¹ Nantih yumo mu mwinu, ali ni nongwa nu munyabo, ka angajimba bulibuli pa kumulonga kubo tebagholosu aleke ku banthu abaswepu aba Chala? ² Ka mutazimenye ukuti abanthu abaswepu aba Chala bakwiza pakuchilonga ichisu? Po nanthi umwe mukwiza pakulonga ichisu, ka mungapotwa pakulonga utunongwa utunandi--nandi? ³ Ka mutazimenye uswe tukwiza pa kubalonga na bangelo? Vili vilinga vyo, vyafuma, po uswe tukulonga inongwa mu bumi ubu? ⁴ Po nanthi mukulonga inongwa ngati zinonyene ku bumi bwa isiku ni siku, choni cho imwe mukubuka ni nongwa zimo ngati izi ku bonsi aba kunzi bo bate na pakwimilila mu Chalichi? ⁵ Nkhunena izi ukuti mbakozye insoni.Ka ataliko nayumo mu mwinu yo ali na mahala aghakuyana pakubikazya nu kubalonga na ba wamwinu? ⁶ Loli uwamwabo weka akumusitaka uwa mwabo uyunji---sona vinonye ku bo te nu lwitiko! ⁷ Pa chifukwa chakuti mukusitakana nu yunji weka kokuti mwapotwezya nzila. Choni cho mutakwitikizya ukutamiwa kwa vibibi? Choni cho mutakwitikizya ukuti babathamanthile? ⁸ Loli umwe mwebene mukubomba ivibibi sona mwe ba myansi, sona mukubomba izi ku ba wamwinu. ⁹ Ka mutazimenye ukuti bo te bagholosu batakwiza pakubupyana ubumwene bwa Chala? Mutakasubalile ubumyansi. Ubwa malaya, uwavinyonywa,, ukwiputa ivifwani, abanalume aba malaya, aba kwighona bene, ¹⁰ abivi, abapafu,abaching'wela, abiyebo, nivigebenga--Nayumoyumo atakwiza ukubupyana ubumwene bwa Chala. ¹¹ Umu momo bamo mwa umwe momo mukabela. Loli mukaswefiwa, nukupaghuliwa, sona mwaba baswepu mwi zina lya Mwene u Yeso Kilisiti nu muzimu wa Chala witu ¹² ''Vyonsi vitikiziwe ku kwane,'' loli te vyonsi vitakupa ubwiza. '' Vyonsi vitikiziwe ku kwane,'' loli nthakwiza pakwitikizya nachimo ukuti imbe ne muzya wache. ¹³ ''Ichakulya cha nthumbo, sona inthumbo yo ya chakulya,'' Loli u Chala akwiza pakuvinangania vyonsi poka. Umubili ghutakupangiwa ukuti wakubombela ubwa malaya. Loli, umubili wa Mwene, sona u Mwene we yo inthi akaghupe umubili. ¹⁴ U Chala akamuzusya u Mwene ku bufwe nuswe bwaka akwiza pakutuzusya ku bufwe na maka ghache. Ka mutazimenye ukuti umibili yinu vyo vigaba vya Kilisiti? ¹⁵ Ka ningasenda ivigaba vya Kilisiti nukutumatinsania poka nu malaya? Lumo vitangaba ubonyene! ¹⁶ Ka mutakumanya ukuti yumo yo amamatilanite nu malaya akuba mubili ghoka nawe? Momo amasimbo ghakunenela. ''Babili bakwiza ukuba mubili ghoka.'' ¹⁷ Loli yo amamatilanite nu Mwene akuba umuzimu ghoka nawe. ¹⁸ Samala ufumeko ku bwa malaya! Imbibi yonsi yo umunthu akubomba yili kunzi ku mubili, loli umunthu umalaya weyo akughunangila umubili wache. ¹⁹ Ka mutazimenye ukuti umubili winu litempeli lya muzimu umuswepu, yo akwikala mu mwinu ,yo muli nawe ukufuma kwa Chala?Mutazimenye ukuti umwe te mwe binu mwenene? ²⁰ Pakuti mukaghuliwa nu mutengo nkhani.Polelo mumuchindikenge u Chala ni mibili yinu sona nu muzimu winu, yo wa kwa Chala