¹ Echi rika, kalerami rijimala mapu nije we ni´yumi. Yemi jiti nije we kanila bité alí yemi jiti ka´la imiemaré nije. Echijiti kie sine ruwesi bichiwa echi walubela Jesusi, kaleramí apanero. ² Nije werli ané echi Evodia, yencho werli ane nulé echi sintike, chopirikia natami nínla okuank echi walubela Jesusi jiti. ³ Ni bichiwa nirá, yencho mi werl ané, muje tami yuwa nóchami, ku´wirikir je´na okua mukui. Aboni tami ku´wirli akanám nawesa Riosi ra´ichl. Echi Klemente yuk alí chojare onóchami tami yuk, aboni rawala ma osirutami jú. ⁴ We kaníli echi walubéla jiti, chue sine mi ané, we kanílsi. ⁵ Nakisú mapuriká chue jaré machimé mapu yem we kalié karra su´waba. Ma mulup ku nawama echi wa´lubela. ⁶ Kie omonasi karunt namuti jiti. Chopi, orark alí tank, natetl aka, ruwebo kara Riosi mapurika machimé. ⁷ Riosi mi ´yama we kanílkuami. Tamojoe kie machiya chorkia nijímarkia, chopi tibuma tamojoe sulala alí tamojoe natalí binoi Kristo Jesusi jiti. ⁸ Ma ni jubá nira, rijimali, kara mapu iki bichíl jú, kara mapu iki kalerami jú, kara mapu iki ka´lala, mapu we simati jú, mapu we kaníltami jú, kara namutimapu we kalerami jú, kalá olowámi nirá jú, kalá kalerami jú, Natasi jena jerika jiti. ⁹ Kara namuti mapuriká binerli nije alí yem chapili alí namli alí riwali mapuriká oloa nije, achiko riká olasi, alí jonsa Riosi mapu we kaníl nija yem yua asimé. ¹⁰ Nije we simirk kanili wa´lula Jesukristo jiti, mapujiti yem auche sine tami jiti nati. Yem chabé we tami jiti nata pireali, chopi yem kie kirli tami ku´wira. ¹¹ Kie karunti namuti risú nila echani nije jipi. Mapujiti ma bineki nije we kanila bité mapalí namuti risúa nilsa. ¹² Nije yena machí choka risúti nikua, ayenacho machí choka wíka namuti níkua Asibarika alí wika namuti jiti machiki nijé chórika we niwa bitelbo ko´wami o kie biyir niwa ko´wámi. Chorika wika nibo o kie biyir nibo. ¹³ Nije kara su´waba namuti olá omeri mapujiti Kristo tami jiwerli ´ya. ¹⁴ Chopi we ka´la níli mapu yem tami ku´wirli nop´alí nije risú nila asalí. ¹⁵ Yemi, filipochi pireami, yem machi mapalí ne sukuchi owina nawesa, Macedonia jonsa simikin, kie wesi tamí ku´wirli karunti nijá, chopi yemi ayena tami ku´wirli. ¹⁶ Mapali Tesalonicachi asalí nije, yem tami ku´wirli mapalí newale asali nije kie pi siniepi. ¹⁷ Nije kie wenomi ku´wirl ata. Chopi, nije naki mapuriká yemi minabí ku´wirtami nima. ¹⁸ Nije nare kara namuti, alí kia niwi. Nije we ku´wirta ati. Echi Epafrodito tami ´ya mapu yem akina tami yanala nuleli. We ala simati nirá jú, kanilk nijirami alí narerami, Riosi we kanili echi jiti. ¹⁹ Riosi yemi mi ku´wirma mapu ikí namuti yemi newalé mapu Kristo Jesús jiti omeri nijí mapu iki namuti niwi binoi. ²⁰ Jip jonsa echi Onourámi nísare mapu we onok nawajink walúla nirá anebo ne sinibi alí chulubi nirá. ¡Echirika jú!, Amén. ²¹ Nareps kara mapu iki Kristo Jesús bichiwami jú. Map iki tami yuwa muchuwi jena´i wa´lu sukuirl mi náli. ²² Sineami Riosi bichiwami jena´i pireami sukuirl mi náli. Echi mapu iki piré echi César yuwa.. ²³ Echiwalubeala Jesukristo mi natimaka sinibi yemi mi ku´wirsa kala jú.