¹ Nirri, pimatsieta njajĩ noaco njite picacoadata njajĩ Dios iaco. ² Pinaitja cayojĩ nocaite capisho njite piofa watsa wiawa jalredaoca lrico, njite pimatsieta njajĩ nocananta sopa pjia cayojĩ piwapa capisho njajĩ pitji. ³ Pjipa matsiana pirsowao njite picada naofaa picaolre rico. ⁴ Picaita yanjikjeti irso, pikitsidoacano, njite picaite iyeecati irso pikitsida cani, ⁵ njite lriyomjeta watsa pjia roya rsoajĩ inarro cawilredarron roinirri ioya, ⁶ Apapia jalredaoca nocapa no-ventana lrikjoite, cadana-dalri. ⁷ Nocapa apadapena inaiki mañjicaperrin,njite nocapa napecolrico apanapenaa yeenpetipe canacaiperri irso yañjikjeti. ⁸ Jliajĩ yenpetji lriyoetaca jliajĩ calle tsomitsa lritonjowi ioya,njite lriaca rropana icaolre rsoajĩ cawilredarro. ⁹ njite lridiajĩca rroderre dainomaca icoan njite depipjena njite deepirricotsakja. ¹⁰ Njite kjeyanatsa rromotoca lricoete, roetacaca cayojĩ inarro cawilredarron sho, corricadana ajadalri rrocalre. ¹¹ Joida rro ikerroataca inaiki njite mjepacadarro; maofacarrotsa pantirrico. ¹² Yanjicada akjerrecatsa, callerrico, nawendecawa, njite calle itonjiwinaco rrowapacarro cocacatsa yoca rroicaolre. ¹³ Njite rroiyoanjajĩ atsia njite rrobesani njite matsicalrirrico rrocaite: ¹⁴ Nocaitepia nanaitacarronjajĩ ofrenda imawadacakjetji naco njite nonaitjeninani panaya, ¹⁵ Nini nono noketacarro pjia, nomacapoa nocapaca pjia opina noketa pjia. ¹⁶ Norso pia norsoacarrota matsiadalri, jérriwaikja matsiaperri sho Egipto lrikjoitepe. ¹⁷ Noarro norsoacarroita mirra sho, aceite sho njite jaicoya pomenidalri sho. ¹⁸ Pinoena, wapeyoacacarro atee jalreca waicao; wacatimataca-carro lrisho jliajĩ ipeyokjeti. ¹⁹ Ima corri pjacapa nionirri wapanalrico; ima lriacao tjeeco. ²⁰ Ima lridee aima parata; corriwatsa lridiaca yamanjaa yaapodam. ²¹ Caacocapoa aima lrirso rsopadameta lrifopiake; iacoti joiwipesho rsomañetacani. ²² Njite jliajĩ atsia lriaca rroapodan cayoñji nadecapisho njajĩ vaaca nainoada, cayoñji neerri ipapiacacapisho yoowetjirrico, ²³ cayoñji apada iyawitacada iyawitacapisho neerri icaolrenaco; cayojĩ wipjiarro yarracapisho yoowetji icaolre corrinnjajĩ ninicatsa mayamin. ²⁴ Panaya noenipe pjiminjajĩ nocaiterri:piwapa pjimio njajĩ nocaiterri nonomalricoite. ²⁵ Mamatsicacatsa rroicaote rsoajĩ inarro ,wadewatsa piaca rroapodan. ²⁶ Ima aimakena mayamica rroicaote, aima njajĩ rromañji mayamica rroicaote. ²⁷ Jliaji roopana yemawa irrirri icodapi; Pjiomi njajĩ yacape ropanalrico nacawa mayamicalri ikjaolre.