¹ Po ichifukwa cho tukunenela cho ichi: tuli nu muputi uwa pamwanya yo ikalite pansi ku nyobe iya malyelo iya mphando uwakulamulamulilapo ku mwanya. ² We yomubombi mumalo aghaswepu, chitembe cha bwanaloli cho Umwene, akimika umunthu awe. ³ Pakuti umuputi wensi usongo asaliwe pakubika vyonsi ivya kubika ni vya kwipa. polelo chibaghile ukuba nacho chimo ichakwipa. ⁴ Po nanthi u Kilisitu akaba mu chisu, ngetemuputi awe napo panandi po buli bakabapo bo bakipa ivyakwipa ukuyana nu ndaghilo. ⁵ Bakabomba ngati muzyezye uwa vinthu vya ku mwanya. vili ngati mo umozesi akasokiwa nu Chala bo akulonda ukuzenga ichitembe: U Chala akanena, ulingisye ukuti wabomba vyonsi ukuyana ni chifwanikizyo cho akakulangizya uwe pa chipili.'' ⁶ Loli ulu U Kilisitu apokelite ububombi ubwizapo, ngati mo abelile sona wakukomania pakubomba iviza ko kwikalite pa malaghano aghiza. ⁷ Pala ukupanga ukwabwandilo kutakaba ni chifukwa, ngali patakaba ukulondiwa kwa bwiza kabili. ⁸ Pakuti bo U Chala achagha ichifukwa na banthu, akanena, '' linga, amasiku ghakwiza - akunena U Mwene - nathi niza napanga ilaghano ilipya ni nyumba ya izilayeli sona ni nyumba ya Yunda. ⁹ Te lize libe lilaghano te lize libe lilaghano lyo nkapanga na banyenya babo pisiku lyo nkabasenda ni nyobe zyabo ukubalongozya ukufuma mu chisu cha ijiputi. Pakuti batakivwila nkani ilaghano lyane, Po nthakababelengela - akanena U Mwene. ¹⁰ Ili lyolyo lilaghano lyo inthi mphange ku nyumba ya ba izilayeli mwisinda mwa masiku - akunena U Chala. nkuzukubika indaghilo zyane mu mitu yabo, nkuzukusimba sona mu myoyo yabo sona bazukuba banthu bane. ¹¹ Bazukumanyisya ku weka numunyabo na ku bawamwabo, bakunena, 'Mumanye U Mwene.'Pakuti bonsi bazukumanya une, ukufuma ku ba pansi mu mwabo ukuya kuba pamwanya. ¹² Pakuti nkuzukuba ni chisa panthanzi pa mbibi zyabo, nukuti imbibi zyabo nthazukuzikumbuka sona,'' ¹³ Pa kwitizya ilaghano ili ''lipya,'' akabika pa bwelu ilaghano lya bwandilo ukuba likulu, nukuti vyonsi vyo vyaba vikulu sona vyakulupa lulu vikuya pakumala.