¹ Abanthu ba Isreal bakenda mpaka bakabungana pikombe lya Moab kupipi nu Jericho, kumbali iyinji ya lusoko lwa Jordan ukufuma ku ukufuma ku kaya akakulu. ² U Balak umwana umwanalume uwa Zippor akalinga vyonse vyo aba Isreal bakabomba ku ba Amorites. ³ U Moab akoghopa hee abanthu chifukwa bakaba binji, sona u Moab akaba nubogha na banthu ba ku Isreal. ⁴ U mwene wa Moab akati ku basongo ba aba ku Midian, ''Ichibukatila ichi inthi chilye vyonsi vyo vikuzungulile ngati mo inkhambako yilyela isote mu mughunda.'' Polelo u Balak umwana wa Zippor akaba we mwene wa ku Moab akabalilo kalanyene. ⁵ Akatuma aba mesenjala kwa Balaam umwana umwanalume uwa Beor, pa Pethor yo ali mu mbali mu lusoko lwa Euphrates, mu chisu cha kaya kache sona na banthu bache. Akamwitizya akati, ''Linga akaya akiza ukufuma ku Egypt. Wighalila ku maso kwa chisu sona wali lululu papipi nune. ⁶ Nalamba za lonsulu uchighune ichisu chane, chifukwa wali na maka hee ku kwane. Pamo lumo ningakwaniska pabakola sona pabafumiamo mu chisu. Zimenye pati bonsi bo ukubasaya bazukusayiwa, sona ukuti wonsi bo uwe wa baghuna bazukughuniwa. ⁷ Po abasongo aba ku Moab sona na basongo ba ku Midian baleka, pasenda umuvwalo. Bakiza kwa Balaam sona bakanena ku kwache amazyu gha Balak. ⁸ U Balaam akanena ku kwabo, ''Ikala panonye ubusiku ubu. Inthi nize navyo vyo u Chala anena ku kwane.'' Po abalongozi ba ku Moab bakikala nu Balaam ubusiku bula. ⁹ U Chala akiza kwa Balam akati, '' Banthu buli bo bizite kukwako?'' ¹⁰ U Balaam akamwamula u Chala, ''U Balak umwana wa Zippor, u mwene wa Moab abatumite kukwane. Umwene akati, ¹¹ ''Linga, abanthu bo bafuma ku Egypt bakupikila pamwanya pa chisu chane. Polelo bize sona ubaghune bonsi ku kwane. Napobuli nkhuzukwaniska pa kulwa sona nu kubafumia. ¹² U Chala akamula kwa Balaam, ''Utabaghile pakuti ubuke poka na banthu bala. Utabaghile awe ukubaghuna abanthu baku Isreal chifukwa abene basayiwe.'' ¹³ U Balaam akanyamuka pandabindabi sona akanena kuba longozi ba Balak, ''Nyokela ku chisu chinu chifukwa u Chala akana pakunitikizya une pakubuka poka numwe.'' ¹⁴ Po aba longozi ba Moab bakabuka bakanyokera sona kwa Balak. Bakanena, '' U Balaam akanite pakwiza poka nuswe.'' ¹⁵ U Balak akatuma sona abalongozi bo binji bo bakachindikiwa ukuluska ichibukatila cha bwandilo. ¹⁶ Bakiza kwa Balaam sona bakanena ku kwache, '' U Balak u mwana wa Zippor anena ichi, 'Nakomelezya nachimo chibakanizye umwe ukusita kwiza kwane, ¹⁷ Pakuti nkhuzukuchindika nukubika umuchinzi ughukulu, sona vyonsi vyo unena nune nkhuzupanga. Po zanga kuno ubaghune abanthu aba. ¹⁸ U Balaam akamula ku ba mbombo ba Balak, ''Napo u Balak angampha inyumba yache yo yizwile nu silver nu golide, nthangaba pamwanya pa mazyu gha Yahweh, u Chala wane, ufumilako pamo ukongelezya vyo akumbuzya. ¹⁹ Polelo, na kulambilizya lindilila panonye ubusiku ubu, pakuti ningamanyila vyonsi ukuyako panthanzi pa vyo u Chala anena kukwane.'' ²⁰ U Chala akiza kwa Balaam pa busiku akanena ku kwache, ''Pakuti abanthu aba biza pakupinya uwe, nyamuka sona buka nabo. Loli bomba vyene vyo nakubuzya pakuti ubombe.'' ²¹ U Balaam akanyamuka pa ndabindabi, akakunga imphunda yache, sona