¹ Nthakulonda umwe mube ba kusita kumanyisiwa, ba wa mwitu,pakuti abatata bitu bonsi bakaba pansi pi bingu nukuti bonsi bakendela pa nyanja iyikulu. ² Bonsi bakoziwa mwa Mozesi mwi bingu na mu nyanja iyikulu, ³ Sona bonsi bakalya ichakulya cha buzimu choka. ⁴ Bonsi bakang'wa ichakung'wa cha muzimu. Pakuti bakang'wa ukufuma kwibwe lya buzimu lyo likabakonkha, po ibwe lila likaba we Kilisisiti. ⁵ Loli u Chala atakaba wakuhoboka nkhani na binji mu mwabo, ni mivimba yabo bakayisasya mu nkholongo. ⁶ Polelo ivinthu ivi vikaba vyakulinilapo vyitu po tutakaba ngati bala bo bakanyenywanga ivinthu ivibibi ngati mo bakanyenywelanga. ⁷ Mutakabe mwe bakwiputa ivifwani, ngati mo bamo mwa babo bakabela. Ivi vili ngati mo vikasimbiliwa, ''Abanthu bakikala pansi nukulya sona nu kung'wa sona bakanyamuka ukuti bangale.'' ⁸ Tutakabe swe ba malaya, ngati mo abinji mwa babo bakabombela. Isiku limo abanthu twente--fili sauzande bakafwa chifukwa cha ichi. ⁹ Po ulu tutakamubike u Kilisiti mu ngelo, ngati mo abinji mwababo bakabombela bakanangila ni njoka. ¹⁰ Sona mutakilumbusyenge, ngati mo abinji ngati mwababo bakabombela po u mungelo wamfwa akabakomania. ¹¹ Po ivinthu ivi vikabombwa ku kwabo ngati vyakulingilapo ku kwitu. Vikasimbwa ngati ndaghilo zyitu-- kwa uswe swe ubumalilo butufikile. ¹² Polelo muleke wensi yo akwinong'ona ukuti imilile achebe ukuti atakawe. ¹³ Patalipo ingelo nayimo yo yitabonekilepo lumo abanthu. Mu malo mwache, u Chala wa lwitiko. Atakwitikizya ukuti mughuliwe ukupululizya mo mubelile. Ningelo alibika inzila iyakupulumukila ukuti, mwize mukwanisye pakuyipilila. ¹⁴ Polelo, mwe baghaniwa. Mufumeko pakwiputa ivifwani. ¹⁵ Nkunena kwa umwe ngati banthu bo bakwivwisya, po mungalonga vyo nanena. ¹⁶ U kapu wa lusayo yo tukasaya, te kugabana mwi daba lya Kilisiti? Ichibama cho tukugaba, ka te kugaba umubili wa Kilisiti? ¹⁷ Chifukwa pali ichibama choka , uswe swe twe binji tuli umubili ghoka.Swebonsi tukulya poka ichibama choka. ¹⁸ Linga ku banthu ba ku Izilayeli.te bobala bakulya ivyakwipeleka ivya pa chighemo? ¹⁹ Po ilelo nkhunena ichoni? Ka ichifwani chila chabwaka? Pamo ichakulya cho chikubikika ku chifwani chabwaka? ²⁰ Loli nkhunena ivinthu vya abakwiputa ivifwani abakunzi bakwipeleka, pakuti bakubika ivinthu ivi ku vimphepo ivibibi kwa Chala hagha.Nthakulonda umwe ukuti mube poka ni vimphepo ivibibi! ²¹ Mutangang'wa u kapu uwa Mwene nu wa vimphepo ivibibi poka. Mutangikala pi tebulo ilya Mwene ni tebulo lya vimphepo ivibibi. ²² Pamo tukwandilikizya ku kabini?Ka tuli na maka ukulusya mo abelile? ²³ '' Chonsi chikwitikiziwa,'' Loli te chonsi chikupindula.''Chonsi chikwitikiziwa,'' loli te vyonsi vikumukwezya umunthu. ²⁴ Nayumo yo inthi alengenge ubwiza bwache. Mu malo mwache, aliwensi alinge ubwiza bwa mupalamani. ²⁵ Lyanga chilichonsi cho chikughuliziwa mo bakughulizyanga nukulalusya amabuzyo aghakuti mumanye chimo. ²⁶ Pakuti '' ichisu cha Mwene, sona nu bwizule bwache.'' ²⁷ Nanthi yo atakusubila akwitizya pakuti mulye ichakulya, po ukulonda pakubuka, lyanga cho chibikiwe ukusita kubuzya amabuzyo agha mwalwe ²⁸ Loli nanthi yumo akunene numwe ukuti, '' Ichi chipeghiwe mwa kwiyipa,'' po mutakalye, vyonsi vipa nongwa yo abamanyisizye, nukuti mumanye ivyamwalwe--- ²⁹ ubwamwalwe bwa munthu uyunji, nkhung'anamula, umwe hagha.Po choni ukuti ubwabuke bwane bulongiwe na banthu abamwalwe? ³⁰ Nanthi nalyako ichakulya nulusekelo, nga choni cho nkhutukiwa pa chiinthu cho nkhapalizya? ³¹ Polelo, kwali ulye pamo eng'we, pamo chonsi cho ungabomba, ubombe chosi mu bu chindamu bwa Chala. ³² Utakabape inongwa aba Yuda pamo aba Giliki, pamo na ku Chalichi cha Chala. ³³ Nkhuyezya pakubobosya abanthu bonsi mu vyonsi. Nthakulonda ukupindula kwane, loli kwa binji. Nkhubomba ichi ukuti bangize bapokiwe.