¹ Ina Macaita naiwacababaica nia amorreo nai iwalibericá eri idapoacatalecawá yai uniba Jordán macaita nai naiwacanana; nia cananeo iyeyica idulepiba ya laama nemiaca ya waiwacali ichuiwidaca ya uni yasu uniba Jordán ina inumami ya yacale Israel yasuca ide ichabacawa ale abemale, ya iwawaca ya ipuniacawa icaluiniwa ina ya camita idenia iwawana ipeliaca iwaliseya yacale yasu Israel. ² Ina yamite ya eyi ya imaca iri waiwacali iri ya Josué: "pimani wisaanasi iyu ya ibaca llewacatena macaita nia asianaica siseyica Israel nese." ³ Nese Josué imanica wisoanasi iba iyu llewacatena macaita nia asianaica ya nairiaca nawaliserica nia Israel yasu duli neni ya Aralot. ⁴ Ina lleva iwalisena ya Josué idaluaca nawaliserica macaita nia asianaica imusueyicawa Egipto, icha yate netacawa alede iricule ya maisawaliré idecanami mamusuacawa Egipto icha. ⁵ Ina iwalisena ya macaita nia asianaica imosueyicawa Egipto nese nairiaca nawaliseri, canata nairiarri nawaliseri nia sumanai asaiyica maisawalire. ⁶ Israelminanai naipinaca maisawaliri iricuba cuarenta (40) camui macaita nia weneicaca imana, macaita nia uwinai imusueyicatewa Egipto nese netacawa, camicaina nemia imana yae waiwacali. Yae waiwacali imaca nali caminapina naica ya cali imerica nali iwali naliniae baliteyimica, cali manuberi iyu vaca ini ituni ya aiba maba ituri. ⁷ Nia nenibeca, niacata waiwacali imaqueyica nalu iricu, nia Josué idalueyica iwalisesai, camicaina ide nadalua nawalisesai chaba ayupu iricuba. ⁸ Caicate ichabacawa macaita nadalueyica iwalisesai, ya llewaca nayamacawa nayamaidacataiwa ata maita nachunuacawa. ⁹ Ya waiwacali imaca Josué iri: "ya erique ideca nuedaca naicha yai baweri iderica ichabacawa Egipto irica," piacue caicata ipidenaya iyerica ipidena Gilgal ata siucalenamata. ¹⁰ Ya yacale Israel yasu iyamaidacawa cha Gilgal. yai eri catorce (14) na celebrataica Pascua querica, ya taicale ewitaca mayamaidacawa obederi cali Jericó yasu nere. ¹¹ Idenami yai Pascua yasu erii, neniali erita, nayaca yai nabanerica inata yai calii, pani mewiserii, yacasi nadamuluerii. ¹² Ya maná imalacawa neniali erita, idecadenami nayaca yai nabanerica inata yai cali. ya canaca quiri maná nali nia weneica Israel neseyei, quewa neniali camui nayaca yai nabaneri chai Canaá́n yasu calii inata. ¹³ Josué iyacalite nawianita Jericó irri, ya imichaidaca ituwa icaidaea ina icaca aberi asiali ibalueriwa ipunita yacani, ibacá icapisaiwa icapi irricuwa. Josué́ yacawa yatalé ya imaca irri; ''Iya wapicha o napicha nia watalimanai. ¹⁴ Ya imaca yebaca: "Canacata yasuirini nua numaca naiwacali nide uwinai waiwacali yasu ina yewa nuanaca." nese Josué iyamaca iriadaca iwita caliwerre ipichawaise ya imaca irri iwitaise iyuwa. Pidenia pibanueripina nuli nua ibaideri pirri. ¹⁵ Ya naiwacali nia uwinai imaca Waiwacali Josué irri. Piwata ya piabali iricuiricawa, ya caina caicataica Pibaluacawa piyaca mabayawanacatai caica imanicani yai Josué.