¹ Po izi zyo ndaghilo, ----------zyo u Yahweh u Chala winu ambuzya ukuti mbamanyisye, ukuti muzisunge mu kaya ko mukaya ko mukubukamo akakupululila u Jolodani ukuti muye mwikalemo; ² Ukuti mumuchindike u Yahweh u Chala winu, ukuti musunge-----nindaghilo zyo nkhubabuzya---umwe, nabana binu, nabana abalumendo babana binu, amasiku wonsi agha bumi bwinu, ukuti amasiku ghinu ghonjeleziwe. ³ Polelo ivyani kukwane , Isilayeli, sona muzisunge, ukuti vibendele, nukuti mubalaghe, mu kaya kakwizula nulukama sona nubuchi, ngati mo u Yahweh, u Chala waba tata binu, ababuzizya ukuti inthi viibele. ⁴ Ivya, Isilayeli: u Yahweh u Chala winu, ali weka u Yahweh. ⁵ Mumughane u Yahweh u Chala winu nu moyo winu wonsi, nu muzimu winu wonsi, sona namaka ghinu ghonsi. ⁶ Amazyu gho nkhubabuzya ilelo ghabe mumyoyo yinu; ⁷ po mulibamanyisya abana binu; mulinena ivyabo pomwikala munyumba yinu, pomukwenda panzila, po mwaghona, napo mukunyamuka. ⁸ Muzughapinya ngati chimanyisyo pa nyobe yinu, vikuzubomba ngati ghakulongozya pakasi pakasi paminso ghinu. ⁹ Inthimukaghalembe pamilyango ya nyuma yinu sona napa malupaso ghinu. ¹⁰ Pala u Yahweh u Chala winu ababika mu kaya ko akalapila aba tata binu, kwa Abulahamu kwa Ayizeki na kwa Jakobo, ukuti inthakabape, nutwaya utukulu sona utwiza to mu takazenga, ¹¹ ninyumba izyakwizula nivinthu iviza ivya luko lonsi vyo mutakapanga, ivibwina vyo mutakakumba, nimighunda ya vikomwa poka namakomo gha Oliva gho mutakabiala, mulilya nukwikuta-------- ¹² po lingilizya ukuti mutakamuluvwe u Yahweh, we akabafumia mu kaya ka Ijiputi, ukufuma mu nyumba yabuzya. ¹³ Mumuchindike u Yahweh u Chala winu; mumwipute, sona inthi mukalape pizina lyache. ¹⁴ Temukabe naba Chala abinji, aba chala aba banthu bo babazungulile------ ¹⁵ pakuti u Yahweh u Chala winu we ali pakasi pinu we Chala wakabini---pala mwabomba, ubukali bwa Yahweh u Chala winu buliza papinu po alibakomania nukubafumia pachisu. ¹⁶ Mutakamuyezyenge u Yahweh u Chala winu ngati momukamuyezezya u Massah. ¹⁷ Musungeghe indaghilo zya Yahweh u Chala winu, indaghilo iziza, -----, sona zyo ababuzya. ¹⁸ Mubombe chochiza nichiwolofu paminso pa Yahweh, ukuti vibendele akiza, nukuti mubuke nukupoka akaya ko u Yahweh akalapila abatata binu, ¹⁹ ukufumia abalwani binu bonsi kukwinu, ngati mo u Yahweh anenela. ²⁰ Pala umwana wako alalusya munthanzi umu, ukuti, ka iphangano lya ndaghilo izinji zyo u Yahweh u Chala winu akabavuzya?' ²¹ po mulinena kubana binu, 'tukaba swe bazya ba Falawo ku Ijiputi; u Yahweh akatufumia mu Ijiputi ni nyobe iyamaka, ²² sona akabonesya ivimanyisyo niviswigho, ivikulu sonanivisisya, pa Ijiputi, pa falawo, ninyumba yache yonsi, paminso ghitu; ²³ po aka tufumia kulanyene, ukuti atubikemo, ukutupa akaya ko akalapila aba tata bitu. ²⁴ U Yahweh akatubuzya pakuti tusunga indaghilo zyache izi akabalilo konsi, ukuti tumoghope u Yahweh u Chala witu ukuti vibe akiza nuswe, ukuti atusunge babumi, ngati motubelile ilelo. ²⁵ Pala twasunga indaghilo zyonsi izi paminso pa Yahweh u Chala witu, ngati mo akatubuzizya, ubu bo buliba bugholosu bwitu.'