¹ Ulu ukuyana ni vyakulya vyo vipeghiwe ku vifwani: Tuzimenye ukuti twebonsi tuli na mahala. Amahala gha mitumvyo, loli ulghano lo lukuzenga. ² Nanthi yumo akwinong'ona amenye chimo, koti umunthu uyo achili atachimenye ukuyana namo abaghile pa kuchimanyila. ³ Loli nanthi yumo amughanite u Chala, umunthu uyo amanyikizwe na yuyo. ⁴ Polelo nizya kulya ivyakulya vyo vibikiwe ku vifwani: Tuzimenye ukuti ichifwani mu chisu ichi kute nachimo nukuti atalipo u Chala uyunji loli weka. ⁵ Napo babeko bo bakwitiziwa bo ba Chala, lumo kumwanya pamo pa chisu (ngati momumo baliko '''aba chala'' abinji na '' ba mwene'' abinji), ⁶ loli kukwitu uswe u Chala ali weka, yo we tata yo ivinthu vyonsi vifumite mu mwache, yo nuswe tulimo, sona u Mwene weka u Yeso Kilisiti, yo ukwendela mu mwache momo nuswe tulipo. ⁷ Loli, amahala agha ghate mwa ali wensi.mu buyo bwache bamo kwisinda bakabombanga ivya kwiputa ivifwani, sona bakalyanga ivyakulya ivi ngati po pali ichinthu chimo ichakwiyipa ku chifwani.Inyinong'ono zyabo zikuvulungana pakuti badedebazu. ⁸ Loli ivyakulya vitakwiza ukutupalamizya kwa Chala. Titkutayapo nachimo nanthi tutakulya, sona tutakukabapo nachimo nanthi tukulya ichi. ⁹ Loli muchebe ukuti ubusatuke bwinu butakabenge chipumuzyo chakuwisya yumo yo mudedebazu mu lwitiko. ¹⁰ Po nanthi akulinga uwe, we uli na mahala, ukulya ichakulya mu tempeli lya vifwani.Ka te budedebazu ukuti chingamughomya pa kulya vyo vibikiwe ku vifwani? ¹¹ Pa chifukwa cha kwivwisya kwako ni zya naloli ku vifwani, umudedebazu yula, uwamwinu yo Kilisiti akamufwila,akomanikite. ¹² Po nanthi mwabanangila aba wa mwinu aba nyinong'ono izidedebazu mukumunangila u Kilisiti. ¹³ Polelo, nanthi ivyakulya vikumupelebela u wamwitu ukwipunula, nthakamupelele uwamwitu ukuti awe.