¹ Loli mumanye ichi: Mumasiku gha kubumalilo kuliba utubalilo utupalapala. ² Pakuti abanthu baliba bakwighana bene, baghana ndalama, bakwitumnvya, bamadinkho, bakana ndaghilo, abasita kwivwila abapapi, abasita kasalifya, sona abafite. ³ Bakwiza pakuba nu bunthu ubwa kukoma, basita kulamba,abavyongo, basita kwikola, balombwa basita kughana iviza. ⁴ Baliba bakupusika, bakwitayilila, bakupusika, bakughana ivyanyangalo ukulusya ukughana u Chala. ⁵ Baliba ni chifwani cha bu chala, loli balikana amaka ghache. Fumako ku banthu aba. Chifukwa bamo mu aba bananalume bo bakwinjila mu nyumba nukusipa abanakazi abalunkhanu. ⁶ Aba bo banakazi bo bizwile ni mbimbi sona bakulongozyeka nu bwighane mu vinyonywa vyakupambapambana. ⁷ Abanakazi aba bakumanyila akabalilo konsi, loli batakufikapo ukwiza ku vimanyilo vya bwanaloli. ⁸ Munzila iyonyene mwakuti u Jannes nu Jambres bakamusambukila u Mose, sona abamanyisi abamyansi aba bope bakususania nu bwanaloli. Aba bo banthu aba nyinong'ono imbibi, nukuti ulwitiko lwabo lwa bumyansi. ⁹ Loli te bize bafike pa butali. Pakuti ubulunkhanu bwabo bukwiza ukumanyikwa ku wensi, ngati mo vibelile na banthu bala. ¹⁰ Loli umwe, mwakonkha ukumanyisya kwane, inkhalo, imbombo, ulwitiko, ukuzizipizya, ulughano, ubololo, ¹¹ ukughoma, inthamyo, sona navyo vikambombeliwa mu Antioch, na ku Iconium, sona naku Lystra. Nkhajimba nkhani. Pabumalilo bwa vyonsi, U Mwene akamphoka. ¹² Bonsi bo bakulonda ukwikala mukayilo ka chala mwa Yesu Kilisitu baliza balongiwe. ¹³ Abanthu ababibi na bamyansi bazukuya ku mbibi nu kukomanika nkhani, ukutanjilila abanyabo na babo ukuti basobele. ¹⁴ Loli kwakuyana numwe, mubukilile mu vyo mumanyile sona mube bakuvisubalila nkhani. Mumenye kwayo mumanyileko. ¹⁵ Mumenye ukuti ukufuma kubwana bwinu mumenye amasimbo amelu. Agha ghabaghile ukubapanga umwe ukuba bamahala ku bupoki ukwendela mu lwitiko mwa Kilisitu Yesu. ¹⁶ Amasimbo ghonsi ghititkiziwe nu Chala. Gho ghiza pakumanyisya, ghakumunyosya yo asobela, ghakuyania, sona nukumanyisya mu bwanaloli. ¹⁷ Ichi chili bunonyene ukuti umunthu wa Chala abaghile ukubomba nukufisya, wakwisengania pa mbombo yonsi iyiza.