¹ Idenamité yae, caicaté ichacaba David iri nia filisteos yaté imaweniacania. Ya yedacaté Gat nasu nayacale neni maisawali naicha niae filisteos. ² Yaté idenami ya namaweniadeca Moab, nia moabitas nepuacalé naibaida David iri yate napaidaca nalini namanirica. ³ Idenami, David imaweniadacaté yae Hadeb Ezer, yacalé icueriná Soba neseri ale Hamat nere, idecunita Hadad Ezer idecunita yacawacawa yewacatena ichuniaca ibaluadaca ichuliacata pinaca alede uni Éufrates. ⁴ David cachainicate icacawa nayu nia mil (1000) carru, siete mil (7000) asiani cawayú inateyi, veinte mil (20,000) namanubaca ibeideiyi Haded iri. David inadaidacaté aberinama nabali macaita niae cawayu nepunide iyu pina cien (100) carru cawayu iyuiri yepunicawa. ⁵ Caicaté niae arameros Damasco nanacaté nayudaca Hadad Ezer yacale icueriná Soba nere, David inoacaté veintidos mil (22,000) asianai arameos. ⁶ Nese David ibaluadaca uwinai ale Aram Damasco yasu, niae arameos yaté namanicawa yasu weneica iyu, nanaidacate iri aberi naná irini imiatacana. Ya WAIWACALI yaca iri chaini David yacatabatawa, yepunitabatewa yacani. ⁷ David yedacaté escudo oro iyuiri ichanericate nawali niae nasu weneica Hadad Ezer naica yaté natécani alede Jerusalén nere. ⁸ Sisade Tibhat Cun nese, yacalé manuinameri Hadad Ezer, David yedacaté manubasiwata bronce. Ina iyuta yae bronce cairica Salomón neseté ya imanica lama bronce iyu, niaté icawaca ibalueyeicawa naibaiderica iyu bronce iyuiri. ⁹ Tou calité, yacale icueriná Hamat yasu, yemicaté David imawaniadana macaita ya uwinai Hadad Ezer yasu yacale icueriná Soba neseri, ¹⁰ Tou ichuliaca Adoram, yai iri, yacalé icueriná David itaidacateninami aiba ibendicia catenami yacainate David ipeliaca naipunita Hadad Ezer ya imawaniadacaté caicaté Hadad Ezer imanica ichuniacaté uwicai naipunita niae Tou. Adoram yanaidaca yapichawa ya wawasi palata bronce iyuiri. ¹¹ Ya yacalé icueriná David idecaté imacaca ya WAIWACALI iri palata oro yapicha nacai yate yepunidericaté macai calita: Edom, Moab, Amón yasi weneicanai, niae filisteos Amalec aiba ¹² Sarvia iri yai Abisai, inoate dieciocho mil (18,000) edomitas alede manacuali ipuleri ideniarica iduma. ¹³ Ya imacaca uwinai Edom neni, David yasu weneicaté macaita niae edomitas. Ya WAIWACALI yacaté ichaini yai David yacataletawa yepunitabatawa. ¹⁴ David ichuliacaté macaita Israel ya ichuniacaté yaté chainisi ichuliana pina macaita chai iyacale iricu. ¹⁵ Sarvia iri quei Joab, yacale naiwacali niae uwinai Josafat, Ahilud iri, itanericaté naipidena cuyaluta iricu. ¹⁶ Ahitob iri yai Sadoc, Abiatar iri yai Abimelec, niacate icueyi wacuerina Dios icape yai Savsá Hanerité. ¹⁷ Joiada iri yai Benaía, iyacaté napicha Cereteos Peleteos naica, niae yenibeca yai David niacaté ideniayi tacaisi nalapina yae yacale icueriná.