¹ Agur, Jaque yenipe jlicaite yacotji nasrro njaji Itiel,jite Ucal isrrotsaca: ² Ajadajli nocaite noacatsa caiji maficajlisho jlioya jliaji apada inaiki nite corrin nosrro inaiki yajikje. ³ Corrin noaji jliaji yajikjetji, corrintsaca nosrroca yajikjetji matsiadajli. ⁴ ¿Cocao jliaji itjatacada jirraca enojlicolre nite jliorroco tsenacja niteo?¿cocao itjaita jipaca jliaji caojli jlicapirrico? ¿cocao itjaita jipaca jliaji oni jlicapirri?¿cocao inaitja piomi jliaji jipai?¿cocao jlipitana jliaji inaitacada piomi njaji nite coca jlienipe ipitana? ⁵ Pjiomi jliaji Dios yaco ajadajlican; namaodaca-shopacan njaji ipeyocapen. ⁶ Marruetatsa yacotjipä Dios yaco yoya vadevatsa jlirrapji-tjetacapjia nite nite jlicañataotsa cashadajlinca pjia. ⁷ Yamada yacotji notjata pinai pjia no Dios te, piacarro nosrrona jlipjeyatoa mayamica noa: ⁸ pjieta noya matsidajli nite ishatjitsaca. macadatsa cananidajlica njoa corrintsaca kjenadajlica noa, mitsa picada noiñao jliaji nomajli. ⁹ Ima nosrrocada aima notjaitaotsa nodavaca piacona nite nocaiteotsa¿cocao jliaji nominajli? 0 Kjenadajlicada noa notjaitaotsa noñaitoca nite nomatsicaotsa no Dios te ipitana. ¹⁰ Macaitetsa matsi apada idejicada isrro jliminajli ipjeyalre vadevatsa pjirrapjitaca jlicoada. ¹¹ Nini inaiki matsiperri cacoca njanirri isrrnite corrintsaca naca matsiadajli nadoa isrro. ¹² Nini inaiki ivaopiacape matsiacana jlisho jliaji navaopiajli, corricadanatjoa Waminajli shata jliaji namatsicana. 13 ¹³ Nini inaiki icaitecape matsiacana, mitsa matsiperrin-cadanana ¹⁴ Nini inaiki ipeyocape palrata nañaitoji kjenaperri yoya naoya naji maidaperritsa jalredaoca-jlico njetaca napalratan naoya piketemite nite nacada kjenacana callerrico. ¹⁵ Srroaji mapalra srrorro yamama rroitinaipe icaitecape pia nosrron pia nosrron, madajlida yacotji nacaiterri nite jliaji coatroshopa yacotji corrin yami naomaca: ¹⁶ Jliaji irrirri,Jliaji irrirri,nite srroaji menipedarro, nite jliatsa jliaji jipai corridajli mapji yomaca oni; nite jliaji tjiye corritsa coancaolre jlicaite¡ anjena¡ ¹⁷ Jliaji matsidajli icapa jlinirri nite corridajli shepa jlidoa, mitsiapjanta perri jitaca jlitji naiñacarron naji jlienipe. ¹⁸ Nini madajlida yocotji matsiaperri- calretsa nosrro mitsa jliaji coatroshopa corri noaji coajishopacani: ¹⁹ Dios icapjentsa jliyapacarron caojlirrico jliaji perri,nite jlicapatsaca api jiyapacarron jipacoanaco; nite jlicapatsaca jliyapacarron jliaji ita ooni macapavanrrico; nite jlicapatsaca jliacadanacoa jlia apada atsia inasrro yenpetjitoa iderre jlinaitjacarro matsi srroapiya. ²⁰ Srroaji inarro yopidarron srroyapa coajida-catsa atsia inai, nite jliapodamina rrocaite corrin nonaitaca matsidajli. ²¹ Nini madajlipoco inaiki naoyavaca, coatroshopa icatsa naji corriperri patjaita pavantaca . ²² Caconaite-cadanaco jliaji idejicada nasrro; nite jlisrrocadanaco aima iñaodatji jliaji majicadajlin. ²³ Cainirri-cadanaco tsenacja srroaji inasrro yopidarron matsi nacapa srrorro,nite caconadarro-cadanaco srroaji idejicada rrominajli shapotjete ²⁴ Nini coatroda maficajli tsodajlipetsa aji jipairrico mitsa cajikjeperri-pjacana naoya naji apjetsida : ²⁵ Naji cavipe maidaperritsa, mitsa namatsieta naiñaoda camoirrico oonia ipjeya, ²⁶ Naji conejo corriperri cjaidaca inaitjaca ipanao jipadapecojlico. ²⁷ Naji tacapa corritsa narroenca naminajli, mitsa naca mayacanva. ²⁸ Jliaji dopo jliavantacaca nasho naji yamemade jlicapi, mitsa jliofatsacao jlipanajlico jliaji itjajlicanatji. ²⁹ Nini madajlida nite coatroshopa matsiaperri pacapaca yajicao: ³⁰ Apana yavi, cjadadajlipa nanacoite naji maficajli corridajli ifiocao; ³¹ Apada coama padalredajli; apana cabra; nite apada itjajlicanatji isrrocada jlitsolrodaonai yajicape jlinai. ³² Pinatja-cacadava caiji majicadajlin- sho nite piajiacacada caiji caconaitesho nite pivaopiacada pinaitjaca matsi apada isrro, picapaotsa pioyao naji nacaiterri. ³³ Caiji icodoetacadasho leche jlirroatsa mantequilla napatoetacada caida jliaji pjitaco kerranacaotsani, nini pinaitjacada irroatji irroatjiotsa pioketa.