¹ Buli nanthi niganena ni ndimi zya banthu na bangelo. Loli pala nthe nulughano, naba ngati mbata yo yokulila pamo ichela cho chikulila. ² Pala ningaba ni chabupi cha kulotela nu kwivwisya ubwanaloli bonsi ubwakwivwana na mahala, nukuti indi nu lwitiko lonsi na pakuti ningafumya amapili. Loli nanthi nthe nu lughano, ne chinthu cha bwaka. ³ Pala ningaba ni vyuma vyane vyonsi nu kulyesya abapina, nukuti nabika umubili wane ukuti wochiwe. Loli nanthi nthe nu lughano nthakupindulapo nachimo ⁴ Ulughano kupilila ni chisa. Ulughano te kaboni sona lutakwitunvya.Te kwikwezya pamo ⁵ madinkho. Lutakulonda ivyache vyene. Te kukalala mwalwe pamo lutakubelenga ivibibi. ⁶ Lutakuhokapo nabo te bagholosu. Mu malo mwache, lukuhoboka nu bwanaloli. ⁷ Ulughano lunyamwile vyonsi, luksubila ivinthu vyonsi nu kupilila mu vinthu vyonsi. ⁸ Ulughano lutakumala nansiku. Nanthi pali ukulotela vili mala. Nanthi pali amalulimi ghalimala.Nanthi pali ubumanyi buli mala. ⁹ Pakuti tumenye panandi sona tukulotela panandi. ¹⁰ Loli nanthi cho chifikitepo chiza, cho chitamalizikite chili mala. ¹¹ Ponkhaba ne mwana, nkhanenanga ngati mwana, nkhinong'onanga ngati mwana, na kapimile kakaba ka bwana. Bo naba ne songo, nkhavileka ivya bwana. ¹² Pakuti tukulingila umwa bufisamu pa galasi, loli po po pa minso na pa minso. Po menye panandi. po ndimanya nkhani ngati mo bamanyile nkhani. ¹³ Loli po ivinthu vitatu ivi vikuba bulanyene: Ulwitiko, ulusubilo nu lughano.Loli ichikulu nkhani pa ivi lo lughano.