¹ Po ulu, za tuleke ubwandilo bwa mazyu kwa Yesu nu kupulila mubukuzi. Za tutakabike sona ulwalo lwa kulapa ukufuma ku mbombo zyakufwanikizya sona nu lwitiko mwa Chala, ² pamo lufula lwa bumanyisi ubwa lozyo, ukubikapo inyobe, nukuzyuka ku bakufwa, nukulongiwa ukwa bwile. ³ Tuliza tubombe ivi nanthi U Chala itikizya. ⁴ Pakuti chakwitikiziwa ku bobakapokela ubuswepu, bo banozizyepo lumo ivyabupi ivya kumwanya, Bo bakagabananga mu muzimu umuswepu, ⁵ Nabo baghonjapo amazwi aghiza agha Chala namaka agha tubalilo totukwiza, ⁶ Nga bobawenu bo wakawa-chipala hee ukubanyosezya sona ukuti balape. Chochifukwa bamupayika bene U Mwana wa Chala pabene sona nukumunyoza pa bwelu. ⁷ Pakuti i chisu chochikungwa invula yo yikwiza papache, sona yikupa ukupapwa kwa vyakumela, ivyakulondiwa kubo bakulima- ichi chocho chisu chochikupokela ulusayo ukufuma kwa Chala. ⁸ Loli nanthi lyapapa iminga ni ntholonvwi, litakulondiwa sona lisyala panandi pa tipiliwa, Ubumalilo bwache likupembiwa. ⁹ Loli uswe twikutisiwa ni vinthu iviza ivya kuyana numwe, baghaniwa, ivinthu vyakuyana bupoki, nanga buli tukunena ngati ulu. pakuti ¹⁰ U Chala wa bwanaloli. Atazukuluvya imbombo zinu nu lughano lo mukulangizya mwizina lyache, chifukwa mukapoka abanthu bache abaswepu, sona muchili mukubatula. ¹¹ Uswe tukulondelezya hee ukuti weka mwa umwe alangizye ubwiza bwa mbombo mphaka pa umalilo, nukuti ulusubilo lwinu lumanyikwe. ¹² Ichi chili ngati ulu ukuti umwe mutakabe bakata, loli umwakweghelela ku kwabo mu lwitiko sona mukufwasa pakupyana amalaghano. ¹³ Pakuti bo uchala apanga amalaghano kwa Abulahamu, akilapila mwene, pakuti patakaba nayumo usongo uwakuti angalapako. ¹⁴ Akati, ''inthi nkusaye uwe sona mukukuzya imphapo yako.'' ¹⁵ Munzila iyi, U Abulahamu akapokela cho akalaghana bo alindilila umwa kufwasa. ¹⁶ Pakuti abanthu balapanga ku munthu yo ali we songo ku kwabo. Pabumalilo bwa choka icha vyakwandana vyabo , ichilapo chikuba ngati chisimikizyo. ¹⁷ Bo U Chala inong'ona ukulangizya pa bwelu ku basongo ba mphyana nu kusita kung'anamuka kwa fundo iyi, akabapa ulusimikizyo mu kulapa, ¹⁸ Akabomba ichi mwakuti ivinthi - vibili vyo vitakusita cho chipala nkani kwa Chala paku - tamantha, uswe twe tufumite ku bupoki tuli nu lukazyo ulukulu nukuti twimilile umwa kukazya mu lusubilo lo luli panthanzi pitu. ¹⁹ Tuli na ichi ngati chakutwavwa sona nukutughomia pa bumi, ulusubilo lo lukwingila mumalo agha mukasi lukundwila ku chakuvwinka, ko ²⁰ U Yesu, akatutangilila, ingile mumalo ghala mu malo mwa uswe. we yo aba muputi usongo uwa bwile mulubatiko lwa Melekizedeki.