¹ Ka une te ne musatuke? Ka une te ne mutumiwa? Ka nthamulingitepo u Yeso umwene witu? Ka umwe temwe ba mbombo bane mwa Mwene? ² Nanthi te ne mutumiwa ku banji, lolil kwa wensi ne mutumiwa winu.P a umwe mwe chisimikizyo chane cha butumiwa bwane mwa Mwene. ³ Uku koko kwilongela kwane ku bo bakundalusya. ⁴ Ka uswe te swe basatuke pakulya nukung'wa? ⁵ Ka uswe te swe basatuke pakusenda mu mwitu umwanakazi uwa mwitu, ngati mo bakabombela abatumiwa abanji na banyabo ba Mwene, nu Kefasi? ⁶ Pamo we Balanabasi mwene sona nune twenelile ukubomba? ⁷ Wewenu yo akubomba ngati mu silikali nu kwilipila mwene? We wenu yo akubyala ivikomwa sona umwene atakulya? Pamo we wenu yo akudima ivinyamana loli atakumwapo ulukama lwache? ⁸ Ka nkhunena izi na maka agha banthu bwaka? Ka indaghilo zyope zikunena ngati izinye? ⁹ Pakuti zisimbiwe mu ndaghilo ukuti, ''mutakayipinyenge inkhambako po yikupula ivya mphumba.'' Ka momumo zyo nkhambako zyo zyo u Chala akuzisungilila? ¹⁰ Ka atakunena izi chifukwa chitu? Vikasimbiwa chifukwa cha uswe, chifukwa yo akutema atemenge mu lusubilo, sona yumo yo akupula weyo apulenge mu lusubilo ulwakuti akwiza pakupokela ichigaba chimo mu nyinulo. ¹¹ Nanthi uswe tukapesa imbeyu ya muzimu mu mwinu, ka vikulu he vyo uswe tukupokela ku kwinu? ¹² Nanthi abanji basatukite pa kupokela ivi ku kwinu, po ka uswe tutakwiza pakupokela ukupululilapo? Loli uswe tutakulonda ubusatuke ubu. Mu malo mwache, tukafisa ilyoyo mu vyonsi ukuti patakabepo nachimo ichakukanizya amazwi amiza agha Kilisiti. ¹³ Ka mutazimenye ukuti bonsi bo bakubomba mu nyumba ya Chala bakulya ivyakulya vya mu tempeli mulanye? Ka mutazimenye ukuti bonsi bo bakubomba pa chighemo bakwiza pakupokela vyo bakwiyipa pa chighemo? ¹⁴ Umwakuyana bwaka, u Mwene akalamula ukuti bonsi bo bakulumbilila amazwi amiza bapokelenge ubumi bwabo ukufuma ku mazwi amiza. ¹⁵ Loli nthalondite lumo ubusatuke ubu.Sona nthkasimba izi ukutivimo vibombiwe ku kwane. Chingaba chi zapo ukufwa ukuchila---ukuti yumo ampoke chimo cho nkhwitumvizyamo! ¹⁶ Po nanthi nkhulumbilila amazwi, chitalipo ichifukwa cha kwitumvya,chifukwa mbaghile pakubomba ivi.Sona nkhwiza ukukoziwa insoni nanthi nthakulumbilila amazwi! ¹⁷ Po nanthi nkhubomba izi mu bwighane bwane, po nge napokela umuvwalo. Loli namthi te bwighane bwane, une nchili nkhubomba bwaka imbombo yo une nkhapeghiwa. ¹⁸ Umuvwalo wane chochoni? Ukuti bo une nkhulumbilila, imbombe ukusita muvwalo naghumo sona nukusita kubomvya amaka gha busatuke bwane mu mazwi amiza. ¹⁹ Pakuti une ne musatuke ku vyonsi, nkhaba wa mbomboku bonsi, ukuti momo nkhabilemo ivinji. ²⁰ Ku ba Yuda nkhaba ngati ne mu Yuda, umwakuti mbakope aba Yuda, ku bonsi bo bali pansi pa ndaghilo, nkhaba ngati yumo yo ali pansi pa ndaghilo ukuti mbasende bo ali pansi pa ndaghilo.Nkhabomba ivi napo nthakaba pansi pa ndaghilo. ²¹ Ku bonsi bo bali kunzi ku ndaghilo, nkhaba ngati wa bamo bo bali kunzi ku ndaghilo, napo nthakaba kunzi ku ndaghilo zya Chala, loli pansi pa ndaghilo zya Kilisiti. Nkhachita ichi ukuti mbakope bonsi bo bali kunzi kwa ndaghilo. ²² Ku badedebazu nkhaba ngati ne mudedebazu. Nkhaba poka ni vinthu vyonsi na banthu bonsi, ukuti mbapoke bamo. ²³ Nkhubomba ivinthu vyonsi pa ckifukwa cha mazwi amiza,ukuti po mpokele ulusayo lwache. ²⁴ Ka mutazimenye ukuti mu chipalano bonsi abakusamala, loli ukuti weka bwaka akupokela umuvwalo? Po musamalenge ukuti mukabe umuvwalo. ²⁵ U munthu wensi pa nyangalo iya kusamala akanizye--mwene mu vinthu vyonsi.Bakubomba ichi ukuti bapokele inkhata ya maluba yo yikufoka, loli tukubomba ichi ukuti ukuti tupokele yo yitakufoka. ²⁶ Polelo umu momo nkhusamalila,nthakusamala mwalwe, umu momo nkhalwila, nthakaba ngati yumo yo akuma imphepo. ²⁷ Loli nkhughufunda umubili wane nukghupela pakuba muzya, po nanthi nalumbilila ku banji, une ne mwene nhtakapotwe.