¹ Neese, macaita Jericó iyacalena inuba ibale ibaliacawa nawalesena nia, Israel yaasa uwinai. Canata imosueriwa canata nacai iwalueriwa. ² Ya Wacuerinasairi imaca Josué iri: "Nuepadaca Jericó picapi iricu, yacalee icuerina nacai yasu uwinai nacai". ³ Iwawacata naipinaca itseba yai yaacaleca, macaita nia uwinaica naapinacawa iteseba ya yacaleca eeri imanubaca. Iwawacutacue pimanicani seis (6) eeri: ⁴ Siete (7) icueyei Dio icapee iricu, iwaeacuta nateca siete (7) cuwesinai ichalemi nasanaiderica iya ipichalee yae caweniri tacaisi yalu. Siete (7) erina pipinapinacue iteseba ya yacaleca siete (7) yaawirie, nia icueyei Dios icapee iwawacuta nasanaitaca nai cuwesinai ichamelica. ⁵ Nia iwawacuta nasanaida decuwaca isana cuwesinai ichalemi iyu. Nese neemiaranami isana yae nasainaidarica iyu macaita niai weneiwicanaica. Namaidapina macaita nachaimi iyuwa yaa yacalee yaawana icalalia pinacawa nia Israel yeenibenai napeliapinaca, naipinaca abechuanama naipunita. ⁶ Nese Josué, Num irica, imaidaca niai icueyeica Dios icapee ya imaca nali: "Pitecue yai caweniri tacaisi yaaluca, ina pibatacue siete (7) imanubaca icueyeica Dios icapee, nateca siete (7) nasanaidaca, cuwesinai ichalemica ipichale yai Wacuerinasairi yasu caweniri tacaisi yaaluca, ⁷ ya imaca nali nia yacaleminaica "Piacuewa, pipinacue iteseba yae yaacalena ina nia uwinaica naapinacawa ipichale yae Wacuerinasairi yasu caweniri tacaisi yaluca. ⁸ Yaa namaica caitade iyuwa Josue imanaca yacale iminanai irii, nia siete (7) icueyeica Dios icapee iricu nateca siete (7) imanubaca nasanaidanaca cuwesinai icalemica Wacuerinasairi yacualicu, idecunitaa naipinaca casana ya nasanaidanaca. Yae caweniri tacaisi Wacuerinasairi yasuca natecani namiweise. ⁹ Nia uwinai naipinaca napichale niai icueyei Dios icapee iricu, ya namanica isana yai nasanaidanaca caita nacai naipinaca caweniri tacaisi yalu yamiwaise, nia icueyei Dios icapee namaica isana yai nasanaidanaca mapubata. ¹⁰ Quewa Josué ichulieca nia yacale iminanaica, ya imaca nalii, pipinapinacue masananeri iyu ata alee eeri, numacatalecue piri ya "pimaidacueca". Neese Josué iwawacuta caita, pimaidacueca. ¹¹ Caica Josué ichulieca nate yae cawaniri tacaisi Wacuerinasairi yasuca iteseba ya yacalee abetaa aniawa nenialii eeri. Neese ya naca nayamaidacawa nacapema nerewa tayapi. ¹² Neese Josué imichacawa amaleeri iwere, ya nia icueyei Dios icapee irico nateca yae caweniri tacaisi Wacuerinasairi yasuca. ¹³ Nia siete (7) icueyei Dios icapee yepunideyeica nia siete (7) nasanaidanaca cuwesi ichalemica ipichalee yae caweniri tacaisi Wacuerinasairi yasuca, ya naipinaca dalanameri iyu, namaica isana ya nasanaidanaca nia uwinaica nacawa napichale ya aibanai naipinaca yamiweise yae caweniri tacaisi yaluca, Wacuerinasairi yasuca. Ya nasanaidanaca casanacani maputaba. ¹⁴ Puchaibana eeri, naipinaca iteseba yai yacaleca abeta aniawa, ya naca nayamaidaca aniawa. Caica namanicani seis (6) eeri iricu. ¹⁵ Siete (7) eeri iricu, namichacawa eeri imosuacaliwa ya naipinaca itesebaa yae yacaleeca abeta aniawa. Quewa sietena (7) eeri iricu naipinaca, yacalee iteseba siete (7) yawiriee. ¹⁶ Sietena (7) eeri irico nia icueyei Dios icapee namaica isana yae nasanaidanaca, iyuwa Josué ichuliena Israelminanai imanica. "¡Pimaidacue!" Wacuerinasairi caina yepuadacue piri yacaleca. ¹⁷ Wacuerinasairi ichulieca nia, macaita ya yacaleca caita nacai yai iyerica iricu pimalaida nia iina uata Rahab abeechua inanai imanichuca inaa iyuwa baweri pimacacue ucauca napicha macaita nia iyeyeica uapicha capii iricu umani caina cayaberi nali ubaaca nainawana nia puchaiba isianaica wabanueyeica. ¹⁸ Quewa picocue piawawa icha yae bawerica, picacue pidonuani canata nacai iwawacuteri pedacueca icha yae baweri wawasica --pedacanamicueni, yacu pitecacueca baweri Israelminanai icapee iri yacue iwacuta nanuacueca pia. ¹⁹ Macaita yae palata, iiba caweniri nacai, yaasusi namanirica bronce iyu hierru nacai, piwenuadacueni Wacuerinasairi iri. Pideniecueni iricule yae yalusi Wacuerinasairi yasuca. ²⁰ Ya nemiacali isana yae nasanaidanaca namaidaca cananama abemaidata ya icalaliacawa yae yaacaleéyawanaca. Neese nawaluacawa yacale iricule, aberinama naipinaca machacanita napichalewa ya nasuca naicaca yae yacaleca. ²¹ Namalaidaca cananama nia iyeyeica yaacalee iricu nacapisai iyuwa, asianai, iinanai nacai, uculiyei, beyinai, cuwesinai nacai. ²² Neese ya Josué imaca nali nia puchaiba asianai iqueyeica ya caalica piwalocuwa ucape iricule uae iinanai imanichuca inaa iyuwa baweri pimusuada nese uasu yaapichawa macaita iyuwa pidenacue pimaca pisanawa uulí. ²³ Ina nia uculiyeica nawaluacawa ya namusuadaca ua Rahab, caita nacai uaniri, uato, uenanai nacai macaita osuca. Ya nateca nia decule Israelminanai icaapema icha. ²⁴ Nese neémaca ya yaacaleca macaita iyerica iricu. Yaata iba cawenirica palata, yasusi namaririca bronce iyu hierru nacai nadeniacani Wacuerinasairi icapee yalusi iricu. ²⁵ Ina Josué imanica ulí cayaberi ua Rahab, imanichuca inaa iyuwa baweri, uaniri icapee iri uenanai iri nacai imaca nacauca, utaque nainami naayaca Israelminanai yaapicha neemali eri, ubaa caina nainawana nia puchaiba asianai Josué ichulieyeica ya icaca Jericó iyacalena. ²⁶ Nese Josué ichulieca neniwata namacaca natacaiwa baisiri iyu. Ya imaca: bauserica yae asiali Wacuerinasairi iri, yeepuerica imichaida ca ya Jericó iyacaleca. Iiri idabaneriwa yeetapinacawa caita nacai yae iiri namalaidanaco yaacale inumalicu. ²⁷ Wacuerinasairi iyaca Josué yapicha, ya nanaca neemiaca inawana nia eeriminaica.