¹ Lakin ita, kede wonusu wa alimu arshdat al be saudu. ² Shiouk kede kun fahimin, wa muhtaramin, sahin fi iman wa fi muhaba wa fi sobur. ³ Nuswan al kubar kede geni fi teriga al mukadas kede humon wori teriga ta guad al kwes, ma ta suwata. wa ma ta asurubu merisa ketir. wa kede humon alimu nas talim al kwes. ⁴ Ashan humon be agder derisu nusuwan al sukerin ashan be agder hibu rujal tomon wa iyal tomon. ⁵ Wa kede derisu humon ashan humon bi kun negitin, wa nedefin, wa ashan bi amsuku bet kwes, wa ashan bi ehtaramu rujal tomon. humon bi amulu de ashan kelima ta Allah kede ma sitimu. ⁶ Be nefsu teriga, sheja shabab ashan kede humon kun negitin. ⁷ Kutu nefsa taki misal fi kulu hajat, wa kan ita bi derisu, derisu sah wa adil. ⁸ Wodi risala al bi saudu wa al ma bi alisu, ashan zol almuarid de bi ligo fadia towo, ashan hou ma ligo haja batal al huwo bi wonusu fi anina. ⁹ Kadamin kede ehtaramu sidi tomon fi kulu hajat. Wa kede humon rudu amulu ai shokol bidun korekore. ¹⁰ Kede humon ma kun haramia, lakin kede humon beinu kulu iman tomon al kwes, ashan fi kulu teriga talim ta Allah mukalis ta nina bi beinu kwes. ¹¹ Ashan neima ta Allah beinu le nas kulu. ¹² Wa alimu anina ashan bi aba hajat al ma ta Allah wa ta dunia. wa kaman alimu anina ashan bi geni guwad al kwes wa adil. wa fi teriga ta Allah fi zaman ta nina de. ¹³ Fi zaman abu nina bi istena wa bi ainu gidam ashan bi ligo baraka ta nina, wa zuhor ta Allah al azim. wa mukalis ta nina Yesuah al mesih. ¹⁴ Al wodi gism tou le nina ashan bi kalisu nina min kulu hajat al batal wa bi kutu ana nedifin, le huo. nas tuo al barau al bi amulu .hajat al kwes. ¹⁵ Wonusu wa sheja bi hajat del. Sahu hajat al galat be kulu sulta. kede ma alisu ita