¹ U Yahweh akanena kwa Moses. Akati, ² ''Nena ku banthu ba ku Isreal sona usende ni nkhomo ukufumila ku kwabo, yoka ukwimilila uluko lwache, inkhomo twelovu. Simba izina lya munthu wensi pa nkhomo yache. ³ Ubaghile usimbe izina lya Aaron pa nkhomo ya Levi. Pabaghile ukuba inkhomo yoka ukwimilila umulongozi weka ukufumila ku luko lwamunyenya wache. ⁴ Mubaghile ukubika inkhomo mulupaso lwakomanilamo panthanzi pankhomelezyo zyandaghilo, po nkhukomana numwe. ⁵ Pakwiza ukubombiwa ukuti inkhomo ya munthu yo namuseba yikwanda ukumela. Nkhwiza ukupangisya ukwilumbusya ukufumila ku banthu ba ku Isreal ukuti ghimilile,, gho bakunena kukwako.'' ⁶ U Moses akanena na banthu ba Isreal. Abalongozi bonsi aba luko bo bakamupa inkhomo, inkhomo yoka ukwimilila ubulongozi boka, yo asebiwa ukufumila ku luko lwa munyenya wache, inkhomo zyonsi poka twelovu. Inkhomo ya Aaron yikabapo yope pankhomo izi. ⁷ Po u Moses akabika inkhomo panthanzi pa Yahweh mulupaso lwa ndaghilo zyankhomelezyo. ⁸ Isiku lya kubwacha u Moses akinjila kulupaso lwa ndaghilo zya nkhomelezyo, lingisya, inkhomo ya Aaron lya luko lwa Levi yikamela. Yikamela insamba ubwezya ni vikomwa vyakutona! ⁹ U Moses akafumia inkhomo zyonsi panthanzi pa Yahweh ku banthu bonsi aba Isreal, umwanalume wensi akasenya inkhomo yache. ¹⁰ U Yahweh akanena kwa Moses, ''Bika inkhomo ya Aaron panthanzi pa ndaghilo zyankhomelezyo. Sungilila ukuba chimanyisyo chabunanzi bwa banthu bo bakafumako ukuti amazye amilumbusyo ghabo kukwane, lumo bangize bafwe.'' ¹¹ U Moses akabomba mo u Yahweh akamulamulila. ¹² Abanthu ba ku Isreal bakanena kwa Moses bakati, '' Tukwiza ukufwila panonyene. Tukwiza ukupyutiwa twebonsi! ¹³ Wensi yuyo akwiza, yo akusengelela ku chighemo cha Yahweh, akwiza pa kufwa. Ka twebonsi tupyutiwe?''