¹ Noa Pirso matsiadalri, no-Minalri, Pjita capoa cafainadalri ioya njite corrin picada njoa nocoemanaipe irso necácarrontja noicao. ² No-Minalri Dio, nowana Pikjaolre Pikitsindatá-carro njoa, njite pjitaca njoa naoya. ³ No-Minalri, oopi pjirreta njoa irrirri ioya; njite corrin Picadaa naorrocoetaca njoa irrirri ricó. ⁴ Iá matsiadalri wa-Minalri irso canción sho, sha lrienipe corri-perri imacani. Icaite matsia lrinaco iwada cádanaco corridalricatsa irso Imatsicana. ⁵ Corridalritsa icada wiá Lirroa iofá lrinaco; mitsa kjenaca Lricapaca warso caidalritsa. Deepidalritsa jliaji iyakjeti, ima jalre cádanacoena ikena itimati iocacawa lrinaco. ⁶ Ajádalri nocadaca nocaolre Lrinaco nocaite cádanaco cayoji: ''Corriotsa coancaojlica pada shamacaotsa njoa.'' ⁷ Pimatsiaca ikjaote tsa, no-Minalri, Picadaca njoa cayoji jiipana taimídalri yemacawa; mitsa yami cádanaco pikitsindataca njoa, corrin noaji coaji caotsa njoa. ⁸ Nowana Pikjaolre, Pjia no-Minalri matsiadalri, njite nooma no-Minalri ikitsindataca njoa. ⁹ ¿Cocantja lrimatsiaca mayami cádanaco njoa, njite nadawa cadaa njoa irrirri lrico? Jliaji nópacaa corriotsa lricaité carroca Pinaco matsia, njite corrin tsakjaotsa lricaité carroca matsiaca pacadaca pacaolre Pinaco. ¹⁰ Pjimi, no-Minalri matsiadalri, kjená Picapaca norso. Iminalriti, Pjia nooma ikitsindataca njoa. ¹¹ Oopi Picadaa catimaca njoa inodalri icaolre mayami capoa nokitsinda; oopi Pjita nooya jliaji tsaya tsaco wanam nonaconda njite picadaa catimaca njoa nocaolre ricó. ¹² Niini panaya nocantaca Pirso Pimatsiaca ikjaote, corriotsa macó carroca njoa; No-Minalri Dio, caidalritsaotsa noaca matsiadalri Pirso.