akabuka na balongozi ba ku Moab. ²² Loli pakuti akabuka, ubukalale bwa Chala bukaboneka. Umutumiwa wa Chala akibika mwene mu musebo ngati yumo uwasusania nawe u Balaam, yo akakwela imphunda yache. Aba mbombo babili aba Balaam bope bakaba nawe poka. ²³ Imphunda yikalinga uwa nthumi wa Chala imilile pa musebo nichipeni munyobe. Imphunda yikafumamo mu musebo nukuya mumughunda. U Balaam akuma imphunda ukuti yinyokele mu musebo. ²⁴ Po uwanthumi wa Chala akimilila pamalo aghafinyu gha misebo pakasi pa mighunda ya ma filu, ni chibumba ku mbali ya ndyelo sona ichibumba ichinyabo kumbali ya mongo. Imphunda yikalinga uwanthumi wa Chala sona . ²⁵ Imphunda yikabuka ku chibumba nukuwila muvinama vya Balaam umwakulimbana navyo. U Balaam akayuma sona. ²⁶ Uwanthumi wa Chala akabuka pabutali sona nukwimilila pa malo amafinyu aghinji po patakaba umupata wang'anamukila kumbali iyinji. ²⁷ Imphunda yikamulinga uwanthumi wa Chala, sona yikaghona pansi pa Balaam. U Balaam akakalala mu moyo, akasyempa imphunda ni nkhomo. ²⁸ Polole u Yahweh akighula umulomo wa mphunda ukuti yande pakunena. Yikati kwa Balaam, '' Une nabombachi kukwako ukuti unume katatu?''' ²⁹ U Balaam akayamula imphunda, '' Chifukwa wabomba ubundelehee nune. Ninong'ona ukuti nge naba nichipeni munyobe zyane. Nanthi chalipo, lululu nge nakukoma. '' ³⁰ Imphunda yikati kwa Balaam, '' Te ne mphunda yako yo wakwela ubung'wamu bwako bonsi mpaka isiku ili? Mbombitepo inkhalo yo wabomba kwisinda uko?'' U Balaam akati, '' Awe.'' ³¹ Po u Yahweh akighula amaso gha Balaam, sona akalinga abanthumi ba Chala bimilile mu musebo ni chipeni munyobe chasimbika mu nyobe zyabo. U Balaam akinamila pansi akabika amaso ghache pansi. ³² U wanthumi wa Chala akati kukwache, '' choni cho wayisyempha imphunda yako katatu konsi? Linga, niza pakuti nsusanie nuwe chifukwa inzila iyi inthi yikuwisye ichamutu pamaso pane. ³³ Loli imphunda yambweni sona yimphambatile katatu konsi. Pala yitamphambatilanga, une nge nkhukomite nukuyisunga yabumi.'' ³⁴ U Balaam akanena ku wa nthumi wa Chala, '' Nananga. Nthazimenye pati wimilile panthazi papane ku nthanzi mu musebo. Polelo, nanthi uwe utakulonda uti mbukilile nu bulendo bwane,mbaghile ukunyokela.'' ³⁵ Loli uwanthami wa Chala akati kwa Balaam, '' Buka mu nthanzi na banalume. Loli ubaghile ukunena amazyu ghane gho nakubuzya uwe.'' Po u Balaam akabuka na balongozi ba Balak. ³⁶ Bo u Balak ivwa ukuti uBalaam iza, akabuka ukuti akumane nawe mu uaya akakulu aka mu Moab pa Arnon, yoyili kumphaka. ³⁷ U Balak akati kwa Balaam, ''Nthakabatuma abanthu ukuti bakupinye uwe? Choni cho utakiza kukwane? Nthenenelile pakuchindika uwe?'' ³⁸ Po u Balaam akamwamula u Balak ukuti, ''Linga, niza kukwako. Ka ulu indi na maka pakunena chimo? Mbaghile ukuti nene amazwi gho u Chala abika mu mulomo wane.'' ³⁹ U Balaam akabuka nu Balak, sona bakafika pa Kiriath Huzoth. ⁴⁰ Polelo u Balak akasenda inkhambako nu nang'onzi nu kumupa u Balaam inyama yimo na balongozi bo bakabuka nawe sona na balongozi bo akaba nabo. ⁴¹ Pandabindabi, uwe Balak akamusenya u Balaam malo agha pamwanya agha Baal. Ukufuma pala u Balaam akalinga akachigaba aka ba Isreal apa kukomanilapo.