¹ Israelnai namanicate baweri iwalise yate nawenuacawa yecawatena namalacatena, Acán Carmi iiri Zabdi, Zera iiri Judá iwitana ya Waiwacali imanica iluawa naipunita nia israelnaica. ² Josué ibanuaca Jericó nere mawienita Bet-Avén, erii imusuacataisewa ya imaca nali "Piacuewa piaca cali yate niai asianai nacawa Hai iyacalena. ³ Quewa nepuacalitewa Josué neere imacaa nali pica pibanua macaita yacale Hai neere, pibanua Dos mil (2000) asianai, tres mil (3000) asianai. Piacatenacuewa pipeliaca Hai. Neeni pica pichulia naibaida macaita uwicai iricuna maisibasiwacaina wia. ⁴ Niai tres mil (3000) asianai yuwi yate napiacatewa niai asianai Hai iyacalena icha nese niai asianai Hai nesse yai nanuaca. ⁵ Treinta y seis (36) asianai uwinai cachaini yaica nese idecunitaca napiadacawania yacale iwaluanacawa alede decule caweniri iyuwa idecunitaca nalicuacawa chenunise caliucule yacale caluaca ya nia yacale culuca nia nawawalicuisewa ya namacaca nasu caweniriwa. ⁶ Nese Josué imadaca ibalewa. Yapicha nia beyai asianai Israelnai. Naliadaca naiwita iwali chumalesi nanacate nabaluacawa waiwacali ya su arca ipunita, nayamacatewa neni taicawere. ⁷ Nese Josué imacaa: Waiwacali ¿cana pimaca nachabaca Jordán? Nepuadacatena wia amorreo icapi iricule namalaidacatenawia quewa wayamacalitewa abemaiseta Jordán. ⁸ ¡Waiwacali! ¿caina yewa numaca siucade nese namaweniaca Israel yate imusuipiacawa yuwidenai ipichalewa? ⁹ Siuca nia cananeonai macaita niaiminanaica nemiacaalini ya nawaacawia ya nia wenaiwicaca naimaicha waipidena. Nese ¿ ¹⁰ Ya waiwacali imacaa Josué iri: ¡Pimichawa! ¿Cana piawiadápinaniwa caliucule pinaniwa cali iwere? ¹¹ Israel imani ibayawanawa camitate namani caide iyuwa numanate nali. nayeduaca abenameyai waeasica nade nia yacate melaucuta nayeducate ya nacai nabaca nabayawanawa nadeniacate nayeduerica abecataita nasu yapichawa. ¹² Ina iwalise niai Israelitanai camita nade namaweniaca nauwidenaiwa ina yate nauwidenai ichawa. Nawawayuta namani naluawa namalana pinacawa nese nuyacueca piapicha yate iwawacutericueca pimalaidaca ina pibacanacaini. ¹³ ¡Pimichawa! pichunia ya yacale nuli ya pia pima nali picuniacuewa masacawaca mapisai tawichapina ya caina, Waiwacali Israel yasu Dios imaca: "Yacaima wawasi iderica iwenuacawa ideca iyaca imalanapinawa ina iyacue piwali mamalacata, Israel camita yewa ipeliaca yuwidewa yaque wa ipeliaca yawidewa yaque wa iwawacuta nepuada macaita ya nadenierica iderica iwenuada cawa emolana pinawa". ¹⁴ Mapisaita iwawacuta nasaidacawa macaita naiwitana imanubaca ya waiwacali iniwaca yanacali ya waiwacalo iniweyaica iwacuta nasaidacawa nia asianai aberinamata. ¹⁵ Ya ichabapinawa yacaina niai ideyeica iniwaca nadeniacali yai nayederica ya nicanica nemapina macaita icape ideniarica idecaina italuacawa waiwacali imacacatai itacaiwa neli ina nese namanica nabayawanawa Israel neni. ¹⁶ Nese yate Josué imichacatewa mapisaisiwata yanaidaca Israel mawienire naiwitana imanubaca inaa nia Judá iwitana namacaca. ¹⁷ Josué yanaida yenaiwa Judá cerca, nese mawienire ina niani Zera yenaica cacatenia abechuanamata. ¹⁸ Ya yanaidaca yenanaiwa Zabdi nese wenaica iyuta abechuanama, ya Acán Carmi iiri, Zera irique Zabdi Judá iwitana. ¹⁹ Yate José imaca Acán iri pia nuiri pima baisita Waiwacali ipichale ya Israel yasu Dios. Picalida pichawa irita pimani nuli cayaberi picalida nulini ¿Caina? Canatecue piberi. ²⁰ Acán yebacate: baisicata yara ideca cabayawananua wawacali ipunita Israelnai yasu Dios. Yate numaniriya: ²¹ Nuicacanami caweniri cayaberi Babilonia yasuca, doscientuirica (200) iweni plata ituina, aberi oro yemana peseidericawa aberi kilo yemata medio (1/2) cacapinaca nalini nuedacani yai oro yemanaca nese nenicata nubáni bamuchuami nuwenida cataica, palata ituina yapicha. ²² Josué ibanuaca yasu wenaicawa, ya napiacawa iwendacalu nere ya nanacami ibacataica palata ituina yapicha. ²³ Ya nanacate yai ideniacate yasu cawa ina ya nateca macaita Josué nere macaita niai Israelnaica ya nasaidacani Wawacali yacualicule. ²⁴ Nese Josué macaita Israel iyacalena nateca Acán Azera irii, palata caweniri oro yenibenai ipiranainacai, yepenideri isasí cairica iyuwa bueye, mula, oveja, ya macaita ideniarica natecate macaita alede manucuali ipulerineree. ²⁵ Nese Josué imaca: ¿Canaa pianaida walii yuwichacaisi? Waiwacali yanaida pinaca yuwichaisi piri siucata. "Macaita niani Israelnai ya nanuaca iba iyuni yate nemacáni. ²⁶ Ya namichaidaca iwali aberi duli iba iyu. iyerica siucalenama yate ipidena iyacatai siucalenama manacuali ipuleri.