¹ Picaite noacona, no-Minalri, ima corritsa coca noaji nonaitjaca nomatsicana; nocadaa nocaolre Dio naco njite corrin yamadaca nowaopiakje Lrikjoete. ² Picapa coajica njoa, Pjia no-Diote matsiadalri, piwi picapao coajica njoa, piwi picapao corri cadetsa pacapa pada imatsicananti owaopiakjre ricó njite nocaolre ricó tsakja. ³ Ima nowaopia coajica matsiaca Pjia noapiya niini corrin notaita nonaitjaca Pirso matsi. ⁴ Corrin nokitsindajica njaji inaiki cashaperrimi, corrin tsakja njaji yajicaperi imañeta njaji apjetsida. ⁵ Matsi nocapaca nawaketaaca cádanacoa njaji inaitjacape maatsi njite corrin nofacawa nainai njaji matsiperri iwaopiakje. ⁶ Nocotsoca nocaapi ooni sho wadee camatsicanaca njoa njite naotsa notaita noemanjicawa Pi-altarni iwaida nacó, Pjia Dio matsiadalri, ⁷ nocantácarro kjaida apapeco canción nocaitecawa matsiadalrica pjia njite nocaitecarro pjiomi njaji Pinaitjaji matsiaperri. ⁸ Dio matsiadalri, nopeyo nocaolre rikjoite jliaji panti Piofalri niini, Pimatsiaca melremelré-dalri iofalri niini. ⁹ Mapecotsa njoa nainai njaji camatsicanaperri, o ¹⁰ nocafica nainai njaji iomacapetsa inoca inaiki, njaji inaiki jinico cape nakjoete njaji apjetsida njite njaji kjaidaperri pakjami njetácarro apjetsida iyarro ishati sho. ¹¹ Mitsa njoa, matsia watsa noajicawa; pimanacota njoa njite kjenaa picapaca norso. ¹² Ima nopjoaca taimídalri naco noapiyao; noa watsa matsiadalri Dio irso nowacaaca cádanaco naapiya njaji nokitsiñape.