¹ Iá matsiadaklri Iminalriti irso, sha Dio yenipe. Iá matsiadaklri Iminalriti irso Lrimatsiaca melremelredalri ikjaote njite kjaidadalri capoani. ² Ia matsiadalri wa-Minalri irso ima ajádalrica matsiadalricani. Iyamjeta jiwida lrikjaolre jliaji wa-Minalri ima mamatsicanadalricani. ³ Caaco cádanaco jliaji Iminalriti kjema pjaca Lriacoam oniñokja manoa lricoda ioya; kjemádalrica eeno sho jliaji wa-Minalri imatsiaca melremelrédalri, kjema pjemica Lriacoam ooni Manoa lricoda yekjoete. ⁴ Kjaidadalrica wa-Minalri iacoam; talricanati yacoamca jliaji Iminalriti iaco.m. ⁵ Lritsafa njaji jaico cedrona caaco cádanaco jliaji wa-Minalri; Lriwitita njaji cedro lrima libano lricoperri caaco cádanaco jliaji wa Minalri. ⁶ Lricadaa Libano iwatsiacawa cayoji vaken iwatsia capisho njite Sirión iwatsiawa bufalo emine iwatsia capisho. ⁷ Tiyee imotoa Dio inoma lrikjoite caaco cádanaconi. ⁸ Lricorsocawa jliaji jalrapocolri caco cádanaco jliaji Iminalriti; Lricada lricorsocawa jliaji jalrapocolri Cade lricoda. ⁹ Wa-Minalri iacoam icadaa napirritacawa njaji jaico macanepe njite lripeecona njewao ima caolri kjaidadalricani. Njite nacaite pjiomi njaji Lriipana lricoperri: ''Matsiadalricani.'' ¹⁰ Talricanati kjaidadalri sho lriofacawa jliaji Iminalriti ooni iicao lrimota cádanacoa; Lriofacawa jliaji Iminalriti talricanati sho caidalriwetsa. ¹¹ Wa-Minalri iá njaidawa njaji Lrinaikite aimadan; wa-Minalri icadaa namaodacacá lrimatsiaca ikjaote njaji Lrinaikite aimadan.