¹ U Balaam akanena kwa Balak, '' Zenga ivighemo seveni apa ivyane sona unozye inkhamabko seveni na ba nang'onzi abanalume seveni.'' ² Po u Balak akabomba mo u Balaam akamubuzizya. Po u Balak nu Balaam bakabika pachighemo ivyakwiyipa vyonsi inkhamabako nu nang'onzi umwanalume. ³ Po u Balaam akanena kwa Balak, ''Imilila pa vyakwiyipa vyo vikwaka sona nkhufumapo. Lumo u Chala angiza pakomana nune. Chonsi cho andaghizya nkhuzu kubuzya uwe. '' Nomba akiza afumapo aya pamwanya pa chipili cho chite na makomo. ⁴ Aponyene u Chala akakomana nu Balaam, po akanena nawe, ''Nayania ivighemo vya kwiyipa seveni, sona nabika inkhambako nu nang'onzi umwanalume pa chighemo cha vyakwiyipa vyonsi.'' ⁵ U Yahweh akabika amazyu mu mulomo wa Balaam sona akati, ''Nyokela kwa Balak sona nena ku kwache.'' ⁶ Po u Balaam akanyokela kwa Balak, yo akaba papipi nivyakwiyipa vyache ivya kocha, sona abalongozi bonsi aba ku Moab bakaba nawe. ⁷ Polole u Balaam akanda pakunena ku vili vyache sona akati, '' U Balak ansenda une pakufuma ku Aram, U mwene wa Moab ukufuma ku mapili gha kubufumilo bwi zuba. 'Zanga, umughune u Jacob kukwane,' umwene akunena. 'Zanga, mumunyazye u Isreal.' ⁸ Ka ningabaghuna bulibuli bo u Chala atabaghunite? Ka ningabanyazya bulibuli bo u Chala atabanyazizye? ⁹ Pakuti ukufuma pamwanya pa mabwe nkhumulinga umwene; ukufuma ku mapili nkhulinga. Linga, pali abanthu bakwikhala bene sona batakwibelengela pakasi pa maluko aghanji. ¹⁰ Ka wewenu yo angabelenga ulufumbi lya Jacob pamo ukubelenga choka mwavigaba folo ivya Isreal? Za une imfwe imfwa ya munthu umugholosu,sona zanga ubumi bwane bumale ubunyene.'' ¹¹ U Balak akanena kwa Balaam, '' Wabombachi kukwane uwe? Nkhukusenda pakughuna abalughu, Nomba linga, linga uwe wabasaya.'' ¹² U Balaam akamula sona akati, '' Nthabaghile ukuti nthebe pakunena amazyu gho u Chala abika mu mulomo wane?'' ¹³ Po u Balak akanena ku kwache, ''Nakulenga twende poka nune ku malo aghanji ko uwe ungaba linga abene. Uwe uzulinga papipi nabo, bonsi awe. Pala uwe uzubaghuna bonsi ku kwane.''' ¹⁴ Po akamusenda u Balak mphaka mu mughunda wa Zophin, mphaka pamwanya pa chipili cha Pisgah, nukuzyungulila ivighemo seveni ivyakongelezya, Umwene akiyipa inkhambako nu dubi pa chighemo chonsi. ¹⁵ Po u Balaam akanena kwa Balak, '' Imilila papipi ni vyakwiyipa vyako, po nkhukomana nu Chala pamwanya pala.'' ¹⁶ Po u Yahweh akakomana nu Balaam sona akabika amazyu mu mulomo wache. Akanena, ''Nyokela kwa Balak sona umupe amazyu ghane.'' ¹⁷ U Balaam akanyokela ku kwache, sona akalinga, umwene akimilila pa vyakwiyipa vya kocha , sona abalongozi ba ku Moab bakaba nawe, ''Choni cho u Chala anena? ¹⁸ U Balaam akanena ichifwanikizyo chache . Akati, ''Inuka, Balak, sona ivwisya. Ivyakukwane, uwe mwana wa Zippor. ¹⁹ U Chala te munthu, yo angathamantha pamo munthu yo angasintha inyinong'ono. Alaghanite lumo numwe chimo loli ukusita kuchibomba? Anenitepo lumo pakuti inthi abombe chimo ukusita kuchimalizya? ²⁰ Linga, une nabuziwa pa kusaya. U Chala akabika ichisayo, sona une nthangakanizya ichi. ²¹ U mwene atalinga pa nthamyo zya Jacob, sona atalinga inthamyo zya mu Isreal. U Yahweh u Chala wabo ali nabo, sona ukwitizya kwa mwene kuli pakasi pabo. ²² U Chala akabafumia ku Egypt namaka ngati ghala agha kambwe. ²³ Pakuti pate ubughune buli bonsi pakasi pa Jacob, pamo ubuvulale ubunji mwa Isreal. Nomba vibaghile ukuneneka ivya Jacob sona Isreal, ' Linga vyo u Chala abomba!' ²⁴ Linga, abanthu banyamuka ngati zyo nkhalamu izyanakazi, ngati nkhalamu yikufuma mu chibagha nu ku bakola. Yitakughona pansi mphaka yikulya cho yikulonda sona yikung'wa idaba lya cho yakoma.'' ²⁵ Po u Balak akanena kwa Balaam, '' Utakabaghune pamo ukubasaya'' ²⁶ Loli u Balaam akamula akanena kwa Balak, '' Nthakubuzizye ukuti mbaghile ukunena vyonsi vyo u Chala ambuzya une pati nene?'' ²⁷ Po u Balak akamwamula u Balaam, ''Za ilelo, une inthi nkusende nu kuya nuwe kumalo aghanji. Lumo chingamuhoboska u Chala pakuti ukubaghuna bala kula kukwane.'' ²⁸ Po u Balak akamusenda u Balaam ukuya nawe pamwanya pa chipili cha Peor, cho chilingisiske pasi pa malo gha luma. ²⁹ Po u Balaam akati kwa Balak, '' Nzengela une ivighemo seveni sona ukome inkhambako seveni sona na ba dubi seveni.'' ³⁰ Po u Balak akabomba ngati mo u Balaam akamubuzizya; akabika innkhambako sona na ba dubi pa chighemo chonsi.