¹ ¿Kapjantja pifanaca jliajĩ yaniketi? lriji iyeecati ¿Pja corrica piwana iyeecati? ² Lriemacao yeenon, njeyapacawa icodapi, nayoetacawa njaji inipo, janjikjeti nakja yemawa lriemacarromwa. ³ Yacalre ipananoma icoemjete, lriwanaca kjaida yacaalre ipananoma lrico. ⁴ Sha inaiki, shaa jliaji nowana; nooma njemica noacoam njaji inaiki padenirri. ⁵ Shaa yeempetipe mayecaperri icanantacao cayeecaperri-acarro shaa njite shaa manjicaperri irsotsa yanjica. ⁶ Iwapa jimi,ima nocaiteotsa iyacotji matsiaperri,njite nocaiteotsa yacotji mayacamperri. ⁷ ocaite yacotji mashaperri;ima corrica nomotoeta ishaatji nonomalricoite. ⁸ Pjiomi njajĩ yacotji nocaiterri mashaperricana; corrin pacapa matsidalri corritsakja ishatji. ⁹ Pjiomi njajĩ yacotji nocaiterri matsiaperricana lrirsonjajĩ yañjicada jimica, mashaperricana narsro njajĩ yomacape yoketaca jliajĩ yañjiketji. ¹⁰ Yoma irsowaonjajĩ nocanantashopa palrata ioya; yoma irsowao njajĩ yanjikjetji owiro matsiadalri ioya. ¹¹ Lriañji yañjikjetji cacoadadalripacan naoya njajĩ jipada cacoada perri; cacoadadalripaca naoya njajĩ paomaji. ¹² Njoa, yañjikjetji, nofafa padapana lricotsa lriapiya jliajĩ iyeecati, njite noaji nocadaca iyeecatji matsialrico. ¹³ Lriañji ifiokjetji Dios iwana icatsanjajĩ pjepondatacanjajĩ matsirri.Njoa njopondatanjajĩ padalrekjetji, njopondataca njajĩ cacodalri macatsa njite ishatitsakja. ¹⁴ Njoa norroentsanjajĩ yacotji matsiadalri nomatsietacarropjanjajĩ yañjikjetji;njoatsanjajĩ inaitakjetji njite nonacoitedalritsanjajĩ jidatji. ¹⁵ Nonacoitetsa natalricanata njajĩ italricanatinai, naatsakja caconaperri, Goberdornaitsakja. ¹⁶ Nonacoitetsakja nadañji njajĩ caconaperri njite pjiomi njajĩ caconaperri. ¹⁷ Nomaca njajĩ yomacapetsakja njoa, njite njajĩ yomacape noa caidalrico naoketacanoa. ¹⁸ Noinaiperricatsa njajĩ canacaiperri njite lriatsakjanjajĩ icoadati, njajĩ mawayacacaperri. ¹⁹ Pjiomi njajĩ nocadalri matsiaperripa owirso ioya, matsiaperripja njajĩ nocadañji palrata ioya. ²⁰ Noacatsa inipo mayacandalri, noacatsa inipo yacada matsicawalre. ²¹ Nacapacarroatsa, nocadaotsa narso njajĩ yomacaoe noa pjiomi canacaidalri narsocarro jorrepja. ²² Lriañji nominalri lrinaitapia noa lrinitacawalri noapia lrinitanda lrinaitaca . ²³ Opipia lrinaitaca njoa, lripjeyatoa lrinaitaca njajĩ jipai. ²⁴ Lripjeyatoa lrinaitaca oni mar lrinaitapiena njoa, lripjeyatoa lrinaitaca njajĩ onipao jiwidapan irsocape aima oni. ²⁵ Lripjeyatoa lrinaitaca jipana, njite lripeyatoa lrinaitaca tsakja awacada lrinaitapiena njoa. ²⁶ Nomotopiawa lripjeyatoa wa-Minalri inaitaca lriañj jipai natsakja padeñjicawa, lripjeyatoa lrinaitaca apada jipai itj añji jalredacalrico. ²⁷ Njoapiena lrinai lrinaitacaolre njajĩ enolricolre, njopietsakja lridanacaolre coancaotsa lrinaitacanjajĩ tjewacacawalre. ²⁸ Njoapiena lrinaita caojli njajĩ iyadaoca yenonrre njite lrinaita cadanaco tsakja njewidapao njajĩ onipao añji jipainaco. ²⁹ Njoapiena lricadacaolre njenanao njajĩ oni mar, corricarro oni itaita jiyapacao akjerreca llricadacawa, njoatsakja lricadacaolre jipai yemacarronao. ³⁰ Njoapiena lrinai lriawalri, cayojĩ apada cayecjadalrisho; njoatsanjajĩ icatjimatacaita jalredaoca icoam, catjimaca njoa caidalritsa lricaotje. ³¹ Nocatimataca pjiomi kricaotenjajĩ jalredaoca lrinaitanda, catimatsakja njoa naicaotje njajĩ inaiki llricanipe. ³² Panaya, noenipenai,jimi norro, nini njajĩ jipacape irsowao jliajĩ nocaiterri lrimatsietacaotsa na. ³³ Jiminjajĩ nocanabtashopa cañji kjeperricaotsana; mamawadacatsa naoya. ³⁴ Jliajĩ jimicada noaco matsiacaotsani lricacaotsa nopananomalre jadaoca icoam, ³⁵ Nini coañjidalri catsa yoketa njoa, lrirsoatsa lridada mawayacacadalri; njite lrioketaotsa wadiote imatsiaca. ³⁶ Mitsanjajĩ imatadacada lrimatsicaca lriwacatsao; pjiomi njajĩ jipondatacape njoa naomacanjajĩ mayamicalri.