthu vyonsi vyo akaba asenda mu bulwe. ⁵ Aba lunyungu lwa Levi bo bakapokela ububombi bwa buputi bakaba nu lulamulilo ukuyana nu lulaghilo uku bunganika ivya teni ukufuma ku banthu, kokuti, ufuma ku ba wamwabo, napo buli bope, sona, lunyungu ukufuma kwa Abulahamu. ⁶ Loli u Melekizedeki, yo abache bo batakafumila ku kwabo, akapokela ivya teni ufuma kwa Abulahamu, sona nukumusaya yo akaba namalaghano. ⁷ Pate ukukana ukuti uwakuchepa akusayiwanga nu munthu umukulu. ⁸ Mukabele aka, abanthu abanthu ba bufwe bakupokela icha teni , mukabele kala chikusimikizya ukuti momo akikalilanga. ⁹ Sona mukabele kakunena, U Levi, yo akapokela icha teni, ukwendela mwa Abulahamu, ¹⁰ chifukwa U Levi akaba mu mubili wa munyenya wache po U Melekizedeki akakomana nu Abulahamu. ¹¹ Ulu nathi ukufikapo kukitikiziwa ukwendela mu buputi bwa Levi ( pakuto pansi pache abathu bakapokela ilamulo ) ka kulondiwa buli ukunji ko kungabako pakuti umuputi uyunji anyamuke pakufuma mu kabele ka Melekizedeki, sona ukusita ukwinong'onela ukuti abe wa mukabele ka Aaroni? ¹² Pakuti po nanthi ubuputi bwa ng'anamuka ilamulo lyope libaghile ukuti ling'anamuke. ¹³ Pakuti yo ivinthu ivi vikuneniwa luko ulunji, ukufuma kwa yo nayumo atabombite lumo pa chighemo. ¹⁴ ulu chili pa bwelu ukuti kokufuma kwa yuda ko U Mwene withu akapapwa, uluko lo umozesi atakatambulapo ukuyana na baputi. ¹⁵ Chotukunena chikwivwika loli nanthi umuputi uyunji nanthi anganyamuka mukabela ka Melekizedeki. ¹⁶ Chitakaba cha mululaghilo lwa kulonda kwa mubili ukuti akaba we muputi, loli mubuyo bwache vikaba pamaka gha bumi ubusita kumala. ¹⁷ Pakuti amasimbo ghakumwimila ubukaboni: '' we muputi bwileukuyana nulubatiko lwa Melekizedeki.'' ¹⁸ Pakuti tekokuti ubulamuli bwa bwandilo bubikiwe pa mbali chifukwa bwa kufoka sona tebwakulondiwa, ¹⁹ ( pakuti ilamulo litakapanga nachimo ichakufikapo - loli sona ulusubilo ulwizako lupangiwe, ukwendela mu ulu tukwiza ku pipi nu Chala. ²⁰ Sona chitakaba chisita chilapo! abanji bakaba baputi ukusita chilapo nachimo, ²¹ Loli akaba we muputi ukwendela mukupanga ichilapo - kwa yo amubuzya, ''U Chala afinga sona atakwiza pang'anamuka inyinong'ono: ' we muputi wa bwile.''' ²³ Na ichi sona U Yesu aletite ubusimiki bwa laghano ilizako. ²² Abaputi ba bwandilo bakaba binji mu bwinji bwabo, ukufumila po infwa yikabalesya ukuti batakabukilile mu bubombeli. ²⁴ Loli chifukwa U Yesu akabukilila ukubako bwile, ali nu buputi bobutamala. ²⁵ Polelo wakubaghila sona pakwavwa nkani bo bamupalamila U Chala ukwendela mumwache, chifukwa aliko bwile pakubalambilizizya. ²⁶ Pakuti chakuyana ukuti tube nawe umuputi usongo ngati uyu, yo muswepu wakufikapo wakuyana uwakusabukako kuba mbibi, sona nukukweziwa pa mwanya paba mumwanya. ²⁷ Atakalonda, ukulekana na baputi abasongo pakubika ivyakwipa bwile, ichabwandilo ku mbibi zyache, sona po nakumbibi zya banthu. akabomba ichi lyoka mhpela po akibika umwenencho. ²⁸ Pakuti ilamulo likuseba ukuba muputi usongo abanthu bo bali nukufoka , Loli izwi lya chilapo, likiza pisinda pisinda pa lulaghilo, likaseba u Mwana, yo apangiwe wakufikapo wa bwile.