¹ U Mozesi akitizya aba Isilayeli bosi nukunena kukwabo ukuti, nukunena kukwabo ukti, ivya , Isilayeli , kundaghilo zyo inthinenele mumakutu ghako ilelo, ukuti mumanyile sona muzisunge. ² U Yahweh u Chala witu akapangana nuswe ku Horeb. ³ U Yahweh atakapana nabanyenya bituha loli nuswe, swensi swetuli nubumi ilelo. ⁴ U Yahweh akanena numwe paminso napa minso kuchipili pakasi pa moto ⁵ {Nkhwimilila pakasi pa Yahweh napapinu pakabalilo kalanyene, ukuti mbavumbulile izwi lyache; pakuti mukowopa umoto, sona mutakakwela ichipili}. U Yahweh akati, ⁶ 'Ne Yahweh u Chala winu, yo akabafumia mukaya ka Ijiputi, ukufuma mu nyumba ya buzya. ⁷ Temukabe naba chala abanji ukulusya une. ⁸ Temubazepo nachimo ichinthu chinu pamo chimo cho chingayana nachimo cho chili kumwanya, pamo cho chili pansi pa chisu, pamo cho chili pansi pa minzi. ⁹ Temu vifungamililepo pamo ukuviputa, pakuti une, ne Yahweh u Chala winu, newa kabinu. nkhulanga ubutulanogwa bwa nyenya pakwiza nabo kubana, ku nkhulile iyabutatu sona niya folo iyaboba mbengite, ¹⁰ nukubonesya ulughano ulyenecho kubanthu masauzande, kubo banganite sona bakusunga indaghilo zyane. ¹¹ Mutakasendele izina lya Yahweh u Chala winu palwangalo, pakuti u Yahwe atalileka pakumupa inongwa we asendele izina lyache palwangalo. ¹² Mulipatule isiku lya Sabada libe liswepu, ngati mo u Yahweh u Chala winu akababuzizya. ¹³ Pakuti pa masiku sikisi mubaghile mubombe imbombo; ¹⁴ loli ilya sabada lisayiwa kwa Yahweh u Chala winu. Pa ilinyene temukabombepo imbombo nayimo-----umwe, pamo umwa winu umulumendo, pamo umwana winu umusungu, pamo umuzya umulumendo, pamo umwanakazi, pamo inkhambako yinu, pamo imphunda, pamo ichinyamana chinu nachimo, pamo umulendo aliwesi we ali pamalupaso ghinu.Ichi chili ubu ukuti umuzya wako umwanalune nu mwanakazi atuzye wepe ngati mwemwe. ¹⁵ Mukumbuke pakuti mukaba mwe bazya mukaya ka Ijiputi, po u Yahweh u Chala winu akabafumia kulinyene ninyobe yache iyamaka sona ninyobe iyiwoloke.Polelo u Yahweh u Chala winu akulamulu pakuti musunge isiku lya sabada. ¹⁶ Chindika ughuso nu nyoko, ngati mo u Yahweh u Chala wako akubuzizya pakuti mo ubombele, ukuti wikale akabalilo akatali mukaya ko u Yahweh uChala wako akakupa, nukuti vikwendele akiza. ¹⁷ Mutakaghoghe. ¹⁸ Mutakabe ba malaya. ¹⁹ Mutakibenge. ²⁰ Mutakabikile ubukaboni ubwa bumiasi kwa mupalamani winu. ²¹ Mutakadokele umukazi wamupalamani wako, mutakadokele inyumba yamupalamani wako, umughunda wache, pamo umuzya wache umwanalume, pamo umuzya wache umwanakazi, inkhambako yache , pamo imphunda yache, pamo chili chonsi cho chamupalamani.' ²² Amazyu agha u Yahweh akanena nukolomoka kulukomono lwinu lonsi kuchipili pakasi pa moto, lwibingu, sona naku chisi ichikulu; atakonjelezyapo amazyu aghanji naghamo. aka ghalemba kumbali zibili izya ibwe po akampha une. ²³ Kakiza akabalilo, ko mukivwa ichongo mukasi muchisi, po ichipili chikakanga, po mukiza ku pipi nune--- abasongo binu bonsi nabalamulili bamaluko ghinu. ²⁴ Mukati, linga, u Yahweh u Chala witu atulangizya ubuchindamu bwache sona nubukulu bwache, po twivya ichongo chache mu moto mukasi; twalinga ilelo ukuti pala u Chala anena na banthu , bangikala. ²⁵ Loli chifukwa buli po tufwe? pakuti u moto ughu inthi ghutwavwe; pala twivya sona ichongo cha Yahweh u Chala witu, inthi tufwe. ²⁶ Pakuti pali uwenu pambali pitu mu banthu bonsi we akivwa ichingo icha Chala uwawumi ukunena mumoto mukasi sona akikala, ngati mo twabombela? ²⁷ Kwa umwe, mubuke nukwivwa ku chonsi cho u Yahweh u Chala winu akunena; mwandizye kukwitu chili chonsi cho u Yahweh u Chala witu akunena kukwinu; inthi tukivwisye sona nukukonkha.' ²⁸ U Yahweh akivya amazyi ghinu gho mukanena kukwane. Akanena kukwane, 'Nivwa amazyi ghabanthu aba, vyo bakanena kukwako. Vyo bakanena viza. ²⁹ O, pakuti mukaba moyo waluko ulu mumwabo, ukuti bachindike sona basunge indaghilo zyane akabalilo konsi, ukuti vibabele akiza sona nabana babo bwile nabwile! ³⁰ Buka unene kukwabo, ''Nyokelani kuvitemba vinu.'' ³¹ Loli umwe, imilila panu pambali pane, po inthi mbabuzye indaghilo zyonsi, ------------zyo inthi mubamanyisyenge, ukuti bazisunge mu kaya ko inthi mbape ukuti kaba kabo.' ³² Musunge , polelo, cho u Yahweh u Chala winu ababuzya ; mutakang`anamukile kumbali ya ndyelo pamo kumongo. ³³ Inthi mwende munzila zyonsi zyo u Yahweh u Chala winu ababuzya, ukuti mube nubumi, sona nukuti vibendele akiza, nukuti mwiyonjelezye mwebene amsiku mu kaya ko inthi mupokele ukuti kinu.