¹ Bulis, kadam ta Rabuna wa marasula ta Yesuah al mesih, ashan iman ta nas al Rabuna ikhtaru, wa marafa ta hagiga albi wodi humon fi mahal al kwes. ² Fi raja ta haya al abadia al Rabuna waadu wa bidun kidib min gubal bidaia ta zaman. ³ Huwo beinu kelima towo fi zaman al huwo hadidu, be beshiru risala towo al huwo kutu ana amin bi beshiru hasab talimat ta Allah wa Mukhalis ta nina. ⁴ Le Titos, jena tai al adil fi iman al sawa sawa neima wa salam min Allah al abu wa mukalis ta nina Rabun Yesuwa al mesih. ⁵ Le sabab de ana sibu inta fi Kiret ashan bi timu nizamu bagi hajat al nagis wa bi kowinu shiukh fi kulu medina ze ma ana wori le inta. ⁶ Al sheikh lazim kede kun bidun loum, wa kede kun indu mara wahid, wa iyal alkweisin al ma mujirimin. ⁷ wa kaman mohim kalis le zol albi ainu wara shokol ta Allah kede ma kun indu loum. kede huwo geni ze wokil ta Allah, kede ma kun zol ta dala, albi zalan sambala, wa zol ta merisa. wa zol tama abu gelba fi hajat ta nas. ⁸ lakin, kede kun zol kwes al bi dafu nas al bi rudu hajat al kwes. al indu mug, wa zol adil al bi agder hafisu gisim towo. ⁹ wa kede kun zol adil fi kilima al hagiga ashan bi agder sheja nas tanin bi talim al sah wa bi adilu nas al muaridin. ¹⁰ ashan fi nas tanin mutmeridin, de nas al teheru humon, wa bi wonusu be kalamat al batal al bi woduru nas. ¹¹ de mohim kalis ashan kede wogifu humon. humon be derisu haja al galat ashan humon be ligo maslah wa maksab tomon. ^{12 14} wahid zol tomon al negid kelim gali, "Nas ta kriet de kulum kadabin, wa haiwanat al batalin, wa kaslanin kman". ¹³ kalam de hagiga wa be sabab de kede wori le humon ashan humon bi istadil fi iman tomon. ¹⁵ Hajat bikun nedif le nas al nedifin. lakin, le del al waskhanin wa al ma mominin hajat kulu ma bikun nedif. ashan mukh wa geliba tomon kulu waskhan. ¹⁶ Humon bi mesil gali humon arufu Allah, lakin amail tomon bi wori humon ma aruhu Allah. humon ma .kweisin wa ma muhteramin. wa fi amulu hajat alkwes abau humon