¹ Nowanaca pikjaolre no-Minalri, Pjia njoidada, mamenatatsa njoa pioyawa. Corri cadaa pjimi norso, icamitsaotsa nainoca njoa. ² Pjimi coajica notatjaca piinai caiwi ricotsa notatja cádanaco Piinai Pikitsindatácarro njoa, njorreta cádanaco njaji nocaapi Piipana matsiadalri yemalriwa ikjaolre. ³ Mapecotsa teco njoa nainai njaji inaiki matsiperri iwaopiakje, njaji inaitjacape aima imatsicanati, njaji icaitepecaperri namaodacá-carro nacodapiperri iapiya mitsa pakjamperri imatsicanati nacaolre ricó. ⁴ Picaoñana namatsicana icoada shotsa, coshoca namatsicana cayo tsakja picaoñana, cayotsaji nanaitja capisho nacaapi sho, cayotsaji nanaitja capisho. ⁵ Ima corrica naoma nají nanaco njaji wa-Minalri idejicalre. Lripecoatsana njite corrinatsaotsa Lridia watsa Jlirretana. ⁶ Matsiadalrica caidalriwetsa jliaji Iminalriti jlimi capoa njaji notatjalri caiwi ricotsa. ⁷ Noidadaca jliaji no-Minalri njite Jliatsa jliaji idanatacaita njoa, njite cayotsa Lrikitsindataca njoa. Niini catimaca nocaolre pekirritsa, njite noaca Lrirso matsiadalri canción sho. ⁸ Jliatsa jliaji Iminalriti ikitsindatacada njaji Lrinaikite aimadan njite Jliatsa jliaji lridawaaca cawa lrico manacó-carro jliaji Lriniwananda. ⁹ Pinacota njaji Pinaikite aimadan njite Pinaitja matsia narso njaji Piyarrope. Icatsa Pjia iwapacaitana njite caidalriwetsa Pideecana matsiacawa lricona.