¹ Ma ni jubá nira, keni rijimala, napawika we kanika pirelsi echi wa´lula Jesukristo jiti, nije kie nasini auche sine osowa je´ná jiti. Mapu je´ná jiti ka´la tibuka pirelma yemi. ² ka´la anaka echi kochui jiti. Ka´la anaka echi chati oloka piéami. Ka´la anaka echi mapu mi sikirek ripuni aboni ku. ³ Mapujiti tamujé ma chakena bichina pasrami jú echi chati olowámi, tamujé ju mapu bichiwami ju Riosi echi iwikala jiti, tamujé ju mapu we kanili Jesukristo yuwa, alí tamujé kie bichiwi aboni ku sapala. ⁴ Asibarika, nije ayena omerami jú binoi ku sapala bichíwa, a bile echiriká bichíwami nisa binoi ku sapala, nije wabé minapi bichíma riweali. ⁵ Nije komal ayena suwe sikireka bichinárami ju osanao rawe simirsa, echona pueblochi Israel, Benjamín yuwa najiremam, echi ni we hebreo jú hebreo yuwa; mapuriká nijewika olá echi Moisés nulalila, nije bile Bariseo najitki. ⁶ Nije we yoka risú olámi nili jare bichiwami; mapurika we ka´la nikurami nirá nijewami nili nije, mapuriká nularami nili. ⁷ chopi, mapuyir namuti we nateami nirali nije chabé, jipikó ma kie nateami jú binoi Kristo jiti nirá ko. ⁸ Echiriká, nijé niria karunti namuti ikian jú, mapujiti waminan nateami ju Kristo ku, machiká ku bitelkua, echi wa´lubeala Jesús. Echi binoi jiti kara namuti banaka uluki nije. Karunt basuri nirá jú, mapujiti nije alá omerma Kristo jiti ku najata. ⁹ Ali ku riwirutami nima nije. Nije ko niwewika bite echi osirutami ketasi mapuriká Riosi tami wé onoma, chopi, Riosi tami ku´wiri mapujiti nije kú bichilí echi Kristo. Riosi ku ka´lari mapalí ku bichíso. ¹⁰ Echiriká jipi nije waminabi machinali echi binoi jiti, alí echi jiwerl mapu ku owíntami ju, ayenacho mapu chorika risú olarami nilí. Alí mukunali nije achikorika mapurika mukuli binoi. ¹¹ Mapurika nije ayena ku owínmampa mapalí mukusá. ¹² Rijamala, nije kiecho yarami jú kara namuti, kiecho sebli natami jú. Chopi nije werli olane mapuriká sine rawé yarami níma kara namuti, echijiti Kristo tami ku ku´wirli. ¹³ Rijamala, nije kiecho biji kiecho nawá mapona sababoré; chopi nije binoi ma kie kuwan ninamorú, chopi jipi ko bachamí nirá bi natamarú. ¹⁴ Nije ko bachamí werli olama yensi sunusa alí narema echi mapu yarami nimarén binoi Riosi jiti, mapuriká Kristo ku nikúrli. ¹⁵ Suwaba tamuje mapu a´la natami jú, jena jiti natabo; yemi si´una riká natasatm karunt namuti jiti, Riosi ayenacho mi ruyema ka´la natli. ¹⁶ Chopi, mapu tamujé yarami jú werli olabo nijewa alí kie sine ni´yubo. ¹⁷ Tamí namka pirelsi, rijimala, a´la inesi auché jaré mapu tami namka pirie. ¹⁸ Wikabe, echi jaré mapú chubuli mi ruye nije, alí jipi auche sine mi anema ni nalaka jaré piré sayerka echi kursi mapona mukuli Kristo kie nateami nirá. ¹⁹ Aboni suwimearé, aboni ropala riosi nirá, alí we onochi echi chati riwel tami oloká piré. Aboni we nakí karunti namuti na´í kawirli niruami. ²⁰ Chopi tamujé kalil mi ripá riwigachi atí, echona jonsa nawamaré echi ku´wirami mapu tamujé ku buwe. ²¹ Tamuje ropokala mapu kie jiwerami jú, wabe sima rika jiwerami ku niwamaré mapuyira binoi ju.