¹ Anang meh banyak di entaha kian jadi pengajah, bala menyadik. Kita ketau bahwa kita akan bulih penghakiman yang lebih besah. ² Kehena alam banyak hal kita besalah. Entik ia nda besalah empak ia bandai, maka ia meh mensia yang palin sempuhna, ia pun mampu nguasa semua tubuh ia. ³ Enti kita behik tali kekang dimulut kuda, ia pasti ngimbai kita, kitapun mampu nguasa semua tubuh ia. ⁴ Pantau meh padak kapal, walaupun ia besah dan ditiup hibut dehas, ia di atuh kemudi yang palin senik, ngimbai pengemauk yang ngemudi ia. ⁵ Baka iyak ugak meh dilah, ia senik dahi tubuh kita, tapi ngehambik hal- hal besah. Pantau meh api yang senik, tau ngalak babas yang luah. ⁶ Dilah baka api ugak, baka utan dunia dusa yang dibehik dientaha tubuh kita. Iyak yang encemah tubuh dan ngalak jalan idup. Dilah kedihik akan alak ulih api nehaka. ⁷ Semua binatang buas, biuk,binatang yang ngehayap,binatang alam laut talah dijinak ulih mensia, ⁸ tapi kalau dilah,nisik suhangpun dientah mensia yang mampu ngejinak iya. Dilah meh bahang yang jat yang nda talah dikendali, penuh hacun yang nyuhuh mati. ⁹ Pakai dilah kita muji Allah Bapak, pakai dilah ugak kita ngutuk mensia, yang udah digawai baka gambah Allah. ¹⁰ Pakai mulut yang sama behekat dengan kutuk disebut. Bala kaban, anang meh tejadi hal yang baka iyak. ¹¹ Tau meh sutik mata aik ngeluah sekaligus aik yang manis dengan aik yang kelat? ¹² Bala menyadik, tau meh kayu aha ngeluah buah zaitun, buah angguh, buah aha? Baka iyak ugak meh mata aik yang masin, nda mungkin ngeluah aik yang manis. ¹³ Sepa dientahaa kian yang bijaksana dengan pintah? Ia ahus nunjuk ke idup yang bait ngelalu pebuatan ia alam hendah ati yang behasal dahi hikmat. ¹⁴ Tapi kalau nuan nda nyaman idup, cembuhu, ambisi, alam ati nuan, anang sumbung dengan ngakal ngelawan kebenahan ¹⁵ Hal iyak ukan meh hikmat yang behasal dahi surga, tapi dahi dunia yang jat, nisik ruhani, dahi sitan. ¹⁶ Kehena dimena bisik ihi ati, ambisi, diak meh bisik kacau, dan semua pebuatan jat. ¹⁷ Tapi kalau hikmat dahi surga, yang petama ia murni, alu mauk bedamai, lemah lembut, pengasih dan buah ia bait, nisik milih kasih, dan tulus. ¹⁸ Buah kebenahan iyak ditabuh alam kedamaian untuk sidak yang ngawai pedamaian.