¹ Milh kilhtamakú amakgolh Filisteos mamakxtumikgolh xtropakán laki pi nataratlawakgoy kachikín Israel. Aquis wanilh David: xlikana pi wix nakilataanaw nak pulataratlaw, wix chu makgapitsin lakchixkuwín ti katatanita.” ² David wanilh Aquis, “chuna chu nakatsiya tuku tlan tlaway mintasakua.” Aquis wanipa David: “tlan, lanchiyu kuaniyán pi wix kimakgtakgalhná nawana xaliankgalhin.” ³ Chu Samuél nialh ti xwanit, xlipaks Israel lakglipuwankgolh akxni nilh chu na wá ti maknukgolh nak Ramá, tu xkachikín xwanit. Nachuná, Saúl xkaakgtlakgaxtunit nak kachikín Israel xlipaks skgoynunín ti xtachiwinankgoy xanimakan nin. ⁴ Amakholh Filisteos tamakxtumikgolh, minkgolh chu tachokgokgolh nak Sunem laki pi anta nalaktankuwikgoy; chu Saúl kamamakxtumilh tachixkuwitat xalak Israel, xlakan tachokgokgolh nak Gilboa. ⁵ Akxni Saúl ukxilhi xtropa Filisteos, snún makpuwa, chu lipekua tsukilh lhpipiy xnakú. ⁶ Saúl lakgkilhalh Puchiná laki pi naskiniy xtamakgtay, wampi Puchiná ni kgalhtilh – ni pala katamanixni, ni para kliputsan, ni para makatsininanín. ⁷ Chanchu Saúl kawanilh xtasakua, “kakimputsanitit chatúm puskat ti tlan tachiwinan ninín” laki pi naklakgan chu xla nakistakyaway. “xtasakua wanikgolh, “kakgaxpati, wi chatúm puskat nak Endor wan xla pi tlan tachiwinan ninín.” ⁸ Saúl lakgpalilh klhakgat laki pi ninalakgapaskan, chu chatiy lakchixkuwín kataalh, katsinita xwanit akni lakgankgolh amá puskat. Saúl wa, “skiniyán litlan, katasani wa ti ey ninit, chu kalitampara wa ti nak mapakuwiniyán.” ⁹ Amá puskat wanilh, “Wix katsiya tu tlawalh Saúl, lantla xla nialh kalakaskiniy naskujkgoy nak kachikin Israel ama ti tachiwinankgoy xanimakán ninín. Wan chu ¿tuku xpalakata killiputsananipat, laki pi nakimakgnikan?” ¹⁰ Saúl malaknulh xlakatín Puchiná chu wanilh, “kgaxmatli Puchiná tu kilhwama, nitu katiakgspulan xpalakata tu tlawapat.” ¹¹ Amá puskat wa: ¿tiku lakaskina naktasaniy? Saúl kgalhtilh: katasani Samuél. ¹² Akxni amá puskat ukxilhi Samuel, akgapilhmán tasalh chu wanilh Saúl, “Tuku xpalakata kiliakgskgewipat? Wix Saúl.” ¹³ Amá puxku wanilh amá puskat, “Ni kapekuanti. ¿Tuku ukxilha?” puskat wanilh Saúl, “kukxilha la chatúm dios takxtumachi nak tiyat.” ¹⁴ Saúl wa, “¿lantla tasiyuy tama chixku?” Puskat wanilh, “Chatum kgolotsin takxtumachi nak tiyat; litamakgswitnit lanka lhakgat.” Saúl akgatakgsli pi wa Samuél, chu talakatalh nak katiyatna, mastalh kakni. ¹⁵ Samuél wanilh Saúl, “¿Tuku xpalakata kilimakglhuwiya chu kintassanipat?” Saúl kgalhtilh, “Ni Katsiy tuku nak tlaway, amakgolh filisteos kintataratlawamanalh, chu Dios kimakgaxtekgli chu nialh kinkgaxmatniy, ni para macatsininanin, ni para kinkatamanixni. Wa xpalakata klitassaniman, laki pi nakiwaniya tu naktlaway.” ¹⁶ ¿Tuku xpalakata akit kilikgalhaskiniya, para wa Puchina ey makgaxtekgni chu xla mintaratlawana? ¹⁷ Puchina tlawa lata kintiwanilh, Puchina makglhtin mi pumapekgsin, chu makamaxkilh min tachixkú, David. ¹⁸ Sampi wix ni lakgachixkuwi xlimapekgsin Puchiná, ni makgantaxti xtasitsi taakgastakyawan xpalakata Amalec, wa xpalakata Puchiná litlawanin uma lanchiyu. ¹⁹ Puchiná namakamastay Israel chu wix na namakamastayan xmakankan filisteos; chu chaliy naniyatit nakilalakgminaw, wix chu minkaman; chu Puchiná na namakamasatay xtropa Israel xmakankan filisteos. ²⁰ Chanchu Saul ta akgpuspitli, chu pekuaxnilh xpalakata tu wanilh Samuel; chu nialh xkgalhiy litiwekge, sampi ama tantaku chu katsisni ni para maktum kaxtilanchaw xwanit. ²¹ Ama puskat lakgmilh Saul, chu ukxilhi pi pekuaxninit, wanilh: akit klakgachixkuwin, ktlawa tu kiwani, xamakgtum nakilimaknikan. ²² kskiniyan litlan, kakinkgalhakgapatti, naklimin kgalhtum kaxtilanchaw nawaya, laki pi na kgalhiya litliwekge, chu ey napina min kachikin. ²³ Saul ni xwaputun ama kaxtilanchaw, wampi limakglhuwikgolh xtasakua chu ama puskat, alistalh ka lakgachixkuwilh. Takilh nak katiytni, chu tawi nak putama. ²⁴ Ama puskat xkgalhiy tantum takgalhin xakgoniwa, tunkan makgnilh chu makchalh, lakgochilh harina chu tlawa kaxtilanchaw, ²⁵ Chu liminilh Saul chu xtasakua, chua akxni ey xwayankgonit, tatayalh, chu ankgolh ama katsisni.