¹ Apada atsia matsidalritsa iwaopiakje caaco lrimatsicana naco lricaolre rikjoite; corrin lrifio lricapaca Dio. ² Lrioma lriajiacacawa jliwacawacatsa, lriwaopia catja corricaotsa coca yají lrimatsicana naco njite corri caotsa matsi nacapa lrikjaoteni. ³ Matsiperri minitsa njaji lriacoam njite icamitsa lricashataca; corrin lrioma cajikjedalricani njite corrin lrioma lrinaitjaca matsia. ⁴ Lricoakje lri-amaki ricó, icamitsa lriwaopiaca coajicaotsa lrinaitjaca matsi; ikena lrinita lrinaitjaca matsi; corri jlienawa imatsicanati ioya. ⁵ Piacoam mamatada-cádalri, no-Minalri, lriocawa eenolricojle; jliaji ajádalricawa pjia noapoiya lriocawa iyadaoca nacojle. ⁶ Caidalrica jliaji Pimatsiaca iyenonca lricayosho jliaji jiipana yenondalri Dio iyada; njite tjewacadalrica, marsocadalrica lriocacawa jliaji pjirrapitetashopa njaji matsiperri. No-Minalri, Piwapjentsa njaji yamapoco cafiperri, inaikinai njite njaji maficalri. ⁷ Matsiadalrica jliaji Piacoam mamatada cádalritsa. no-Diote, njaji inaiki nadawacawa Pinapje yapjite, cayoji coamen idawaca capishoa njadoa ipje yapjite. ⁸ Matsia watsa najiacacawa cayoji naiñja capisho iñjaodati matsiaperri piipana lricope; njite cayoca njaji pimatsiaca ooni matsiadalri sho picadalri nairrao. ⁹ Ima Pioshete lrimotoa jliaji ooni cafidalri; njite Picamarrana lrico wacapaotsa jliaji camarrai. ¹⁰ Picadaa tsakja narso jliaji Piacoam mamatadacadalri ajádalri narso njaji icoadatacape pjia ajádalri sho, njite Pidanata njaji matsiaperri icaolre ricó. ¹¹ Macadatsa natsomitaca njoa njaji inaiki padalreperrimi. Macadatsa nopitocawa naikjaote njaji inaiki matsiaperritsa inaitjaca. ¹² Icatsa njewacawa nirse njaji inaiki matsiperritsa iwaopiakje; njewacaotsa matsidalri ricó njite corriotsa nataitácarroca njenicocawa napieta.