¹ Zekiru humon keli humon nezelu gisim le nas al kubain tomon, wa al fi sulta, wa keli humon ehtaramu humon, wa ashan keli humon geni jahizin le amulu ai shokol al kwes. ² Wa keli humon ma wonusu be batal fi dahar ta nas, wa keli humon ma sababu mashakil al bi ferigu nas, wa keli humon wori teriga ta guwad al kwes, le nas kulu . ³ Ashan anina kan belidin wa ma bi asuma kalam. anina woduru wa bi amulu niat ta gisim ta nina. wa anina bi geni fi haya al ma kwes wa ta gelba hasud. wa kerehia ta nas. ⁴ Lakin wokit, sokol keis ta Allah mukhalis tanina beinu le nas, ⁵ De ma ashan hajat al kwes al kan nina amulu, lakin bes ashan rahma towo kalisu anina. wa kasulu anina be wasit al melad al jedid wa jedidu Rohu alkudus. ⁶ Al dofugo le nina ketir be Yesuah al mesih mukalis ta nina. ⁷ Huwo amulu ze de ashan bi berir anina be neima towo, anina bikun endu worisa fi Haya al abadia. ⁸ Risala de hagiga. ana deirkede inta wonusu be kulu saraha kalm de. ashan del al rudu Allah bi agder amulu hajat al keis al huwo kutu gidam tomon. de hajat al kwes al bi anfa nas. ⁹ Lakin kede anina sibu kalamat al farik wa salasil ta judud wa kalamat ta ganun al bi ferigu wa bi shetetu nas. hajat del batal wa ma bi nafa. ¹⁰ Zol ta sabab al bi kutu nas ferigu, kan wodi le huwo inzar mara wahid aw marten. kede itakum abau huwo fi nus takum. ¹¹ kede itakum arufu gali zol de woduru min sika al adil, huwo hukumu gisim bito be geni fi katia. ¹² Kan ana rasulu le intakum Artimas aw Tikikos, kede inta ja le ana be sura fi Nikobulis, ashan ana deir ja geni zaman sekete de kulu hinak. ¹³ Jahizu be sura Zenas al arufu ganun kwes, wa Abolus ashan bi safir wa kede mafi haja nagis le humon. ¹⁴ Nas ta nina kede alimu ashan bi amulu hajat al kwes al bi saudu nas be sura ashan kede humon ma kun bidun simar. ¹⁵ Nas kulu al fi hini ma ana bi selimu intakum. wa kaman kede itakum selimu del kulu al ma nina fi iman. Neima kede kun ma .itakum kulu